اولا السلام عليكم ورحمه الله وبركاته
ثانيا كنت حابه استشير حضراتكم في شئ شاغل تفكيري انا حاليا في 3 جامعه كليه تربية وتقدم لي عريس بس هو مش تعليم عالي هو حاصل علي دبلوم أهله محترمين جدا وهو شخص كويس وشكليا وسيم ما شاء الله ومستواهم الاجتماعي كويس جدا هو بابا واخواتي رافضين الموضوع علشان المستوي التعليمي بتاعه هو بيشتغل في المعمار حاليا عنده زي مكتب كدا للمقاولات بابا قالي انه مش هيضغط عليا وانا قولتله هصلي استخاره فلما صليت انا مرتاحة ليه جدا مع اننا مقعدناش مع بعض بس انا مرتاحة وحاسه اني متقبله الموضوع ورغم انه بابا بعت الجواب بالرفض وقال إنه لسة بكمل تعليمي هو برضو بعت اخته مره تانيه انا محتاره جدا دلوقتي وكل ما بصلي استخاره ببقي مرتاحة ليه اسفه جدا للاطالة وارجو الافادة من حضراتكم ♥️
مريت بنفس الموقف بس مرتاحتش لما قعدت معاه اطلبي تقعدي معاه مرة واتنين وشوفي طريقة تفكيره لان للاسف التعليم بيفرق جدا في التفكير وممكن يسبب مشكلة قدام لو فضلتي مرتاحة وحاسة ان تفكيركم متقارب اتكلي علي الله وصلي استخارة مرة تانية ووافقي لو حسيتي بنسبة قلة راحة حتي لو بسيطة ارفضي وربنا يقدملك ال فيه الخير
تم النشر السبت، ٢٢ يونيو ٢٠٢٤
وعليكم السلام ورحمة الله وبركاته! 🌸 أولا مبروك على الخطوة المهمة اللي أنتي بصدد التفكير فيها. أتفهم تمامًا القلق والتردد اللي بتحسيهم. حلو إنك صليتي استخارة وبتحسي بارتياح تجاه الشخص المتقدم ليكي، لأن ده مؤشر مهم. فيه كذا نقطة ممكن تساعدك في اتخاذ القرار: التوافق الشخصي والقيمي : قبل كل حاجة، فكري في التوافق بينكم مش بس على المستوى التعليمي، لكن كمان من ناحية القيم والأهداف في الحياة. هل أنتي شايفة إنه شخص يقدر يشاركك رؤيتك للمستقبل والأهداف اللي بتسعي ليها؟ التفاهم والاحترام : لاحظتي أنه بيحاول يعبر عن جديته في الموضوع رغم رفض والدك في البداية. ده مؤشر على الاحترام والجدية، اللي هما أساسيين في أي علاقة ناجحة. الوضع الاجتماعي والمهني : عنده مكتب مقاولات وده يدل على استقرار مالي ومهني مش وحش. كونه مش حاصل على تعليم عالي مش بالضرورة يكون عائق لو كان ناجح في شغله ومصمم يطوّر من نفسه. التواصل مع أهلك : جربي تتكلمي مع والدك وأخواتك بكل صراحة، اكتبي لهم مشاعرك ورأيك فيه واستخيرتهم ليه انتي مرتاحة ليه. وضحي لهم إن الحب والتفاهم مش متعلق بالدرجات الأكاديمية بقدر ما هو متعلق بشخصية الإنسان وجديته في الحياة. الاستشارة الخارجية : لو كنتي محتاجة مزيد من النصح، ممكن تستشيري شخص كبير في العيلة أو أصدقاء موثوقين يعرفوك ويعرفوه، ممكن يكون عندهم نصيحة تفيدك. الأهم في القرار ده إنك تكوني واثقة وقلبك مرتاح ليه. لو لقيتي نفسك بعد كل الاعتبارات دي لسة مرتاحة ليه، ممكن تفكري تخلي والدك يوافق على جلسة تعارف أكتر يمكن يشوفوه من زاوية جديدة ويغيروا رأيهم. كل التوفيق ليكي يا حبيبتي وإن شاء الله يكتب لك الخير في اللي حاباه وتكون حياتك سعيدة ومليانة نجاحات! 😊💕
تم النشر السبت، ٢٢ يونيو ٢٠٢٤
اكيد في خير ليكي لانك بتكوني مرتاحه و م كل الناس تقديرهم بالتعليم ممكن يكون هو ده الزوج الصالح ف معاملته ليكي و لاهلك و لاطفاله ف المستقبل و هو حتي معهوش دبلوم عالي ممكن يكون احسن من ميه واحد معاه تعليم عالي
تم النشر الأحد، ٢٣ يونيو ٢٠٢٤
أتفق 100% ان معيار التعليم مهم جدا جدا، لكن مش اللي والدك يعتقده لو الشخص دا متعلم امور دينه كويس هيقدر يحافظ عليكي ويبني بيت سليم في وسط الزمن ده فلو هو متعلم عن دين كويس فالتوافق في الحياه بينكم يقدر يحفظوا وغير كدا الفتن وهو مسئول عن ده يريبي اولاده بما يحفظهم من التغيرات الزمنيه، لكن نتكلم عن تعاليم الدنيا فالمكانه المرموقه جميله ولكن لا قيمه من ان تتزوجي طبيبا او عالما او مهندسا ويعنفكي ولا يتعامل معك بما يرضي الله لذالك ليست الاهم بل كونه مقتدر مديا وترضون دينه وخلقه فزوجوه
تم النشر السبت، ٢٢ يونيو ٢٠٢٤
مرحبًا، أولًا دينيًا إذا جاءكم من ترضون دينه وخلقه فزوجوه لكن دينيًا أيضًا التكافؤ الاجتماعي والمادي والتعليمي هام جدًا في الزواج... في عصرنا هذا للأسف أغلب الرجال إلا من رحم ربي إذا كان هناك عدم تكافؤ خاصة في الجانب التعليمي يتحسس ويشعر بالنقص لاحقًا أمام زوجته وتحدث الكثير من المشاكل من تحت هذه المشكلة. ثانيًا: مع الاستخارة هناك الاستشارة، رأي أهلكِ وكبار عائلتكِ مهم جدًا والأهل غالبًا (لن أقول في كل الأحوال) غالبًا يكونون محقين في رفضهم أو قبولهم للزواج.... اجلسي مع والدكِ وإخوتكِ وافهمي منهم وحاولي مناقشتهم في الأمر... إذا وافقوا على مقابلة مبدئية بينكِ وبينه اجلسي معه ربما يحدث قبول أو لا يحدث خاصة وأنتِ تقولين أنّكِ لم تقابلي الشخص نفسه... ربما بعد المقابلة والكلام معه تكتشفين أنّه ليس الشخص الذي تريدين إكمال حياتكِ معه. ثالثًا: من الأشياء المفهومة خطأ عن الاستخارة هو إن بمجرد شعوري بالراحة فهذا معناه إن الله استجاب واختار لي ما فيه الخير... الراحة أو الضيق ليست علامة قطعية أو دليلا. صلاة الاستخارة نصليها قبل الإقدام على الشيء... يعني أنتِ قررتِ الموافقة أو مقابلة العريس على الأقل فتصلين صلاة الاستخارة وتطلبين من الله أن يختر لكِ ما فيه الخير... إذا كان زواجكِ من هذا الشخص خيرا سيتيسر الأمر وستتذلل العقبات إن شاء الله. لكن شعوركِ بالراحة ليس دليلا، ربما راجع لاقتناعكِ فقط بالموضوع ورغبتكِ الداخلية في مقابلة هذا الشخص والموافقة عليه. فلو كنتِ متخوفة من الأمر وقلقة ربما كنتِ شعرتِ بضيق الصدر وعدم الراحة. ربنا يكتب لكِ التوفيق ويختار لكِ الخير ويرضيكِ به إن شاء الله.
تم النشر السبت، ٢٢ يونيو ٢٠٢٤
يبقي توكلي علي الله يمكن دا خير ليكي اقعدي معاه وشوفي هل تقبلتيه ولا لاه
تم النشر السبت، ٢٢ يونيو ٢٠٢٤
لعرض السؤال في فدني اضغط هنا