ازاي اقدر اواظب ع الصلاة حاولت بكل الطرق كل مرة اواظب شوية و ارجع اقطع تاني و مش عارفه اعمل ايه
اول حاجه حضرتك محتاجه تحددي ايه السبب ال بيخليكي ترجعي للتقصير والاهمال تاني بعد المواظبة هل هو الكسل مثلا ولا حاجه تانيه بعد ما تحددي السبب تحاولي تبعدي عنه وتتجنبيه ولكن انا هقول لك شويه حاجات تشتغلي بيهم على عقلك الباطن يمكن تفيدك وتساعدك ان شاء الله اول حاجه لازم كل يوم تذكري نفسك ان مفيش حد خالد في الدنيا واننا كلنا هيجي يوم ونتحاسب واول ما يحاسب عليه العبد هو الصلاة فان صلحت صلح سائر عمله وان فسدت فسد سائر عمله لازم تتيقني ان الصلاة سبب التوفيق والبركه في حياتك من غير الصلاة هتلاقي قلة توفيق وكسرة نفس ولخبطه انت مش عارفه تحددي سببها والابتعاد عن الصلاة بيكون هو سببها الرئيسي النبي صلى الله عليه وسلم قال ما معناه ارايتم لو ان نهرا لاحدكم يغتسل فيه كل يوم خمسا خل يبقى من درنه شئ ( الدرن هو الاوساخ ) قالو لا لا يبقى من درنه شئ قال فذلك مثل الصلوات الخمس يمحو الله بهن الخطايا يعني كل يوم لو حافظتي على صلواتك تطلعي نضيفه من الذنوب والخطايا ال محدش فينا خالي منها ادعي ربنا كتير كتير كتير وانت واقفه وانت ماشيه وانت قاعده وباستمرار قولي ( رب اجعلني مقيم الصلاه ومن ذريتي ربنا وتقبل دعاء) تخيلي دايما انك ممكن تفارقي الدنيا دلوقتي هل انت مستعده للقاء الله هل انت مستعده للسؤال
تم النشر السبت، ٢٨ يناير ٢٠٢٣
مجاهدة نفس ...استمرى فى المحاولة تذكرى هذا الحديث عن أنس بن مالك وأبي هريرة رضي الله عنهما عن النبي صلى الله عليه وسلم فيما يرويه عن ربه عز وجل قال: «إذا تَقَرَّبَ العبدُ إليَّ شِبْرًا تَقَرَّبْتُ إليه ذِرَاعًا، وإذا تَقَرَّبَ إليَّ ذِرَاعًا تَقَرَّبْتُ مِنْهُ بَاعًا، وإذا أتاني يمشي أَتَيْتُهُ هَرْوَلَةً». [صحيح] - [حديث أنس -رضي الله عنه- رواه البخاري . حديث أبي هريرة -رضي الله عنه- متفق عليه]
تم النشر السبت، ٢٨ يناير ٢٠٢٣
لعرض السؤال في فدني اضغط هنا