انا عندى ٣ اخوات صغيرين في سنه ٨ و٩ سنوات بواجه مشكله كبيره جدا وارجو بجد الافاده انا نفسي يبقوا سويين نفسيا وكويسين لكن هما السن بتاعهم صعب اويي وهما اللهم بارك ٣ اطفال لكن مشاكل كتتير والخناقات اكتر كل حد في البيت بيزعل شويه لكن كله تعب منهم ومن المشاكل أوقات بيضربوا بسبب انه ميبقاش في حل مبيسكتوش نخلص من مشكله ندخل في غيرها حقيقي الموضوع مرهق أوي وانا كا اختهم ببقي مش حابه موضوع الضرب ببقي مش حابه انه يتخانقوا مع بعض نفسي يبقوا هادين لكن احنا اغلبنا في البيت بردو عصبي اللى بيبقي في الشغل واللى عنده مشاكل في مش عارف اي واللى في كليته كل واحده بجد في دوامه فا بيجي يدوبك يرتاح ميبقاش قادر لمشاكل بجد انا حاسه ان شايله هم لمة يكبروا انهم يبقي عندهم مشاكل كتتير في شخصيتهم لكن انا حاسه ان الموضوع عامل عليا ضغط كبير ان المفروض ابقي هاديه وامتص كل المشاكل لكن حقيقي الموضوع صعب مووت ببقي عايزه اطورلهم من نفسهم وابقي قريبه منهم لكن كل دا مبيحصلش بحس انهم من كتر الغلطات اللى بيعملوها طول الوقت اللى في البيت بينتقضهم وبس مش حابه كدا لكن بجد الموضوع صعب خايفه ميبقاش عندهم ثقه في نفسهم فا يطروا يدور برا على حد يحبهم انا نفسي اوديهم تمرين وأنشطة والفكره في الوقت وماديا نوعا ما لكن الاكتر الوقت محدش فاضي يوديهم فهل في اقتراحات أو إيه الحل ؟
السلام عليكم ورحمه الله وبركاته اول حاجه ده ممكن يكون فرد حركه تمام تاني حاجه ممكن نتكلم فيها فكره الضغط اللي بيسبب لهم في شكل الكتير دي بسبب فرط الحركه ده والنشاط الزايد اللي عندهم والمشاكل اللي بيعملوها فاحنا هنحاول نحاول طاقيتهم دي وتنافسهم ده بدل المشاكل والضرب وكده لا هنحاول نخليه في حاجه تانيه زي ايه مثلا حفظ القران من خطه احلى مين ممكن يعمل مشروع كويس مثلا على يعمل حاجه من الورق يعني فوانيس او يعمل مش عارف اي حاجات كده حاجات ينافسوا فيها بعض هم في نفس الوقت في نفس الوقت هنحتاج برضو من البيت انه يحاول يخلوهم بعاد عن بعض بقدر الامكان طالما وجودهم مع بعض مشكله بس احنا ممكن نخلي كل واحد فيهم في اتجاه معين يعني مش مش دكتور اليوم بس انا اقصد معظم وقت يوم يعني انا هحاول انوع اهتماماتهم ونشاطاتهم بحيث يبقى كل واحد اهتماماته بعيد عن التاني فيتنافسه من يتميز يبقى متميز وفي نفس الوقت يطلعوا طاقتهم بعيد عن بعض برضو في نفس الوقت فكره الانشطه طيب الانشطه دي زي ما قلت ما فيش قدره ماديه وما فيش وقت الاهتمام بهم ان احنا نديهم اماكن بعيده هنحاول نجمع اقرب حاجه ليهم تقدر. جمعيه خيريه او قصر سقافه او مش عارف حاجه قريبه منكم او الاستقبالجوا منها وحدهم. ممكن تاني برضو بالكلام؟ نحاول نحط محفزات لفظيه معهم بمعنى ان انا هقعد اتكلم مع كل واحد انت القائد بتاعهم انت المفروض يعني على جنب كده انت بتاعهم انت المفروض ما تخليهمش يعملوا مشاكل اللي انت المفروض العجل اللي فيهم حتى اصغرهم اقول له انت الكبير انت العقل اللي فيهم الكبير اقول له انت الكبير اللي فيهم بحيث اخليهم كلهم على بعض كده عينهم على بعض بتسال ايه كل واحد فيهم بيحرس التنم الاتنين التانيين ما معمولوش مشاكل ده برضو هيوصلنا النقطه ان ندول مش هيتخانقوا بقدر ما هيبقى عندهم ارث على بعض فبالتالي مش هيضربوا بعض الامانه مشاكل كل واحد عاوز يبين لنفسه ان هو العاجل عشان الاتنين التانيين يسمعوا كلامه او كده بس وخير باذن الله ربنا يهديهم ويصلح الحال يا رب وجهه نظره واقتراحات يعني
تم النشر الأحد، ٢٦ مايو ٢٠٢٤
أنا فاهمة جدًا الشعور اللي انت بتمري بيه، والمهمة دي مش بسيطة خالص. بصي، خليني أقولك على شوية حاجات ممكن تفيدك وتساعد الاطفال انهم يكونوا سويين نفسياً: البيئة الهادئة : حاولي قد ما تقدري توفري لهم جو هاديء في البيت. سياسة "الباب المقفول" اللي يخليهم يعرفوا ان في مساحة خاصة للهدوء والتأمل. التواصل : حاولي تكوني معاهم وتسمعي مشاكلهم وأفكارهم. مجرد الحديث معاهم بيفرق كتير، خذي وقتك واسمعيهم بجد. تشجيع الأنشطة : حتى لو ما فيش وقت توديهم التمارين، شجعيهم يعملوا أنشطة بسيطة في البيت زي الرسم، الألعاب التعليمية، أو حتى الزراعة على مستوى صغير. دي حاجات بتساعدهم يتعلموا وينموا. تقسيم الأدوار : كل افراد الأسرة يساعدوا بشيء. مثلا، ممكن يتفقوا ان كل واحد عنده دور معين في البيت. ده هيخليهم يحسوا بالمسؤولية وينموا حس الالتزام. التقدير والاشادة : لما يعملوا حاجة كويسة، مدحيهم. ده بيساعد في بناء ثقتهم بنفسهم وبيحسسهم انهم مقبولين ومحبوبين. السيطرة على العصبية : حاولي قد ما تقدري تسيطري على الأعصاب وتكوني قدوة ليهم في التعامل مع المواقف بهدوء. ده مش سهل، لكن لو بدأتِ فيه تدريجياً هيعمل فرق كبير. اللعب الجماعي : الألعاب اللي بتعزز العمل الجماعي والتعاون بتكون مفيدة. حاجات زي البازل، أو الألعاب اللي بتحتاج تفكير مشترك. من الطبيعي انك تكوني مضغوطة، لكن كمان مهم انك تلاقي وقت لنفسك وترفهي عن نفسك شويتين. لو انتي كويسة وهادية، هتقدري تديهم الدعم اللي محتاجينه. وخلي بالك، مفيش حد مثالي والأطفال بيتعلموا من اخطائهم. كوني صبورة معاهم وشجعيهم على التعلم والنمو بشكل صحي. لو في أي حاجة محتاجة تسألي عنها أكتر، انا هنا موجودة وأهلاً بيكي في أي وقت. 🌸
تم النشر الأحد، ٢٦ مايو ٢٠٢٤
لعرض السؤال في فدني اضغط هنا