ما رايكم بواحده مخطوبه ثلاث مرات وتريد ان تفسخ وكل الظروف ضدها
انا كنت مخطوبه من اربع سنين لولد من بلدي وقعدنا سنه ونص مع بعض مكنتش وخداه عن حب ومكنتش عاوزاه ف الاول بس اقتنعت برغبة اهلي ووافقت وبعد الخطوبه طلع مش كويس واهلي لاحظو ده وانفصلنا لكن بمشاكل وسببلي مشاكل كبيره اعاني منها حتي الان وبعد الانفصال ب اربع شهور أهلي غصبو عليا وخطبولي ابن عمي غصب كنت مش موافقه وحصل مشاكل كبيره وسبت البيت وبعدين سبته وبعدها بشهرين جابولي عريس اخو جوز اختي واقنعوني بيه وانا ع اخلص من المشاكل اللي كنت فيها بسبب خطيبي واني سبت البيت وافقت المرادي بس حاليا مش مرتاحه هو شخص كويس بس انا اكتشفت انه اصغر مني ف السن واني مش متقبلاه ممكن حد يديدي افاده
عزيزتي، أقدر مشاعرك وتحدياتك التي تواجهينها. من الواضح أنك قد مررت بتجارب مؤلمة وصعبة أدت إلى الكثير من الضغوطات والمشاكل. من المهم دائمًا أن تتذكري أن الزواج هو خطوة كبيرة ويجب أن تكوني مرتاحة واستعدادًا لهذه الخطوة، ليس فقط من حيث الظروف المحيطة بل أيضًا من حيث مشاعرك الشخصية ورغباتك. في حالتك، يبدو أنك تفتقدين للراحة النفسية والرضا عن اختيارك، وهذا شعور طبيعي. إذا لم تكوني متقبلة لشريكك الحالي بسبب الفارق في السن أو لأي سبب آخر، فمن المهم أن تعيقي هذا الأمر بجدية. تذكري أن الزواج ليس مجرد توافق أسري أو اجتماعي، بل هو شراكة تحتاج إلى الكثير من الإخلاص والاحترام المتبادل. يفضل إعداد مناقشة صادقة مع عائلتك حول مشاعرك، وشرح موقفك ورغبتك الحقيقية في أن تشعري بالراحة في العلاقة. قد تحتاجين إلى بعض الوقت لتفكري في ما تريدينه حقًا من هذا الارتباط. تأكدي أنك تستحقين السعادة والاستقرار، وأن تتخذي القرار الذي يجعلك تعيشين حياة هادئة وسعيدة. لا تترددي في استشارة مختص نفسي إذا شعرت أن الأمور تتجاوز طاقتك أو إذا كان لديك أسئلة أخرى تتعلق بمستقبلك. اهتمي بنفسك وكوني صادقة مع مشاعرك.
تم النشر الجمعة، ٢٠ سبتمبر ٢٠٢٤
السلام عليكم بصي يعني مساله بقى انه خطوبه ثلاث مرات ولا 20 مره مش مشكله خالص خلينا نتكلم في الاهم وهو انت بتختاري الشخص على اساس ايه يعني انت بتعرفي الشخص ده هيكون مناسب لك انك تكملي في الخطوبه وتتجوزوا ولا لا ازاي يعني ايه المعايير اللي عندك هل عندك معايير ولا سايباها كده كل واحد تقيميه بمعايير مختلفه لو الموضوع متسيب كده دي مش حاجه كويسه اقعدي مع نفسك الاول حددي ايه المعايير اللي بالنسبه لك هتختاري عليها اي بني ادم علشان حتى لما تتكلمي مع اهلك تكوني عارفه انت هتقولي لهم الشخص ده ينفع ولا ما ينفعش يبقى من البدايه خالص من قبل ما نبدا بقى خطوط لكن كل مره هنخلي الموضوع بالشكل ده فيعني اكيد طبعا هيبقى صعب عليك وعلى اهلك. اا مساله اصغر منك في السن يعني لو ده معيار بالنسبه لك اوكي لكن لو اللي هو اكتشفت ان اصغر منك بعد ما اتخطبتي لا مش مش حاجه برده ايه زي ما انا بقول لك كده ان انا اكونش عارفه المعايير من الاول واسيب الدنيا وبعدين ابدا اقول اصله طلع مش زي ما انا عايزه يعني طبعا اهلك مش هيتقبلوا كلامك لانك مش واضحه امم مش مت. بسبب الحاجات التانيه اللي انت قلتيها في بقيه التعليقات انه اصل انا في جامعه وهو تعليمه اقل طيب برضه دي الحاجات اللي محتاجين نكون من الاول بنتكلم فيها يا جماعه طيب الشخص اللي انتم جايبينه ده تعليم ايه طب لا تمام خلاص ما تخلوش يجي وما تخطبش ليه اصلا طالما هو تعليمه اقل مني كده على طول يعني ده اختصارا لاني ادخل في خطوبه اصلا وبعدين اقول لا مش مناسب عشان كده احنا بيكون في حاجه اسمها رقيه شرعيه رقيه شرعيه في الاول دي بنشوف اذا كانت المعايير الاساسيه بتاعتنا موجوده ولا لا بعد كده نبدا نخش في الخطوبه خطوبه نشوف فيها التعاملات ارجوكي رتبي افكارك الاول قبل ما حتى تبقي عايزه تتكلمي مع اهلك وتقنعيهم بحاجه لان لو انت ما عندكيش حاجه تقوليها طبعا هتقنعيهم بايه يعني مش هينفع تقولي لا انا عايزه اسيبه خلاص لازم يكون في عندك. حاجات واضحه. همم خليكي قاعده ولا ده حقك مهما كان اا الموضوع مش هيجيب انك تسيبي البيت ولا بانك قدر الله يعني تنهي حياتك زي ما انت بتقولي كده يعني ليه يعني مش عن خطوبه اصل مش هيتجوز بالعافيه يعني مش هتروحي تجهزي نفسك ويجيبوا لك جهاز ولبس وبتنقي فستان وهتقولي لي اصل اتجوز غصب عني في حاجه اسمها كده يعني ابسط حاجه بلغي الشخص ده والله انا مش حابه ان انا اكمل يعني صيانه لكرامته قبل اي حاجه هيقول لك تمام خلاص يعني. فكري كويس بتبقى افكارك احسن ان شاء الله افضل انك بعد ما ترتبي افكارك وترجعي تقيمي الشخص ده من اول وجديد على حسب المعايير اللي انت ثبتيها وبعد كده تتكلمي معاه بكل احترام وبكل ادب وتقولي له ان الحياه مش هتكون انسب حاجه ما بيننا احنا الاتنين. الافضل ان انتوا تفسحوا الخطوات لا يكون احسن بدل ما تقولي لاهلك ان انا هفسخ الخطوبه تكلمي معاها على طول بشكل.
تم النشر الجمعة، ٢٠ سبتمبر ٢٠٢٤
تمم شكرا
تم النشر الجمعة، ٢٠ سبتمبر ٢٠٢٤
ياااه الدنيا صغيره فعلا انا كنت في نفس موقف خطيبك ده وكنت بعشق وحده وكان نفسي اتقدملها وكانت اكبر سنه وكنت انا وهي نفس تعليم الخ الخ بس مروحتش فتحتها حتي في الموضوع لان كله قلي صعب اوي وحده من القاهره تعيش في ارياف وهكذا ........ فنصحتي مادام متاكده انه بيحبك فحاولي كدا اقعدي معاه افهمي بيفكر ازاي وعاوز ايه وشايف الجواز ازاي وشيفك انتي ازاي هتعملي ايه بعد الجواز وهتعيشو فين وتقسيمه المسؤليات وهو هيشتغل ايه وهيعرف يصرف حلو عليكي ولا لا حولي خدي وقتك برحتك خالص ولو بعد كل ده لسه برضو مش مرتاحع مش متقبلاه الخ الخ ففهمي مامتك وهي تتكلم مع والدك او اي حد قريب منك عشان صدقيني مش كل يوم هيجلنا فرص حلوه واسواء حاجه ممكن حد يمر بيها هو الندم علي حاجه كانت في ايدك وانت اختارك بكل ارادتك انك تسبها .....
تم النشر الجمعة، ٢٠ سبتمبر ٢٠٢٤
هو انا في فروق كتير بينا يعني هما ارياف وانت من القاهره هو مش متعلم وانا ف الجامعه التزامه بيصلي بس مش مواظب ومفيش حاجه تانيه للالتزام بالنسبه لي ده غير ان دمتغه مش شبهي خالص مش عارفه واحساس الراحه مش موجود مع العلم انه بيحبني جدا بس انا حقيقي مش عاوزه اظلمه واظلم نفسي وف نفس الوقت مش عارفه اخد الخطوه اني اسيبه بسبب ان محدش هيقف معايه من اهلي
تم النشر الجمعة، ٢٠ سبتمبر ٢٠٢٤
حددي بالظبط مش متقبلاه ليه !!؟ غالبا مش السبب السن
تم النشر الجمعة، ٢٠ سبتمبر ٢٠٢٤
لعرض السؤال في فدني اضغط هنا