السلام عليكم
انا ولد عندي ١٦ سنة
بحس ان عضمي ضعيف وكوعي وركبتي وضهري بيوجع بسهولة من اي حاجة
مع اني مش رفيع ولا تخين وباكل كويس بس نومي مش منتظم اوي
هو الضعف دا حله الجيم ولا ايه الحل ؟
وعليكم السلام ورحمة الله وبركاته ماشاء الله انت في مرحلة نمو حاليا ومحتاج تغذية كويسه و ونوم كويس ،، ممكن يبان ان النوم ده مش مهم اوي لكن في الحقيقه تنظم النوم وخاصة انك تنام بالليل كويس من ٦ ل ٨ ساعات مهم جدا لعمل هرمون النمو اللي بيتشغل بالليل . ولما نسهر طول الليل للاسف الهرمون ده مش بيتشغل كويس وبياثر على نمو الجسم تاني نقطه في سن الشباب ده محتاج تلعب رياضه مريسع تساعدك انك تزود نسبة العضل في جسمك .. سواء سباحة او كوره ومعاها تمارين مقاومة زي رفع الحديد . ونمو العضلات كويس بيسند العظم وبيعمل مرونه للجسم ثالث نقطه. التغذية المناسبه ودي اهم نقطه في السن ده محتاج كمية بروتين كويسه جدا و فواكه وخضروات ودهون صحيه تساعد جسمك في النمو السليم لو عملت كل ده ومازال فيه الم او ضعف هتطلب المساعدة من متخصص لعمل تحاليل معينه
تم النشر الثلاثاء، ٢ يوليو ٢٠٢٤
من الأسباب اللي ممكن تخليك تحس بكده قلة الحركة وممارسة الرياضة، خصوصًا إن أغلب الناس بقى يقضي وقت كبير على الموبايل والنت وممكن يفضل ساعات جالس مكانه دون حركة وده بينعكس بوضوح على الجسم ودايما فيه إحساس بألم في العظام والظهر وضعف في الحركة وتخشب في العضلات وقلة المرونة. لو انت بتعمل كده ومش بتمارس أي نشاط حركي هتحتاج تبدأ تخصص وقت لممارسة الرياضة حتى لو عشر دقائق يوميًا من التمارين هتفرق كتير. لكن قبل ده طبعًا محتاج تذهب للطبيب لإجراء الفحص اللازم ولو محتاج تحاليل عشان يعرف إن كان فيه سبب طبي، زي نقص فيتامين د أو هشاشة عظام وغيرها من الأسباب. ألف سلامة.
تم النشر الثلاثاء، ٢ يوليو ٢٠٢٤
وعليكم السلام! اولاً، شكراً على الثقة وسؤالك. انت في مرحلة النمو، واللي بتحس بيه ممكن يكون مرتبط بضعف في العضلات والعظام أو نقص فيتامينات معينة. هنا بعض النصائح اللي ممكن تساعدك: الغذاء المتوازن: تأكد انك بتناول الأطعمة الغنية بالكالسيوم وفيتامين D زي اللبن، الجبن، الزبادي، والسمك. ممارسة الرياضة: الجيم خيار جيد، بس ابدأ بالتدريج ومع مدرب يفهم حالتك. التمارين المنتظمة بتقوي العضلات وتدعم العظام. النوم الجيد: حاول تنظم نومك؛ الجسم بيحتاج راحة عشان يجدد نشاطه. الشمس: حاول تتعرض للشمس يومياً لأن دا بيساعد جسمك يصنع فيتامين D. استشارة طبيب: لو الألم مستمر وغير محتمل، الأفضل تزور طبيب عظام أو تخصص طبيب عام عشان يعمل لك فحص ويعرف السبب بالضبط. رعاية صحتك مهمة، وخذ وقتك للاهتمام بنفسك. بالتوفيق! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢ يوليو ٢٠٢٤
لا ممكن يكون عندك نقص فيتامينات استشاري طبيب احسن
تم النشر الخميس، ٤ يوليو ٢٠٢٤
لعرض السؤال في فدني اضغط هنا