عندي سؤال غريب شويه
هو ممكن حد يتولد مسلم ويعيش مسلم ولاكن قدره مكتوب أن هو لازم يكفر ويدخل النار ؟
ف بالتالي هو بيحاول يبقا انسان كويس ويصلي ويصوم ولاكن الحياه بتتقفل ف وشه اكتر واكتر عشان هو مكتوبله كدا
ما فيش حاجه اسمها كده يمكن الشيطان بيحاول يوصلك انك علي الرغم من انك بتصلي وي انك انسان كويس بيحصل معاك مشاكل او بيحصل معاك حاجات عشان تبطل الصلاه حاجات بتحسسك ان ربنا مش راضي عنك او متقبل منك كل ده وانك كافر مع الرغم من انك مسلم ممكن الانسان بيحس بي الحاجات ديت عشان هو حاسس انه مقصر مع ربنا وان الظروف كلها ضده وان الظروف ديت جايه كده عشان هو انسان وحش وما ينفعش انه يصلي وكده بس لو الانسان بيحاول بجد انه يتقرب من ربنا وكل ما يعني يحس بالاحساس ده يستغفر ربنا ويقوم يعمل عكس ده كده الانسان بيحاول انه يخلي السيئات تتحول لحسنات وبالتالي الشيطان هيبعد عن الانسان اللي دايما بيستغفر ربه وكمان هو اللي هيحاول ان يبعد عنك الفكره دي علشان ما تاخدش حسنات عن طريق النفس اماره بالسوء وربنا بيتقبل من جميع البشر لان ربنا رحيم غفور وربنا عند ثقه عبده بيه ثق بربك انه هيتقبل منك لانه رحيم
تم النشر الثلاثاء، ٢٣ أبريل ٢٠٢٤
بصي هوا لو مسلم فعلا وعارف ربنا هيبقا صعب شويه انوا يكفر لاكن لو مسلم اسم بس فدا ممكن يكفر بسهوله
تم النشر الثلاثاء، ٣٠ أبريل ٢٠٢٤
من مراتب الايمان الايمان بالقضاء والقدر وهو أربعة مراتب العلم وهو ازلي فالله يعلم ما هو كائن وما سيكون الي يوم القيامة . والكتابة وهي كتابه مقادير الخلائق قبل أن يخلق السموات والأرض بخمسين ألف سنة . والمشيئة : وفرق بين المشيئة والإرادة فالمشيئه لا تتخلف لكن الاراده ممكن أن لا تقع . ثم القضاء إنما إمرة إذا أراد شيئا أن يقول له كن فيكون ، فإذا كتب لإنسان أنه من أهل النار فهو من أهل النار وكذلك من كتب أنه من أهل الجنة فهو من اهل الجنه . طيب ولما العمل ؟ تعمل لانك لاتعلم ما في القدر فأنت تعمل وكل ميسر لما خلق له واعطيت في هذه الدنيا حريه الاراده والإختيار والله لا يضيع اجر من احسن عملا ، والله لا يظلم أحدا ولا مثقال ذره ، اعمل بعمل اهل الجنه ولن تظلم وتدخل النار ، وقد سئل النبي صلى الله عليه وسلم عما يعمله الناس أهو أمر قد قضي وفرغ منه أم أمر مستأنف ، فقال بل أمر قد قضي وفرغ منه ، فقالوا : ففيم العمل يا رسول الله ؟ فقال: "اعملوا فكل ميسر لما خلق له ". وقد قال الله تعالى: (إنَّ سعيكم لشتّى، فأمّا من أعطى واتّقى وصدَّق بالحُسنى فسنيسّره لليسرى وأما من بخل واستغنى وكذّب بالحسنى فسنيسّره للعُسرى) فعلى كل أحد أن يعمل ويبحث عن مواطن الهداية ويدعو الله أن يرزقه الثبات على الدين، وأن يعلم أن الله تعالى قد خلق الخلق وهو يعلم أرزاقهم وآجالهم وماهم عاملون، ونحن نرى أكثر الناس يستشكلون أمر السعادة والشقاوة، ولايستشكلون أمر الرزق ونحوه، وهي من باب واحد من جهة خفائها عن الخلق وأن علم الله قد سبق فيها. والواجب أن نثق بحكمة الله وعدله، وأنه لايعذب أحد بغير ذنب استحقه وأنه يعفو عن كثير. وقاعدة ذلك التسليم لأمر الله ، مابلغته عقولنا وما قصرت عن فهمه، وأن العجز والقصوروالخلل فينا لافي حكمة الله تعالى، بل هو سبحانه : (لا يُسأل عمّا يفعل وهم يُسئَلون)
تم النشر الخميس، ٢٥ أبريل ٢٠٢٤
القضاء والقدر مش معناه إن كل ما يقع على الإنسان من خير أو شر لابد أن يقع ، إحنا بيقع علينا حاجات سيئه مش بنقدر ندفعها ودي لا يؤاخذنا الله بها .. لكن كمان الإنسان بيعمل حاجات من إختياره وإرادته .. طب فين قدر ربنا في كدا ؟ ربنا قدر وكتب على الإنسان إنه هيعمل كذا وكذا وكذا من إختياره ودي آيات من القران بتوضح إن السعادة أو العذاب في الآخرة متوقف على إختيارات الإنسان . "مَّنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا"ۚ سورة الإسراء آية 15 "مَّا يَفْعَلُ اللَّـهُ بِعَذَابِكُمْ إِن شَكَرْتُمْ وَآمَنتُمْ ۚ وَكَانَ اللَّـهُ شَاكِرًا عَلِيمًا"سورة النساء آية 147 "وَالَّذِينَ آمَنُوا بِاللَّـهِ وَرُسُلِهِ وَلَمْ يُفَرِّقُوا بَيْنَ أَحَدٍ مِّنْهُمْ أُولَـٰئِكَ سَوْفَ يُؤْتِيهِمْ أُجُورَهُمْ ۗ وَكَانَ اللَّـهُ غَفُورًا رَّحِيمًا"سورة النساء آية 152 "مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۖ ثُمَّ إِلَىٰ رَبِّكُمْ تُرْجَعُونَ" سورة الجاثية آية 15 "وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ" سورة الزخرف آية 72 "تِلْكَ الْجَنَّةُ الَّتِي نُورِثُ مِنْ عِبَادِنَا مَن كَانَ تَقِيًّا" سورة مريم آية 63 "وَيَزِيدُ اللَّـهُ الَّذِينَ اهْتَدَوْا هُدًى ۗ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ مَّرَدًّا" سورة مريم آية 76 "وَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا يَخَافُ ظُلْمًا وَلَا هَضْمًا" سورة طه آية 112 "وَمَا تُجْزَوْنَ إِلَّا مَا كُنتُمْ تَعْمَلُونَ" سورة الصافات آية 39 "إِنَّا أَنزَلْنَا عَلَيْكَ الْكِتَابَ لِلنَّاسِ بِالْحَقِّ ۖ فَمَنِ اهْتَدَىٰ فَلِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا ۖ وَمَا أَنتَ عَلَيْهِم بِوَكِيلٍ" سورة الزمر آية 41 "وَوُفِّيَتْ كُلُّ نَفْسٍ مَّا عَمِلَتْ وَهُوَ أَعْلَمُ بِمَا يَفْعَلُونَ" سورة الزمر آية 70 "الْيَوْمَ تُجْزَىٰ كُلُّ نَفْسٍ بِمَا كَسَبَتْ ۚ لَا ظُلْمَ الْيَوْمَ ۚ إِنَّ اللَّـهَ سَرِيعُ الْحِسَابِ" سورة غافر آية 17 "وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ"سورة محمد آية 17 "هَلْ جَزَاءُ الْإِحْسَانِ إِلَّا الْإِحْسَانُ" سورة الرحمن آية 60 "جَزَاءً بِمَا كَانُوا يَعْمَلُونَ" سورة الواقعة آية 24 "إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا" سورة الكهف آية 107 "إِن تَكْفُرُوا فَإِنَّ اللَّـهَ غَنِيٌّ عَنكُمْ ۖ وَلَا يَرْضَىٰ لِعِبَادِهِ الْكُفْرَ" سورة الزمر آية 7" بخصوص إنك بتحاول تصوم وتصلي بس الدنيا بتتقفل في وشك أكتر .. لفت نظري إنك شايف إنك بتصلي وتصوم في مقابل الحياة تفتح في وشك مينفعش تتعامل مع ربنا زي ما بيتعامل مندوب التوصيل معانا .. جبتلك الأوردر فين الفلوس؟ فين التبس؟ فتبدأ تقول أنا بصلي فين الرزق؟ أنا لبست الحجاب فين العرسان ؟ انا لبست النقاب فالمفروض محدش يتعرضي ولا يحصلي أي موقف وحش في الشارع.. أنا مسلم لازم أنجح في الإمتحان ! ربنا بيدي الدنيا للي بيحب ولمن كرهه .. لما حكى عن قارون اللي خسف بيه الأرض وقال في سورة القصص ( وآتيناه من الكنوز ما إن مفاتحه ) يعني دا شخص ربنا مش بيحبه وإداله الدنيا والكنوز طب الرسول صلى الله عليه وسلم ؟ كان متقلب بين الغنى والفقر وربط على بطنه الحجز من الجوع .. طب هل كدا ربنا بيكرهه ؟ ربنا قال في سورة الفجر ( فأما الإنسان إذا ما ابتلاه ربه فأكرمه ونعمه فيقول ربي أكرمن وأما إذا ما ابتلاه فقدر عليه رزقه فيقول ربي أهانن ) . يعني إيه الآية دي ؟ يعني الإنسان لما ربنا يديله خير يقول ربنا بيحبني واكرمني ولما يبتليه يقول ربنا مش بيحبني ربنا هانني .. بس دا مش صح وربنا رد في الآية اللي بعدها وقال ( كلا ) ربنا قال كمان في سوره الحج ( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين) يعني لما تعبد ربنا عشان يجيلك الخير وتطمن بيه ولو حصلك أي حاجة وحشه تنقلب إنت كده خسرت الدنيا والآخرة طيب إنت لما تقرب من ربنا المفروض تنتظر إيه ؟ أهم حاجه الآخرة .. والآخره خير وأبقى طب والدنيا ؟ ربنا قال في سورة النحل : ( من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ) ح ياة طيبة في نفسك وروحك مش بس فلوس وعربيات
تم النشر الأربعاء، ٢٤ أبريل ٢٠٢٤
بسم الله الرحمن الرحيم هو اجابه السؤال بتاعك في قوله تعالى ان الذين ارتدوا على ادبرهم من بعد ما تبين لهم الهدى الشيطان سول لهم واملى لهم. ده معناه ان الواحد قد يعيش جزء كبير من حياته مسلم ولكن سبق عليه الكتاب ربنا عارف في علم الازلي ان هو يرتد في بعض الناس بترتد او يقلب يقلب قلبه يعني عشان كده الواحد بيستعيد دايما بيقول لي اللهم يا مقلب القلوب ثبت قلبي على دينك لكن ما فيش حاجه اسمها ان الظروف تجبر الواحد لا اراديا كده ان هو يرتد والعياذ بالله ليه لان ربنا قال ايه تانيه يا عبادي الذين امنوا ان ارضي واسعه فإياي فاعبدون فقد تتوهم من الشيطان ان كل الظروف ضدك ولكن ده مجرد وهم الشيطان هو اللي بيضيق الاحتمالات كلها في وشك ويا رب كان ربنا بيقول لك ان ارضي واسعه في الاحتمالات اكبر بكثير من اللي انت متخيلها فما فيش حاجه اسمها انت مجبر او حد يجبر على ان هو يرتد والعياذ بالله برغم ان هو بيبقى عايز يبقى كويس اللي عايز بيبقى كويس اللي عايز يبقى كويس عنده نيه. ربنا بيوفقه بيفتح له بيوفقه بيسهل له الدنيا تمام فالموضوع ما هواش. جبرا زي ما انت متوهم ولكن انت اللي عايز يهتدي هيسعى زي ما هو بيسعى في امر الدنيا هيسعى برده في امر. توفير الظروف المناسبه اللي تخليه يعمل ربنا بالطريقه اللي ربنا امره بها واللي تخليه يحافظ على دينه ولو كان ده في سبيل التخلي عن بعض الاشياء الدنيويه قد يحدث على سبيل الابتلاء او على سبيل الفتنه او على سبيل الاختبار لكن الانسان اللي مش عايز يتخلع او مش عايز يتعب بمعنى اصح مش عايز يتخلى عن اي حاجه في سبيل انه يحافظ على الدين اللي هو اهم حاجه في حياته الانسان فده هيتخيل ان الحياه هي اللي موقفه في وشهم ما فيش طريقه غير ان هو يرتد فده طبعا مجرد وهم زي ما شرحت لك.
تم النشر الثلاثاء، ٢٣ أبريل ٢٠٢٤
لا طبعا مافيش حاجه زي دي الدنيا ما هيا الا اختبارات هتنجح هتدخل الجنه هتسقط انت عارف الاجابه اخر الصبر على حال الدنيا والابتلاءات والمشاكل وتقوم وتقع مكافأه كبيره ربنا يجعلنا من اهل الجنه يارب مهما حصل خلى دايما باب مفتوح لرحمه ربنا اذكر الله واستغفره
تم النشر الخميس، ٢٥ أبريل ٢٠٢٤
نسأل الله لنا ولكم الهدايه مفيش حد معصوم من الخطأ وبالتالى الإبتلاء ربنا يصبركم وإيانا على إبتلائته
تم النشر الخميس، ٢٥ أبريل ٢٠٢٤
ملهاش علاقه صدقنى كل حاجه مكتوبه ومقدرة ودا لان ربنا عارف كل حاجه نصحتى ليك حاول تقرب من ربنا تعرف وتتمعن فى اسمأوه الحسنى تسمع قصص دينيه عن الله عزوجل عتلاقى الدنيا تمام
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا