السلام عليكم ورحمة الله وبركاته
أنا شخص انطوائي جدا مبعرفش اتكلم مع حد ولا اتناقش ولا أعبر عن اللي جوايا والموضوع دا مسبب ليا ازمه كبيره ف حياتي من أهلي وصحابي محدش بيحب يقعد معايا عشان انا شخص مملل مش بعرف اتكلم ولا اعمل اي حاجه مش عارفه اعمل ايه
نفسي اتغير واعرف اتكلم زي الناس الطبيعيه مش اعمل كدا ازاي الموضوع صعب اوي بالنسبه ليا.
بص اللي إنت حاسه ده ناس كتير بتحس بيه، ومش عيب أبداً إنك تكون انطوائي أو مش بتعرف تعبر عن اللي جواك بسهولة متحاولش تجبر نفسك على إنك تكون شخص اجتماعي فجأة، خدها واحدة واحدة. جرب تبدأ بمحادثات صغيرة مع الناس القريبين منك، حتى لو مجرد تعليق بسيط على حاجة بتحصل حواليكم. اختار شخص واحد ترتاح له وحاول تبدأ معاه، بدل ما تحاول تفتح مواضيع مع ناس كتير مرة واحدة. لو بتحس إنك مش عارف تتكلم، مش لازم تقول كلام كتير، ممكن تبدأ تسأل أسئلة صغيرة للناس اللي حواليك، الحوار هييجي لوحده. اتكلم عن الحاجات اللي بتحبها أو الحاجات اللي بتحصل حوالينا حتى لو أخبار مثلا جرب تبدأ بحاجة بسيطة، زي إنك تكتب أفكارك في ورقة قبل ما تحاول تتكلم، ده هيخليك تتعود على التعبير عن نفسك. حط نفسك في مواقف بتحتاج فيها تتكلم، زي مثلاً إنك تشارك في نشاط معين أو تروح أماكن فيها ناس بتشارك اهتماماتك، ده هيخليك تتكلم بدون ما تحس بضغط. تالت حاجة ، متحكمش على نفسك إنك "شخص ممل"، لأن دي فكرة مش حقيقية، كل واحد فينا عنده حاجات مميزة فيه، بس الفكرة في إنه يعرف يلاقي الناس اللي تقدر ده. وأهم حاجة، لو حاسس إن الموضوع مأثر عليك جامد ومسبب لك ضيق، ممكن تفكر تستشير متخصص نفسي يساعدك تفهم نفسك أكتر وتاخد خطوات مناسبة ليك.
تم النشر الأربعاء، ٢٩ يناير ٢٠٢٥
هل الموضوع ده بسبب الماضي بتاعك ولا لاء يعنى مثلا انت زمان لما كنت بتقول رأيك قدام أهلك كانو بياخدوا ويدوا معاك ف الكلام ولا بيقاطعوك ويسكتوك اصل الانسان بطبعو بيحب الكلام ولو بقا وصل للحاله بتاعتك اكيد فى حاجه سببت ده زى انك ممكن تكون مش واثق من نفسك ومبتحبش نفسك وشايف ان اى كلام هتقوله الناس هتاخد عنك فكره عامله ازاى وده مينفعش انت تقول إلى انت عايزه براحتك اهم حاجه ميكونش بيجرح حد اما رأى الناس ف اكيد عارف انه ميهمناش وبالنسبه للنقاش مش اى حد بيعرف يتناقش لان ساعات بنكون معندناش طاقه نثبت للى قدامنا وجهة نظرنا أما بقا موضوع انك تعبر يمكن تكون اتربيت ف مكان وسط اهل مبيعرفوش يعبروا بالكلام لكن طريقه التعبير كانت بالافعال زى أن مامتك تصالحك بأكله بتحبها او باباك يجبلك حاجه بتحبها منغير ما يتكلموا معاك ف كلام ويعبروا بيه عن مشاعرهم تجاهك عموما الحاجات دى مبتجيش مره واحده انت لازم تعرف انت ليه وصلت للمرحله دى ازاى تحل مشكله منغير ما تحل السبب
تم النشر الأربعاء، ٢٩ يناير ٢٠٢٥
وعليكم السلام ورحمة الله وبركاته. أفهم تمامًا مشاعرك ووجهة نظرك، وأود أن أقدم لك بعض النصائح لتحسين الوضع الذي تواجهينه: قبول الذات : من المهم أن تقبلي نفسك كما أنت، وأن تتذكري أن الصفات الانطوائية ليست عيبًا. هناك العديد من الأشخاص الذين يتمتعون بهذه الشخصية ويمكنهم النجاح والسعادة في حياتهم. ابدئي بخطوات صغيرة : حاولي البدء بالتحدث مع شخص واحد فقط أو في مجموعة صغيرة. يمكنك اختيار موضوعات بسيطة ومألوفة لديك. المشاركة في الأنشطة : انظري إلى الأنشطة أو الهوايات التي تهمك، وشاركي في مجموعات أو دورات متعلقة بها. هذا يساعد على خلق بيئة مريحة لتفاعلك مع الآخرين. التدريب على التواصل : يمكنك ممارسة مهارات التواصل من خلال المحادثات مع نفسك أمام المرآة أو مع أفراد من العائلة. ضعي في اعتبارك نقاط القوة التي تمتلكينها وابدئي بطرح أسئلة بسيطة. الاستماع بفاعلية : كوني مستمعة جيدة. أحيانًا يكون الاستماع إلى الآخرين هو أفضل طريق للانخراط في المحادثات والتفاعل معهم. طلب المساعدة : إذا استمرت هذه المشاعر في التأثير على حياتك بشكل سلبي، يمكنك التفكير في البحث عن مشورة من مختص في الصحة النفسية. تذكري أن التغيير يحتاج إلى وقت، وأنك لست وحدك في هذه الحالة. كوني صبورة مع نفسك، ومع مرور الوقت، ستجدين نفسك تتقدمين نحو الأهداف التي وضعتيها. إذا كنت تحتاجين إلى مزيد من الدعم، فلا تترددي في التواصل مع الآخرين أو استشارة مختص.
تم النشر الثلاثاء، ٢٨ يناير ٢٠٢٥
بالتدريج اعطي نفسك الوقت الكافي ولا تستعجل .. إبدأ بفتح السوالف مع احد من عائلتك ثم بائع في الدكان وهكذا.... مثل كيف حالك صباح الخير
تم النشر الجمعة، ٣١ يناير ٢٠٢٥
وعليكم السلام ورحمة الله وبركاته، كل اللى بيحصل طبيعي بسبب ان كل الناس مش بتسيب التليفونات ممكن تجرب تسيب التليفون فترات كبيره و تجربي تتكلمي بنفسك و تتواصلي مع الناس و ذلك سيحسن من وضعك و ممكن تعملي اوقات لمسك التليفون و وقتها هتقدري متتفصليش عن الواقع و تقدري تتواصلي بشكل افضل مع الناس
تم النشر الأربعاء، ٢٩ يناير ٢٠٢٥
الظاهرة دي بدات تظهر بشكل سريع جدا الكام السنة الل فاتوا وكله بسبب التكنولجيا والتواصل الافتراضي الل أثر جدا على فكرة الاستغناء والاكتفاء الذاتي الاجتماعي، فعلا الموضوع محتاج مواكبة للزمن العنصري ده، لازم نتكيف اجتماعيا هنعمل ايه، ... عشان تحلي ده لازم تدخلي بيئة اجتماعية شغل عمل وظيفة نشاط اي حاجة هنبدأ نتعود على السلوكيات الإجتماعية الصحية
تم النشر الأربعاء، ٢٩ يناير ٢٠٢٥
لعرض السؤال في فدني اضغط هنا