ليه دائماً بكون خايف من اي حاجة وخصوصا الناس يعني بخاف اتكلم معاهم بخاف اتعامل معاهم وحاسس إن انا ضعيف ودايما مهزوز.. حد عنده اجابة؟!!
دي بتكون تجارب وتراكمات سلبية في الطفولة ممكن تكون اتعرضت من الصغر لانتقادات من الأهل أو المقربين أو اتعرضت التهكم والسخرية وممكن تكون فاقد للثقة في التعامل مع الاخرين وبارضو في جزء اهتزاز الثقة في نفسك علشان كده حاول تصفي ذهنك وخليك فاكر الي مرتاح ليه اعمله ومتفكرش في رضا حد طالما ماشي بما يرضي الله
تم النشر الجمعة، ٢ ديسمبر ٢٠٢٢
الحاله ال وصلتلها دي مش من فراغ علي فكره دا رد فعل انت اخدته بعد م اتخذلت من كذا حد ال هو يعني لو قربت من الشخص دا ممكن يجرحني او يخذلني او........ فبلاش خليني كدا احسن دا ال بتقوله لنفسك ودي حاجه حلوه ووحشه ف نفس الوقت بس انت كدا بتحاول تحمي نفسك عشان ميتكررش موقف ضايقك زمان مش اكتر ف انا رأي اتعامل مع كل الناس بس متبالغش ف حبهم وخلي دايما عندك احتمال ان الشخص دا مش ملاك ممكن يضايقني بقصد او من غير قصد ....
تم النشر الخميس، ١ ديسمبر ٢٠٢٢
الخوف والرهاب الإجتماعي مشكلة نفسية ناتجه من أسباب كتير قد تكون التربية أو حتي البيئه المحيطة بينا ودي حاجه مش فإيدينا الحل انك لازم تقوي ثقتك بنفسك. الشخص اللي قدامك ده ملطخ بالأخطاء زيك عادي يعني مش ملاك وكمان انت فرقت عنه فخطوه وهي أن هو كمل علي مشكلته أما انت حاولت تعالجها. اي مساعده راسلني خاص شكرا لحضرتك
تم النشر الاثنين، ٥ ديسمبر ٢٠٢٢
مصدر الخوف ده ممكن يكون من موقف واحد صغير او كبير بس ساب اثر كبير او ممكن يكون تراكمات لمواقف كتير الفكرة كلها ان الواحد بيكون اتأثر بشكل قوى وحس بالم ..الخوف بيحصل جوانا عشان يخلينا نتراجع ومنقربش فيبعد عننا الالم هو ده الخوف ..خايف اتألم تانى. لو فى موقف وانت عارفه اقف عنده وصارح نفسك انك يمكن كنت ضعيف زمان بس دلوقتى لا ..ده هيساعدك تعدى الموقف
تم النشر الخميس، ١ ديسمبر ٢٠٢٢
انا كمان عندي نفس مشكلتك والمشكله دي تعباني نفسيا
تم النشر الأربعاء، ٢٢ فبراير ٢٠٢٣
اعتقد ممكن تكون مشكلة من الطفولة او صدمة حصلت خوفتك من الناس وهزت ثقتك في نفسك ممكن تجرب تزور طبيب لو حابب لكن نصيحتي ليك انك تقعد مع نفسك تحاول تعرف السبب لان معرفة السبب بيحل نص المشكلة محتاج بردو تسال نفسك ايه اللي ممكن يحصل لو كلمت الناس ؟ ايه الضرر اللي هيصيبني ؟ بحيث تواجه مخاوفك وتعرف سببها
تم النشر الخميس، ١ ديسمبر ٢٠٢٢
لعرض السؤال في فدني اضغط هنا