ليه معظم الستات عندها نزعه استهلاكيه اكثر من الرجل؟
معظم الحملات الإعلانية من سنين موجهة للعنصر النسائي بشكل خاص جدََا، تربية البنات دايمََا بتكون مقترنة بإنها لازم تلبس وتتزوق ويبقى عندها ٥٠٠ حاجة من نفس النوع علشان هي بنت ومحتاجينها تلفت النظر وتتجوز، وأخيراً إن الستات أصلاً بتهتم بالتفاصيل أكتر من الرجالة فبيكون في مساحة أكبر للمعروض من المنتجات وتنوعها وبالتالي بخليها طول الوقت معرضة لأنها في السوق بتشتري حاجة او بتتفرج على حاجة... لو ركزت هتلاقي بنات قليلة اوي متربية بشكل عملي وشخصيتهم عملية ومش استهلاكيين وعندهم فعلاً الوعي اللي بخليهم يجيبوا اللي محتاجينه بس ومن غير ما يكون أفضل المعروض بالضرورة.. لكن للأسف في مجتمعاتنا بيعتبروها رخيصة وفرصة للتوفير ودايمََا بيحاولوا يتجوزوها الرجالة تحت بند انها عاقلة لكن في الحقيقة هو يقصد انها مش مكلفة ومش هتغرمه كتير.. فكرد فعل طبيعي الستات دي يا بتفضل مستخبية يا بتبطل ترخص من نفسها وتبقى استهلاكية هي كمان
تم النشر السبت، ٢٦ نوفمبر ٢٠٢٢
الست بطبيعتها التسوق والصرف لذلك معظم الاعلانات بتكون موجهه للاطفال والأمهات وده راجع أن دول اكتر فئيتين بيحبوا الشراء .الراجل لانه بيتعب وعارف قيمه الفلوس فبيكون حريص شوية في الصرف ليحدد اوجه الصرف فين بالظبط
تم النشر السبت، ٣ ديسمبر ٢٠٢٢
الاستهلاكية والانتاجية معتمدة على الافكار المزروعة والمجتمع ولثقافة العامة للبلد....معتقدش انها مرتبطة بالنساء....بس المنتجات الموجهه للنساء هى اللى زيادة لان الست دورها فى تقدير احتياجاتك المنزل والولاد دور رئيسي. لو بصينا على اغلبية امهات مجتمعنا المصرى هتلاقى انهم كانوا بيدبروا بشكل غريب ويعملوا كل حاجة من واقع دخل صغير...معتقدش دول ستات استهلاكيين خالص. التربية والفكر والمسؤوليات بيأثروا على النزعة الاستهلاكية. سواء راجل او ست
تم النشر السبت، ٢٦ نوفمبر ٢٠٢٢
تقصد تواكل او اعتماديه؟!
تم النشر الأحد، ٢٧ نوفمبر ٢٠٢٢
لا فى كذا إحصائية بتقول أن معظم الستات بتصرف المال على السلع الترفيهيه والاستهلاكية والغير المفيده ،وخاصه المرأة العربيه أكثر بكثير من المرأة الاوروبيه
تم النشر الأحد، ٢٧ نوفمبر ٢٠٢٢
لعرض السؤال في فدني اضغط هنا