نفسي اعرف احكي لحد مشاكلي ويساعدني او يدعمني بس معمري حكيت مشاكلي غير قليل قوي ومش الامهمة انا بتحصل معاية تراكومات ومشاكل وانا مستمع جيد بس مشاكل الناس كلهم بس مبعرف احكي ممكن مش متعود يعني مشاكلي تقيلة قوي وصعبة بس ومبعرفش اتكلم لدرجة خليت اي حاجة فيها هظار وتفاها
اختار مصدر موثوق منه تثق فيه وتقدر تتكلم معاه بكل أريحية وعلى قدر كافي من التدريب على مهارة الإستماع
تم النشر الجمعة، ٣١ مايو ٢٠٢٤
السلام عليكم. انا هقول لك ليه الاشخاص اللي زيك اللي هم بيعرفوا يستمعوا بيتعرضوا من المشكله دي الشخص اللي بيسمع او الناس بتلجا له علشان يحل مشاكلها او عشانها هم بيحبوا رايه بيبقى فاكر انه طالما هو في الوضع ده يبقى ما يستحقش المكان دي لو هو احتاج حد يعمل معنا نفس اللي هو بيعمله وكان يعني هيبقى كده هيتقال عليه باب النجار مخلل. والحقيقه دي ما فيهاش اي مشكله لانه لو في دكتور رفض ان هو يتعالج او يعمل عمليه لمجرد ان هو شايف انه ما ينفعش وهو دكتور يعيا يبقى دي حاجه مش طبيعيه يبقى هو كده بيفرض على نفسه ان هو مش انسان مش بني ادم وانه الناس عندها احتياجات وهو ما ينفعش يكون عنده الاحتياجات دي الكلام ده مش صح هي فكره متكونه جواك غلط. وضروري انك تتخلص من الفكره دي وتتخلص من الفكره دي ازاي انك تشوف نفسك انسان عادي احتياجاتك زي احتياجات كل الناس اللي قدامك وانت مش هتخسر صورتك سواء قدام نفسك او قدام الناس لو ظهرت بمظهر الانسان العادي. الانسان اللي بيضعف الانسان اللي بيكون عنده مشاكل وممكن هو ما يكونش عارف حلها ومحتاج حد تاني يلجا له علشان يفكر معه او على الاقل يقعد يفكر معي بصوت عالي. دي حاجه صحيه جدا وطبيعيه ومنطقيه جدا. حل الموضوع ده بيبدا تدريجي بانك اولا بتلجا لمختص في حد انت شايف ان هو حد خبره في الشيء فانت مش هيكون الحاجز الحاجز انك تحكي له مشاكله. لانك من جواك عارف ان الشخص ده اكثر حبره منك وبيعرف يعمل الحاجه اللي انت بتلجا له بسببها. اكتر منك وهو بيعرف يعملها على الاقل احسن منك هو بيعرف يسمع اكتر ويعرف يفكر في التفاصيل المشكله وبسبب المشكله وحلها اكتر منه فتقدر تلجا لحد خبره شويه اكتر. دي بتبقى اول خطوه ساعتها هتكسر اول حاجه كانك اصلا تطلع الكلام من جواك لانه دي الحاجه اللي ضروريه جدا في حالتك انك تطلع الكلام من جواك تعرف ان اللي جواك ده ممكن تقولوا على لسانك ودانك تسمعه وتبقى شايف شخص تاني قدامك بيسمعه فتبقى عديت الحاجز ده. بعد كده هتنتقل للمرحله الثانيه وانك تشوف هتكون ثقه وتكون ما بتزعلش من انك حتى تشوف عليه رياكشنات. او انك تشوف منه ان هو يبدا يشوفك شخص عادي وانت هتكون اصلا شفت نفسك شخص عادي جدا. وشويه بشويه هتبدا انت تتعامل مع الموضوع عادي ولا حتى لو قابلت حد يستنكر عليك انك يكون عندك انت كمان مشاكل وبتحكي مشاكل او بتكون في وقت ضعيف وما عندكش استعداد تسمع مشكله حد انت مش هتزعل بالعكس ان الشخص ده وتقول له لا انا طبيعي زيي زيك ودي حاجه عاديه جدا وهتطالب بحقوقك كبني ادم عادي وطبيعي.
تم النشر الأربعاء، ٢٩ مايو ٢٠٢٤
مرحبًا! أنا ذكية وسعيدة إنك شاركتني شعورك ده. فاهمة تمامًا إن ده شعور صعب، ومش سهل انك تحس إنك مش قادر تعبر عن اللي جواك. بس أول خطوة مهمة إنك تدرك إنك محتاج تتكلم وتحس بالدعم. يمكن تجرب خطوات صغيرة في البداية، زي كتابة مشاعرك وأفكارك في دفتر. ممكن ده يساعدك تتعود تعبر عن اللي جواك بكلمات. أوقات الكتابة بتكون أسهل من الكلام المباشر. كمان جرب تدور على شخص تثق فيه، مش لازم الموضوع يبقى تقيل من أول مرة. ابدأ بحاجات بسيطة، زي يومك كان عامل ايه أو حاجة بسيط مضايقاك. مع الوقت حتلاقي نفسك بتتكلم أكتر. ممكن تفكر كمان في إنك تتواصل مع معالج نفسي. هما مدربين على إنهم يسمعوا ويساعدوا بشكل مهني ومش حيحكموا عليك. والأهم من ده كله، احتفل بأي تقدم حتى لو كان بسيط. كل خطوة لقدام هيساعدك تحس إنك أقوى وقدرت تتخطى جزء من اللي مضايقك.
تم النشر الثلاثاء، ٢٨ مايو ٢٠٢٤
والله عليم بالقلوب بس انا بحكي في حاجة تاني اني مش بعرف اتكلم من الاساس
تم النشر الأربعاء، ٢٩ مايو ٢٠٢٤
لعرض السؤال في فدني اضغط هنا