مش عارفة مالى داخلة في حالة اكتئاب غير طبيعي و عندى شعور بالنقص في كل حاجة غير طبيعي من صغري اهلى كل شويه يقارنونى بكل حد و انى فاشلة شويه وحشة شويه قلبي اسود شويه مستاهلش حاجة و دعا و ضرب و فاكرين كل ده عشان مستقبلي لدرجة بقيت حد منعزل جدا رغم كونى كنت متفوق زمان في دراسات بس كنت حساه حظ لحد ما رحت ثانوى و دخلت في اكتئاب و جه نظام ثانوى الجديد و اثر علينا كلنا بس الفكرة انى معرفتش اخرج منه و طبعا محدش كان فاهم حاجة و انا بقيت كسولة و جات ٣ ث منكرش انى كنت بقصر احيانا بس و الله مش التقصير الجامد ده لدرجة انى اجيب ٨٤ بجد كنت مضايقة بس بطبيعتى المترددةمش عارفة ديه درجتى الحقيقة انا مفرقش معايا الكلية إللى هدخلهالانى بجد مكنش في بالى حاجة بس طبعا الحوار لا يخلوا من خناقات اهلى و معايرتهم ليا و انى فشلت و انى مصلحش لحاجة طبعا ده اول ترم ليا في الكلية بس بجد متلغبطةو حسانى بقيت كارهة علوم باللى بيها و متعقدة و مش عارفة اذاكر و طبعا اهلى مش سايبنى انى لازم ابقي معيدة و الا الناس هتقول انى فشلت او انى حد ملوش لازمة و اتنيل و ابقي زي قلتى و حاجة كده بجد مخليانى عايزة انتحر و اخلص من كل ده
هو طبعا اللى بتحكيه ده كفيل يخليكى متوترة وحزينة ومش واثقه فى نفسك. بس انتى بنفسك قولتى ان ده نابع من ان هما شايفين ان كده بيعملوا لمصلحتك. وبعدين احنا زمايل اهو...انا متخرجة من كلية علوم . ومن غير صراعات الاهل..اكتئاب اول ترم ده حاجة كده زى مشروب الترحيب فى الكلية.( بسبب ان اغلب اللى داخلها مجموعه ما دخلهوش الكليات الأعلى ) بس حقيقي بعد ما تعدى اول سنه هتعرفى انك هتتعلمى فى الكلية دى اللى يخليكى اجدع واحسن من اى حد تانى....مش بتكلم عن مناصب هنا...بس تأثير الكلية عليكى وعلى شخصيتك هيكون ملهوش مثيل. فى البيت بقي ...خلاص بقي اللى عدى عدى ...اه هتحتاجى تتعافى من المواقف القديمة اللى سايبه اثر منهم ...بس كونى اهدى قدامهم ...واظهرى ليهم انك مشغوله فى الكلية جدا ( وده فعلا اللى هيحصل من غير ما تحاولى) واحده واحده ارسمى طريق لنفسك ...وعلى فكره ممكن تلاقى نفسك ماشيه فى طريقين وده وارد...واحد ترضى بيه اهلك وواحد لنفسك....ده هيكون مرهق اه بس هيحل معاكى مشكلة كبيرة. انتى لو مش مهمه مش هيحاولوا معاكى فى اى اتجاه وهيسيبوكى خالص ولا يفرق تبقي ايه.....بس انتى مهمه جدا عندهم . طريقتهم بس هى اللى غلط وبيستخدموا اسلوب الضغط وده لازم توضحيه ليهم ....وان شاءالله ممكن يسمعوا منك والامور تتبدل. لو حياتك انتهت مش هتكسبى حاجة...بس لو حياتك كملت وانتى بتحاولى ...هتكسبي كتييير اوى ...حتى لو مبقيتيش معيدة على فكرة.
تم النشر الجمعة، ١٦ ديسمبر ٢٠٢٢
صديقي فكر كويس دي حياتك مش محتاج لأي حد غير نفسك حط أهداف جديدة واشتغل عليها اكتر وكون اول الداعمين لنفسك☕🌹
تم النشر الجمعة، ١٦ ديسمبر ٢٠٢٢
صديقي فكر كويس دي حياتك مش محتاج لأي حد غير نفسك حط أهداف جديدة واشتغل عليها اكتر وكون اول الداعمين لنفسك☕🌹
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا