بص انت مشكلتك انك بتكتم جواك كل حاجة و ده بيخليك توصل لمرحلة الانفجار لأنك مش متعود تفضفض مع حد و كل ما تحاول تحكي تحس ان محدش هيفهمك او تحس انك تقيل على الناس فترجع تندم و تقفل تاني اللي ممكن يساعدك انك تبدأ تكتب كل اللي حاسس بيه في نوتة او حتى على الموبايل بدل ما تخليه جواك لأن الكتابة هتساعدك تفكر بشكل اوضح و تخفف عنك شوية كمان حاول تختار حد ترتاح له و تبدأ تحكي له حاجة بسيطة الأول مش لازم كل حاجة مرة واحدة المهم انك تبدأ و مع الوقت هتلاقي الموضوع بقى اسهل و طبيعي كمان لو شايف انك مش قادر تحكي لحد جرب تمارين الاسترخاء او التأمل لأنها ممكن تساعدك تهدى شوية و متحسش بالذنب لو اتكلمت او لا الأهم انك تلاقي طريقة تناسبك عشان متوصلش للانفجار ده تاني .. ربنا يروق بالِك ❤️
دي فعلا حقيقة انا مش متعودة اعبر عن اللي جوايا و بحس ان ده ضعف و بخاف حد يستغل ده أو ميفهمنيش، لكن شكرا ع ردك و دايما بنسى تمارين التأمل و الاسترخاء هحاول اتدرب عليها دايما
تم النشر السبت، ٨ فبراير ٢٠٢٥
لعرض الإجابة في فدني اضغط هنا