انا لا املك ثقه في نفسي انا تخينه من صغري الناس بتتنمر علي وبحاول اقول عادي وبشيل جوايا ومن وكان عندي رهاب اجتماعي بتورتر لما بقعد مع ناس كتير ومعرفهمش ومش بتكلم وبحسهم بيبصووعلي انا عندي 17سنه بخاف انزل من البت بسبب شكلي حسا اني وحشه ووحشه اوي وبخاف من نظرات الناس الي جابرني أن انا انزل انو عليا دروس بس بنزل بعد ما افضل اسال نفسي وابص في المرايا واقول هل أنا استحق وبعيط كل يوم قبل منام ومش بحكي لعلني حاجه ومش حابه اني احكلهم. .كمان جيت قبل كدا كنت بطلب من اخويا لبس وكنت طالبا منو مبلغ فضل يقولي لو مخستيش المره الي جايا مش هديكي فلوس تشتري لبس المره الجايه هاجي اجيبلك قماش وتروحي تفصلي شوال الجمله دي مش هنساها حسيت في وقتها اني مش عاوزه اشتري خلاص مش مهم مش عاوزه مكنتش هاخد منو الفلوس بس مش عاوزه أبين اني زعلانه عامله الحوار كأنه عادي نفسي اعيش لوحدي أو احبس نفسي في اوضه ومنزلش خالص مش عاوزه اتعامل مع ناس بخاف بقيت افكر هو هل في يوم من الايام فعلا حد هيبقي عاوز يتجوزني ولا حد هيحبني معتقدش ان حد هيرضي هيتجوزني اصلا او يحبني وحتي لو اتجوزت حسا اني ما استحقش كل صحابي أو كل يعني الي معايا في الدروس الولاد بيدخلو يكلموها ويحبوها وانا عمر ما حصل كدا معايا بقيت لما يبقي في حد قدامي ممكن اركز علي شكلو واقول احلي مني وكلهم احلي مني هل أنا استحق فعلا بقيت اخاف اروح الدروس سعات علشان الناس وكدا وممكن لو رحت وقعدت لوحدي سعات بعيط من جوا يا او بدخل اي حته زي الحمام واعيط بس بنزل بلعافيا عاوزه انعزل عن الكل حسا اني غلط في كل حاجه وفي الحياه وعمري ما استحق حاجه
كل بنت ربنا خلق ليها جمالها الخاص بيها , ولو في حاجه مش حاباها في شكلك يبقى تبدأي في السعي في تغييرها للأفضل,ممكن تجربي وتتابعي مع طبيبه تغذيه وتنزلي جيم هيفرق معاكي كتير , لكن لازم من جواكي تكوني عارفه إنك جميلة على أي وضع وربنا مش بيخلق حد وحش والحمدلله على الصحه والعافية وعدي نعم ربنا علينا اللي مش بتنتهي , خليكي واثقه في نفسك وفي جمالك اللي ربنا خلقه و وقفي أي حد يعلق على جسمك أو شكلك عند حده وقوليله مش بحب النوع دا من الكلام وانا حابه نفسي كدا , مينفعش تقارني نفسك باللي حواليكي .. دايما الحلو في أحلى منه وانتِ بالنسبه لناس كتير جميلة و رقيقة بس مش عارفه قيمه نفسك
تم النشر الأحد، ٧ أبريل ٢٠٢٤
وان تعدوا نعمه الله لا تحصوها ؛ فنعم الله على العبد لا تعد ولا تحصى وانا اعتقد أن اسوأ شئ التنمر كم دمر من نفس وانتي قد تكوني جميله واجمل من ناس كتير لكن الجمال نسبي مفيش جمال مطلق ف الدنيا فما أراه انا قبيحا يراه غيري جميلا والعكس ؛ والإنسان بسبب كلام الناس قد يرى القبيح حسنا والحسن قبيح وقصة التاجر الذي اتفق عليه ثلاثه من التجار حتى جن فاتفقوا مع بعضهم ثم إذا رآه أحدهم قال ما اجمل عمامتك لولا أنها زرقاء والآخر يقابله فيقول ما أجمل عمامتك لولا أنها حمراء وهكذا حتى جن الرجل ، فلا تعيري كلامهم اهتمام وعليك أن تثقي من نفسك لأن مشكلتك ليست في السمنه ولكن في الثقة بالنفس فمعظم الشعب المصري يعاني من السمنه ، وانا قد مريت بهذه بالتجربه مع اني وسيم ولست بقبيح في شئ لكن فرط الاحساس قد يحمل كلام الناس فوق طاقته ، حتى شكوت يوما لأحد اصدقائي من هذا الأمر فقال لي انظر لفلان لو كنت مثله ماذا كنت فاعل ، مع أن فلان انا لا أرى فيه اي عيب بل هو كان ف نظري جميل ، فالشاهد مع اني اكتر وسامه من هذا المقارن بي الا اني كنت أرى نفسي قبيحا بسبب تنمر بعض الناس في شئ معين انا الان لا أراه عيبا . الشاهد ما عليك إلا أن تثقى بنفسك وتقراي وتنمي عقلك وترتقي فوق هذه الأمور وما ترينه عيبا فهو في يدك تستطيعين تغييره الامر بسيط هوني على نفسك
تم النشر الأحد، ٧ أبريل ٢٠٢٤
قربي من ربك وانت هتعرفي ..احنا علي أي طريق بنمشي و أي طريق يوقفنا غير كدا احنا بنمشي ومش بنلتفت ...اعرفي المعيار الحقيقي لينا كلنا ،ألا هو تقوي الله واتغيري عشان نفسك خسي عشان نفسك ، اياكي والتخاذل ساعدي نفسك و اياكي تتخلي عنها لأن انت بس ال تقدري تساعديها متعشيش دور الضحيه خليكي قويه واتغيري عشان نفسك
تم النشر الأحد، ٧ أبريل ٢٠٢٤
ليه الضعف والعجز دا في كلامك يا عسل ليه التخاذل دا اولا احنا مش بالشكل خالص ولو مالقتيش حد من الناس يحبك هتلاقي رب الناس ، ال لا بيفرق معاه شكل ولا جسم ولا جاه ولا سلطه بس بالقلوب ... إن اكرمكم عند الله اتقاكم . انت مش بتحسبيها كدا ..حسبها بالبشر ال اصلا 4/3 مرضي نفسين وعندهم وهم الاستعلاء علي الاخرين ...فوقي يا حبيبتي دروس اي ال مش بتروحيها وعياط اي .... محدش يقدر يعملك حاجه أقل حاجه ممكن يعملوهالك نظرة أو كلمه غير كدا هما زيهم زيك ...استعني بالله وثقي في نفسك ...
تم النشر الأحد، ٧ أبريل ٢٠٢٤
كل اللى انتى حاسه بيه نتيجه التنمر عليكى والكلام السلبى اللى بتسمعيه عن نفسك لازم تعرفى ان لايوجد انسان شكله مش جميل او جسمه غير مناسب كلنا من صنع الله وربنا سبحانه وتعالى احسن خلقنا كلنا عندنا مميزات زى ما عندنا عيوب حاولى تتعرفى على مميزاتك واكتبيها والكلام السلبى اللى بتسمعيه تجاهليه هو اكيد مش عارف انه بياديك هو اسلوبه ناقد ياريت تلجىء لمتخصص يساعدك
تم النشر الاثنين، ٨ أبريل ٢٠٢٤
مش صح كلنا فينا الحلو والوحش ممكن الشخص يبان من برا حلو بس فيه خبث وغل الدنيا كلها ومش كل الناس زي بعض والجمال عمرو ماكان انك يبقا جسمك حلو ولا وشك حلو الجمال بيبقا بطبعك الحلو وبكلامك الي بيعلم مع الناس ويديهم عنك فكرة حلوة انا عايزة اقولك انك لو شايفة نفسك وحشة هتبقى فعلا وحشة في عينك وعين الكل بس لو شايفة نفسك حلوة صدقيني كلهم هيشوفوكي جميلة بس انتي اقتنعي انك جميلة ربنا ميخلقش حد ميستحقش يتحب بس انتي انوي لو فعلا دي مشكلة بالنسبالك حاولي تخسي ولو مش عايزة طز في اي حد المهم انتي ومتهتميش لكلام حد محدش ليه دعوة يتكلم في شخصيتنا ولا شكلنا انتي مهما كنتي جميلة هتلاقي ناس بتبصلك بقرف وغيرانة منك وساعتها هتزعلي وهتعيطي وهنا يجي دور انك تطنشي ومتحطيش في بالك كلام اي حد محدش ملاك عشان يجي يحاسبنا على شكلنا
تم النشر الأحد، ٧ أبريل ٢٠٢٤
لعرض السؤال في فدني اضغط هنا