السلام عليكم
انا مشكلتي حقيقي مش عارفه اتصرف فيها ازاي اتمنى الناس تقرأها و يقولولي حل
انا الحمد للّٰه ربنا هداني و بقيت البس جيب و لبس واسع و مبحطش ميكب ولا ببين رقبتي الحمد للّٰه يعني بس صحابي للأسف ربنا يهديهم بس في منهم الي بيحط ميكب و في منهم الي بيلبس ضيق و في منهم الي بتكلم شباب و في الي مش لابسه الحجاب صح ، انا نصحتهم اكتر من مره و لكن مفيش اي فايده فيه الي بيتريق ع النصيحه و الي بتتخانق معايا عشان بتدخل ف حاجه مليش دعوه بيها و في الي شايفاني اوڤر
انا بحبهم و مش متضايقة أبداً منهم و مش بحس بغرابه بينهم انا برتاح معاهم بالعكس انا حتى اختلافي ما بينهم ف اللبس و طريقه الكلام و اي حاجه ده مفرحني اني مختلفه
بس مشكلتي إن انا بحس نفسي بنصح بس محدش ف مره نصحني ف حاجه غلط عملتها، لو عملت حاجه غلط مش بعيد مياخدوش بالهم يعني انا مره قلدت واحده عشان فهمتني ان عادي اكلم ولد ع انو اخويا كلمتو بس انا بحكم تربيتي مش عارفه اتعامل معاه ف اتخانقت معاه لما حسيتو بدأ يتكلم بطريقه غريبه و عملتلو بلوك و قفلت الموضوع ده من حياتي و قررت مش هعمل كدا تاني و فعلا الحمد للّٰه معملتش كدا تاني ،و كنت بلبس ضيق جدا و كنت بحط ايلينر و ابين رقبتي و محدش منهم نصحني بالعكس وقتها في واحده منهم كنت بنصحها متبينش شعرها اتخانقت معايا و قالتلي شوفي نفسك الأول و اتريقت عليا عشان بعمل حاجات غلط و جايه بنصحها ، رغم انها طول عمرها شايفاني بعمل الغلط ولا عمرها نصحتني هي اهانتني و ذلتني بالغلط الي عملتو
بس الحمد لله اتغيرت و مبقتش اعمل اي حاجه من دي اسأل الله الثبات بس انا دايما خايفه ، خايفه اغلط منا بشر ، خايفه اغلط و محدش ينصحني ولا يلحقني ، و خايفه اغلط ونا الي بنصحهم محدش بينصح قدي ، و حاولت الاقي صُحبه صالحه و مش لاقيه
حتى ف الدروس بحس اني غريبه محدش ذيي ف اي حاجه ولا حد مقتنع ب الي انا مقتنعه بيه او حد يشجعني ع الصح كل ده انا مش لاقياه حتى اهلي ربنا يهديهم يا رب بس هم مبيصلوش بعض الصلوات في اوقاتها و امي لبسها و لفه طرحتها مش احسن حاجه يا رب اغفرلها و اهديها
انا مش عارفه اعمل ايه و كل الي حواليا كدا انا بجد خايفه اوي اوي لو غلطت محدش هيلحقني لو رجعت البس ديق محدش هينصحني ولا حتى اهلي لو فوتت صلاه بردو محدش هيلحقني و يفوقني انا خايفه
و بفضل اصبر نفسي و اقول يمكن لما اكبر ربنا يرزقني ب زوج صالح يساعدني و يشجعني بس بردو حاسه ب خوف من الغلط بشكل كبير و مش عارفه اتصرف ازاي ولا اعمل ايه لحد م الوقت ده ييجي
غير كدا بحس محتاجه تشجيع في حاجات كتيره يعني انا نفسي البس خمار و نقاب كمان و لكن اهلي اصلا كانو رافضين فكره اني البس جيب و إن ليه البناطيل حلوه عليا و لحد دلوقتي مقتنعين ب دا و بيحاولو يقنعوني ب كدا ، ف مش عارفه اخد الخطوه دي و معتقدش ابدا انهم هيوافقوا ، و عايزه احفظ قرآن انا بدأت بالإستماع بس عايز اروح مكان تحفيظ بس معنديش شجاعه اروح لوحدي عايزه حد يشجعني بجد مش عارفه اعمل ايه
و اسفه لو كنت طولت و شكراً للي قرأ للأخر
ما شاء الله هناك الكثير من الإجابات الرائعة. لذا سأكتفي بإضافة بضع نقاط أرجو أن تفيدك في طريق التزامك: الإيمان يزيد وينقص، بمعنى ستمرين بأوقات تفتر فيها همتك أو تشعرين أنك ابتعدتِ قليلا وبدأت تقصرين، عندما تنتبهين لهذا الأمر لا تستمري فيه حتى لا تعودي للبداية. تفهمك لمسألة نقص وزيادة الإيمان يجعلكِ لا تقعين فريسة لوساوس الشيطان ولا تيأسين حين تقعين وتقومين سريعًا وتحاولي معالجة الخلل الذي حدث واستخدام الوسائل التي تزيد الإيمان بقلبك. لا تضغطي على نفسك بالفروض والعبادات وتدرجي حتى لا تدفعي نفسك للشعور بالتعب والرغبة في الهرب من كل المسؤوليات... الدين على مراتب لذا ابدأي بالأهم وتابعي الطريق بخطوات ولو صغيرة لكنها ثابتة... قال صلى الله عليه وسلم (سَدِّدوا وقارِبوا واعلموا أنه لن يُدخِلَ أحدَكم عملُه الجنَّةَ وأنَّ أحبَّ الأعمالِ إلى الله أدومُها وإن قَلَّ) لا تعجبي بعملك، لا تسمحي للشيطان أن يدخل لكِ من ثغرة التزامك وقربك من الله فيجعلك تشعرين بالعجب فتبدأين في النظر لمن هم أقل منكِ التزامًا بنظرة فيه تقليل أو احتقار وتذكري قول الله تعالى (كذلك كنتم من قبل فمن الله عليكم) (وقالوا الحمد لله الذي هدانا لهذا وما كنا لنهتدي لولا أن هدانا الله) فتأكدي من أن تدعي لنفسك بالثبات على الهداية وشكر الله عليها والدعاء لأهلك وأصدقائك دائمًا بالهداية وأن تحسني من نفسك لتكوني القدوة الحسنة أمامهم... بمعنى دعيهم يرون النصيحة عمليًا بدل إخبارهم بها شفهيًا. الصاحب ساحب، لا أقول لكِ تخلي عن أصدقائك تمامًا لكن حاولي الانتباه حتى لا تبدأي في التقصير بسبب تأثرك بهم، كما قال رسول الله (المرء على دين خليله فلينظر أحدكم من يخالل) حاولي التقليل من الخروجات التي فيها مخالفات والجلسات التي قد تجبرك على ارتكاب ذنوب كالغيبة والنميمة أو الاختلاط والكلام مع الأولاد. وحاولي التعرف على صحبة ملتزمة تعينك على الالتزام. الأمر بالمعروف والنهي عن المنكر، له قواعد يجب مراعاتها في اختيار أسلوب النصح وتوجيه الكلام والوقت المناسب للنصيحة حتى لا تسببي نفورًا للآخرين، وراعي مسألة إنك كنتِ ذات يوم في نفس المكان وراعي أيضًا إن الشخص البعيد عن الدين والالتزام وغير القريب من الله سيجد ثقلًا ورفضًا في مواجهته بحقيقة بعده عن الله... لا أحد يحب أن يشير أحد للنقص فيه أو يشعره بالذنب والتقصير. الخشوع والتدبر مهمان جدًا، مع التزامك بالصلاة حاولي قدر الإمكان أن تقيميها كما يحبها الله وتحققي الخشوع والسكينة فيها وأيضًا في قراءة القرآن، احرصي على أن يكون لكِ ورد تدبر، هذا مما يعين على الثبات وشفاء القلب من أي أمراض قد تجعله فريسة للزلل والتراجع في طريق الالتزام. أسأل الله أن يثبتك على طريق الهداية وأن يجعلك نموذجًا صالحًا يدفع أهلك وأصدقائك للالتزام بالدين إن شاء الله.
تم النشر الثلاثاء، ١٥ أكتوبر ٢٠٢٤
اي طريق صح بيشوفه الانسان ويحب يمشيه النصيحة الاولى لو مش عاوز تمشي لوحدك شوفلك صاحب شبهك يساعدك .. في المرحلة اللي انتي فيها بقيتي محتاجة تجددي اصحابك مش بقولك غيريهم واقطعي معاهم لا بس بقيتي محتاحة حد يشد ايدك للطريق الكويس اللي حاباه بالمقابل نصيحتك ليهم ده دليل على محبتك وانك عاوزاهم يبقوا كويسين اينعم مفيش استجابة لكن انتي بتعملي اللي عليكي زي ما قولتلك مش لازم تقطعي علاقتك بيهم لكن محتاجة تضيفي ناس تانية لحياتك تستفيدي منهم اكتر..
تم النشر الثلاثاء، ١٥ أكتوبر ٢٠٢٤
انا نفس المشكله بجد معاناة لما كل اللي حواليكي يكونوا عكس تفكيرك بتحسي بغربة حتى اهلك اقرب الناس ليكي بحس بوحدة وانا معاهم بسبب تفكيرهم كنت مبحطش ميكب ولا البس بناطيل بقيت بحط و بقيت بلبس بناطيل دا كلو عشان انا رجعت اتأثر بيهم عشان مش عاوزه احس بغربه ربنا يهديني يارب انصحك تشوفي صحبة صالحة تعينك
تم النشر الثلاثاء، ١٥ أكتوبر ٢٠٢٤
قربى من ربنا وهما اول ما هيشوفوا جمالك والنعيم اللى ربنا هيزيدك بيه هيعملوا زيك ابتدى انتى بنفسك واشتغلى عليها روحى احفظى حتة لو المكان هيكون صعب احفظنى من النت اى ابليكشن بحفظ فى كتير اثبتي ربنا هينورلك دنيتك والله ويهيكرمك انتة مختاره ربنا اللى احسن حاجه فى الكون هيراضيكى جدا
تم النشر الاثنين، ١٤ أكتوبر ٢٠٢٤
وعليكم السلام ورحمه الله وبركاته اول حاجة حبيبتي ربنا يثبتك والحمد لله علي هدايتك ممكن يكون وحضرتك عن عدم قصد بتختاري اسلوب غلط في النصيحة وحتي لو الاسلوب سليم إختيار الوقت واستقبال الشخص مهم جزاكي الله خيرا عن الأمر بالمعروف والنهي المنكر ولكن اعملي كدة مرة واللي مش متقبل خلاص تبقي اديتي فريضتك والحاجة التانية مفيش واحدة ممكن تفكر صاحبتها بغلطة هي عملتها قبل كدة اختاريلك صحاب بجد حتي لو صالحين لكن ناس لو مساعدتش مش هضر ولو مش لاقية صحبة صالحة دلوقتي عليكي بالدعاء وملازمة القران ودروس التذكرة هيكونوا خير الصحبة ليكي اسألي الله الثبات دايما مفيش طريق بينور لصاحبة وصاحبه ماشي مش شايف العلم هيكون اقوي سلاح ليكي ضد الانتكاسة بعد معاونة الله ليكي ودي ناس ممكن تسمعيها قناة بث حلقات المعلمة ام عبيدة علي التليجرام قناة الشيخ سمير مصطفي علي اليوتيوب والتليجرام قناة دكتور احمد العربي قناة ايه المشكلة
تم النشر الاثنين، ١٤ أكتوبر ٢٠٢٤
وعليكم السلام ورحمة الله وبركاته، أختي العزيزة، بدايةً أود أن أهنئك على التغيير الإيجابي الذي قمتِ به في حياتك. التوجه نحو الالتزام الديني والسلوك الحسن هو أمر يستدعي الفخر والتقدير. إن الخوف من الوقوع في الأخطاء شعور طبيعي رغم أنه قد يكون مرهقًا، ومن الجميل أنكِ تدركين أهمية النصح والإرشاد. يمكنني أن أشاركك بعض الأفكار التي قد تساعدك: توكلي على الله : أعلمي أن الله سبحانه وتعالى هو الهادي وهو الأعلم بما في قلوبنا. اعتمدي عليه في كل خطواتك وكوني واثقة أنه لن يتركك وحدك. ردود الأفعال : لا تدعي ردود أفعال الآخرين تثنيك عن اختيار ما هو صحيح. فكل إنسان مسؤول عن تصرفاته، والأفضل أن تتركي أثرًا إيجابيًا بمن حولك دون أن تتأثري سلبًا. ابحثي عن صحبة صالحة : حسّنِي من محيطك الاجتماعي. يمكنك الانضمام إلى أنشطة جماعية تُعنى بالتربية الإسلامية أو الطلبة المتدينين، فقد تجدين أصدقاءً يشاركونك نفس الجوهر. تقبلين النصح : حاولي أن تكوني مرنة في تلقي النصيحة، ولا تترددي في طلب المساعدة من من تثقين بهم، سواءً كانوا أصدقاء أو معلمين. تطوير الذات : استخدمي الوقت الذي تقضينه في الدراسة أو الأنشطة الأخرى لتطوير نفسك وزيادة معرفتك، بما في ذلك التعلم عن النفس والأسس الدينية. ادعي بالثبات : اسألي الله دائمًا الثبات على الحق وأن يقويكِ في وجه المؤثرات السلبية. تذكري، الطريق إلى الصواب لا يأتي دائمًا بسهولة، ولكن الثبات والسعي للأفضل هو ما يجعل التجربة قيمة. كوني صبورة مع نفسك، وحاولي التركيز على التغيير الإيجابي دون التفكير في الأخطاء الماضية. إذا احتجتِ للمزيد من الدعم، فلا تترددي في الوصول إلى المختصين أو حتى استشارة المربين والمرشدين في بيئتك. أسأل الله أن يرزقك القوة والإرادة للثبات على الحق وأن يهدي من حولك.
تم النشر الاثنين، ١٤ أكتوبر ٢٠٢٤
وعليكم السلام ورحمه الله وبركاته. خليني اقول لك بقى انه الطريق بتاع الالتزام ما بيبقاش سهل في اوله بسبب اللي انت بتقوليه ده بالظبط ان الواحد وهو لسه في اول الطريق طبعا يا دوبك بيكون غير حاجات في نفسه لكن ما بيكونش غير كل حاجه حواليه وهي دي بتكون واحده من المراحل اللي بنحتاج نعملها. يعني ممكن تكوني قدرتي تعدي الخطوه بتاعه انك تلتزمي بلبس فضفاض حلو وجميل وفي نقطه اللبس بتفكري انك تكوني زي بتاعك شرعي اكتر فهتلبسي الخمار او النقاب وهكذا دي كلها ايه خطوات بس في اتجاه واحد لكن في خطوات تانيه طيب في الاجتماعيات انا محتاجه ايه الخطوه اللي انا اخدها محتاجه ان انا اخلي المحيط اللي حواليا برده يكون في نفس الطريق بتاعي. فهنا بيجي ايه هنا بيجي الحاجه اللي احنا بنسميها الجهاد الجهاد علشان خاطر افضل على نفس الطريقه يعني كانك بالظبط دلوقتي في منطقه ما فيهاش اصلا شارع وانت اللي بتحددي الشارع وانت اللي بتخططي وانت اللي بتمهديه وبترسفي الشارع وبعدين بتسفلتيه كل الحاجات دي عايزه ايه عايزه جهد عايزه زياده عليها بانه انت شغاله لوحدك وما فيش حد جاي بيشتغل معاكي فعشان كده كل الجهد عليك طيب لما لما تكوني بتعملي الجهد ده لوحدك ده هيعليكي منزله ان شاء الله عند رب العالمين بس انا مش عايزاك تغفلي عن نقطه انك ضروري جدا يكون المحيط بتاعك بيتغير واحده واحده انا مش لازم ابعد عن صحابي دول لا انا لازم يعني خليني وسطيهم علشان باذن الله في يوم من الايام اكون انا السبب اللي يخليهم هم كمان يبداوا واحده واحده يتغيروا مش لازم تغيروا النهارده مش لازم تغيروا في نفس التوقيت اللي انا اتغيرت فيه لا مش لازم خالص صحابي برده حلوين وفيهم مميزات حلوه زي ما فيهم عيوب عيوبهم ان هم مش بيشوروا على الغلطات الواحد محتاج انه حد يشاور له عليها تمام ههه يبقى انا محتاجه. صحبه تانيه غير الصحبه دي ده مش معناه خالص ان انا لازم الغي دول لا دول موجودين برده.
تم النشر الثلاثاء، ١٥ أكتوبر ٢٠٢٤
فهماكي ، شكراً جداً 💗
تم النشر الثلاثاء، ١٥ أكتوبر ٢٠٢٤
المفروض بما انك خدتى القرار تكونى علي اقتناع ، ومش شرط اللي حواليكى يقتنع باللى انتى مقتنعه بيه ، المهم انتى مقتنعه بايه وشايفه نفسك ازاي مش مهم الباقي ، أما اللي حواليك ف انتى نصحتى ومسمعوش الكلام في دا قرارهم وهما حرين مع نفسهم ، المهم انتى بقي هل انتى مرتاحه بصحبتهم ولا معاهم عشان مش لاقيه صحبه صالحه ؟ ولو مستنيه من حد التشجيع عشان تاخدي اي خطوه في حياتك أو علي اي قرار ف انتي عمرك ماهتتحركى وهتحسي نفسك دايما مش عايزه تعملي حاجه اصل محدش مقتنع باللي أنا مقتنعه بيه ومحدش بيشجعني + الغلط موجود والصح موجود ، وكلنا بشر وبنغلط قبل اي موقف مع نفسك تراجعي نفسك أو بعد ماتروحي فكري في اليوم ايه اللي حصل معجبكيش ومش عايزاه يتكرر والمفروض كان ايه يبقي ردك فعلك وايه رد فعلك لو حصل تاني ؟ كل يوم اعملي كده هتحسي براحه عالاقل شويه ؛ لكن لو خايفه من الغلط دائما بتفكري في انى لا انا خايفه اغلط ، انتى هتغلطي دا كده كده بس خوفك من زياده عن اللزوم دا اللي هيخليكي تغلطى اكتر + اعملي حدود ايه اللي ينفعك وايه مينفعكيش بكل حاجه حطى حدود واضحه زى مثلا اول حد انتى حطتيه انك مبتكلميش ولاد دا حلو كملي ايه الحدود التانيه طريقة الكلام الصحبه ، وحطي مبادئ لنفسك ، انتى مش عارفه ايه حدودك ومش عارفه اي مبادئك أو مش واضحه عشان كده خايفه تغلطي وعشان كده شايفه انك مختلفه وعايزه الكل يقتنع باللي انتى فيه المهم انتى مقتنعه بايه فاهماني؟؟
تم النشر الثلاثاء، ١٥ أكتوبر ٢٠٢٤
العفوّ كنتي بتسالي علي تطبيق حفظ القرآن التطبيقات مش هتفيدك هقولك طريقه ممكن تنفع معاكي اتعلمي تجويد https://youtube.com/playlist?list=PL1i_D1Vw3d5PrPubon8D1z9Cl3Hl8jJsX&si=rJDqaIF6jaa-ggm6 . واسمعي للشيخ الحصري المعلم ورددي وراه بس اهم حاجه تتعلمي تجويد عشان بدون تجويد حتي لو حفظتي هيبقي احكامك فيها اخطاء
تم النشر الثلاثاء، ١٥ أكتوبر ٢٠٢٤
هو دا الطبيعي عشان مش بيشوف الحاجه الغلط غير اللي مركز معاها . مثال لو حد مركز مع غض البصر تلاقي الموضوع مرهق ومتعب بحكم الفساد اللي في المجتمع اما لو حد مش مركز فاهتلاقي الموضوع معاه عادي دا هو ممكن ميكونش واخد باله للموضوع ولا ليه عنده اي اهتمام قال تعالي { أَفَمَن زُیِّنَ لَهُۥ سُوۤءُ عَمَلِهِۦ فَرَءَاهُ حَسَنࣰاۖ فَإِنَّ ٱللَّهَ یُضِلُّ مَن یَشَاۤءُ وَیَهۡدِی مَن یَشَاۤءُۖ فَلَا تَذۡهَبۡ نَفۡسُكَ عَلَیۡهِمۡ حَسَرَ ٰتٍۚ إِنَّ ٱللَّهَ عَلِیمُۢ بِمَا یَصۡنَعُونَ } [سُورَةُ فَاطِرٍ: ٨] قال تعالي { إِنَّ ٱلَّذِینَ أَجۡرَمُوا۟ كَانُوا۟ مِنَ ٱلَّذِینَ ءَامَنُوا۟ یَضۡحَكُونَ (٢٩) وَإِذَا مَرُّوا۟ بِهِمۡ یَتَغَامَزُونَ (٣٠) وَإِذَا ٱنقَلَبُوۤا۟ إِلَىٰۤ أَهۡلِهِمُ ٱنقَلَبُوا۟ فَكِهِینَ (٣١) وَإِذَا رَأَوۡهُمۡ قَالُوۤا۟ إِنَّ هَـٰۤؤُلَاۤءِ لَضَاۤلُّونَ (٣٢) وَمَاۤ أُرۡسِلُوا۟ عَلَیۡهِمۡ حَـٰفِظِینَ (٣٣) فَٱلۡیَوۡمَ ٱلَّذِینَ ءَامَنُوا۟ مِنَ ٱلۡكُفَّارِ یَضۡحَكُونَ (٣٤) } [سُورَةُ المُطَفِّفِينَ: ٢٩-٣٤] حاولي صحابك دول يعني حتي لو انتي بتحبيهم وكدا بس انتي لو فضلتي معاهم هترجعي زي ماكنتي واكيد فيه ناس كويسه بس روحي المكان الصح يعني المسجد مثلا قال تعالي { وَٱصۡبِرۡ نَفۡسَكَ مَعَ ٱلَّذِینَ یَدۡعُونَ رَبَّهُم بِٱلۡغَدَوٰةِ وَٱلۡعَشِیِّ یُرِیدُونَ وَجۡهَهُۥۖ وَلَا تَعۡدُ عَیۡنَاكَ عَنۡهُمۡ تُرِیدُ زِینَةَ ٱلۡحَیَوٰةِ ٱلدُّنۡیَاۖ وَلَا تُطِعۡ مَنۡ أَغۡفَلۡنَا قَلۡبَهُۥ عَن ذِكۡرِنَا وَٱتَّبَعَ هَوَىٰهُ وَكَانَ أَمۡرُهُۥ فُرُطࣰا } [سُورَةُ الكَهۡفِ: ٢٨] تذكري الجنه تستحق المجاهده والمشقه وبعدين كفايه انك بتتشبهي بنساء النبي بلاش تمشي وراء القطيع قال تعالي { قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ } [سُورَةُ القَلَمِ: ٢٨] هو كان افضل واحد فيهم بس هو كل اللي عمله انه نصحهم بس وعمل نفس الغلط اللي بيعملوه مع انه كان عارف الصح بس عشان كان معاهم لو بعد كان هيكون احسن اكيد بس هو اللي اختار يكمل معاهم
تم النشر الاثنين، ١٤ أكتوبر ٢٠٢٤
اشكرك جداً
تم النشر الثلاثاء، ١٥ أكتوبر ٢٠٢٤
لعرض السؤال في فدني اضغط هنا