انا من فترت ٤ سنين اتعرضت لموقف وحش و كان بسبب والدى و من وقتها مش بعرف اعيط غير بصوت عالى جداا و مش بقدر اوطى خالص و رقبتى كل مره بعيط فيها بحس انى بتخنق او مش عارفة اتنفس و الموضوع بيوصل للتقيؤ و كدا
و من فتره قريبه اوى اتعرضت لموقف تانى بقيت عندى ردود فعل لا اراديه زى انى اخد ادويه بنية الانتحار و انا مش عارفة انا بعمل ايه أصلا او انى اقص شعرى او انى اعور نفسي لما ابقى متضايقة اخبط ايدى فى الحيطه لحد ما تجيب دم
و للاسف بتعرض لدا على طول لان السبب امى و اخواتى و المشاكل بتبقى يوميا و مش بعرف ارد عليهم و الموضوع بيوصل للضرب و ممكن للطرد من البيت و انا ما بقيتش بلقى غير حلول انتحاريه بس مش عايزة اعمل كدا عشان حرام و تعبت
السلام عليكم ورحمه الله وبركاته. طيب موقف حصل من اربع سنين واضح ان الموقف ده ما تعالج او انت ما كنتيش راضيه عن النتيجه بتاعته او عن نهايه الموقف وفضل موقف جواك بيضغط عليك ونظرتك الموقف وما بتنتهيش ولذلك انت عماله بتغلي من جواكي هو ده اللي بيخليكي بتصرخي بالشكل ده ممكن يكون احساس بالظلم شايفه انك مظلومه جدا ومش قابله الظلم ده ممكن بقيتي بصه لباباكي او لكل اهلك بقى بما انك حطيتيهم كلهم دلوقتي في نفس المكانه بقيت بوصلهم كلهم ان هم مش بيحبوكي انهم مش عايزينك لكن الوضع اللي بتحكيه اكيد في تفاصيل كتير. ااا وبيكون في جزء اكيد غلط منهم جزء غلط منك وصولك لحاله الصراخ اللي الدرجه دي هي محاوله للتعبير من جسمك عن كل اللي جواكي اللي انت ما بقيتيش عارفه تتكلمي فيه اللي انت ما بقيتيش عارفه تقولي او حتى لو بتقوليه بتقوليه بشكل مش بيوصلك لنتيجه انت محتاجاها انت محتاجه انه حتى بعد ما تصرخي او بتعيطي او تتكلمي انت محتاجه حاجه معينه تحصل والحاجه المعينه دي ما بتحصلش ممكن تكون ما بتحصلش لان اللي حواليكي مش شايفين زيك فاحنا ليه نضمن نلفها في ان نفسنا او بنلف نفس الدائره احنا محتاجين نقف عند الحقائق اكثر من اي حاجه ثانيه علشان نصلح الاوضاع اذا كنا عايزين نصلح عايزين نصلح يبقى لازم نبدا بنفسنا والجزء اللي على الاخرين والله هنشوف بقى اذا كانوا هيساعدوا فيه ولا لا بس المهم ان احنا نحطش شرط انهم لازم يساعدوا بالشكل اللي احنا عايزينه بس وندي للي حوالينا مساحه يساعدوا بالطريقه اللي هم بيعرفوا ويساعدوا بيها.
تم النشر الثلاثاء، ٤ فبراير ٢٠٢٥
بصي انتي محتاجة تهدي و تفكري بعقلانية شوية ، انا اهلي بيعملو كدة ليه؟ هل الغلط مني؟ و اسألي نفسك و خديها واحدة واحدة شوفي هل الموضوع يستاهل في المقام الاول كل الزعل ده او هو موضوع عبيط وانا مكبراه؟ هتعرفي مع الوقت ان كل المشاكل تافهة وان مفيش حاجة تستاهل الزعل او العصبية ،نتعصب على بعض ليه واحنا كلنا رايحين في الاخر ،منستحمل بعض الكتم سنة دول و كدة كدة كلنا هنمشي و اوعي تفكري بلانتحار لانك كدة هتخلدي في النار و هتتعذبي بنفس الطريقة اللي قتلتي نفسك بيها و هتكوني كفرتي بالله كلمي ابوكي وامك و صاحبيهم عشان هما مش دايمينلك و افتكريلهم الحلو اللي عملوهولك وهي فترة و هتعدي
تم النشر الاثنين، ٣ فبراير ٢٠٢٥
غالبا الموقف دا كان فيه إساءة لفظية أو جسدية . . وما تجاوزتيه للأسف وغالبا برضه عندك أفكار سوداوية وتشاؤمية . . أخذ أدوية للانتحار وقص شعر وغيره من اللي قلتيه دي كلها دلائل كافية انك بتتعرضي لكبت شديد ومحتاجة أخصائي نفسي يساعدك تتعافي وتعدلي سلوكك وأفكارك وتنظمي مشاعرك كمان . . .
تم النشر الأربعاء، ٥ فبراير ٢٠٢٥
عزيزتي، أقدر كثيرًا مشاعر الألم والمعاناة التي تمرين بها، وأود أن أؤكد لك أن مشاعرك هي مشاعر طبيعية في ظل الظروف الصعبة التي تواجهينها. من الواضح أن هذه التجارب كانت مؤلمة للغاية وتسبب لكِ ضغطاً نفسياً شديداً. من المهم أن تعرفي أن الاعتناء بنفسك هو أولوية، وأن هناك طرقًا أفضل للتعامل مع هذا الألم بدلاً من التفكير في سلوكيات قد تزيد من معاناتك. أنصحك بشدة بالتواصل مع متخصص نفسي يمكنه مساعدتك في معالجة مشاعرك وأفكارك. المعالج النفسي يمكنه أن يوفر لك الأدوات اللازمة للتعامل مع الضغوطات النفسية ويساعدك في تطوير استراتيجيات أكثر إيجابية للتعامل مع ما تمرين به. إذا كنت تشعرين بالقلق أو الخوف من العواقب، يمكنك البدء بالتحدث إلى شخص تثقين به، مثل صديقة أو أحد أفراد عائلتك، أو حتى التوجه إلى مركز نفسي متخصص. تذكري أن البحث عن المساعدة ليس علامة ضعف بل هو علامة قوة ورغبة في التحسن. أسأل الله أن يفرج كربك ويمنحك السكينة والهدوء. لا تترددي في طرح أي أسئلة أخرى أو طلب دعم إضافي.
تم النشر الاثنين، ٣ فبراير ٢٠٢٥
ايه هو الموقف الكلام مش واضح
تم النشر الأربعاء، ٥ فبراير ٢٠٢٥
بالنسبة للعلاج يوجد كثير من العلاجات في المستشفيات...... وحاولي تجنبهم قدر الإمكان والتقرب إلى الله بالصلاة والدعاء وقرآءة القرآن الكريم وحاولي نصحهم واخبريهم بأن هذا الشئ مؤذي جدا والله يهديهم و يهدينا جميعا.
تم النشر الثلاثاء، ٤ فبراير ٢٠٢٥
قربي من ربنا هو علاجك الوحيد لو خدتي علاج اكتئاب هيقلل نشاطك ويكسرك ، هينيمك بس حرفياً ، هتبقي حياتك بلا معني وبلا حياه
تم النشر الاثنين، ٣ فبراير ٢٠٢٥
لعرض السؤال في فدني اضغط هنا