دلوقتي الاوضاع ف مصر اقتصادياً مش احسن حاجة بجانب ان مرتبي مش بيعدي حاجز 2500ج وف نفس الوقت انا ناوي بعد ما اخلص كلية اللي هي سنة بقيالي واخد ليسانس علم الاجتماع حابب اني اسافر..هل هيبقي فيه الامكانية ل كده واقدر اسافر واشتغل بمجالي ال هو علم الاجتماع وخصوصا بعد تادية الخدمة العسكرية الاجبارية او اني اخد اعفاء نهائي منها يعني..
انا كمان بحب مجال البرمجة جدا ف حابب اعرف انهي الاحسن علم الاجتماع ولا البرمجة؟
الحاجه اللي اقدر افيدك بيها ان الافضل ليك اللي بتحبة، لان دا المجال اللي هتبدع فية، بس مش كل اللي بنحبة ينفع نشتغلة بمعني اني مش غلشان بحب شىء يبقي اشتغلة لمجرد حبة لاة دا غلط، لازم يبقي محقق دخل ايجابي جدا ليك، مجال البرمجة حلو واي مجال بتقبض بيه عملة صعبة هو مجال عظيم، اقترح عليك شىء انك كل شهر تحفظ مبلغ معين من مرتبك كاستثمار في شىء معين ودا هتجمعه خلال فترة ثم تقدم علي استثمار، يعني هتحفظ من راتبك مثلا 300 جنية يبقي علي مدار سنة هتجمع 3600 ولو حفظت من مرتبك 500 شهريا هيكون معاك 6000 جنية تقدر انك تستثمر في انك تشتري جرامين ذهب مثلا وتحفظه عندك وغيرة والخ كمل انت بنفس الفكرة كدا هتلاقي في دخل جانبي بجوار اللي باقي من مرتبك ولو عايز تكسر المعادلة دي بسرعة ومفيش عندك وقت اشتغل شغلين شغل نهاري وشغل ليلي وقلل نومك فترة ولاكن هتكسر المعادلة بان دخلك التاني من شغلك الليلي هيبقي هو اسثمارك فاهمني ..؟ لو بتفكر في السفر لمجرد انك شايف ان البلد اللي هتروحها احسن تبقي غلطان لةزم تبقي مكسب اي مُتمتع بميزة يدفعوا فيها مبلغ ويشغلوك انما لو رايح علي اساس انك تلاقي شغل فأضمنلك التعب، انما لو عندك الموهبة وكل شىء يبقي توكل علي الله ونفذ الفكرة الاولي وابدا حضر لسفرك اللي هيحصل بعد سنتين او ٣ سنين وانت اللي هتحدد الفترة والمدة من خلال شغلك. انما لو سؤالك ان 2500 كمبلغ تكفي ولا لا فهي لا تكفي ابدا.
تم النشر الاثنين، ١ مايو ٢٠٢٣
أولاً، يجب أن تتأكد من أنك تمتلك جميع المستندات الضرورية والتأشيرات للسفر من مصر. ثانياً، يمكنك البحث عن الوظائف المتاحة في مجال علم الاجتماع في الدول التي تنوي السفر إليها، واطلع على متطلبات الوظائف والتحديات التي قد تواجهها. من الجيد أن تتحدث مع أشخاص يعملون في هذا المجال في بلدان أخرى وتسألهم عن تجاربهم في العمل. أما عن مجال البرمجة، فهو مجال صعب ويتطلب الكثير من المعرفة والمهارات التقنية. يمكنك الاستمرار في تعلم البرمجة بشكل جيد لكي تستخدمها في مجال علم الاجتماع إذا كنت تريد. أخيرًا، يجب عليك أن تفكر جيداً قبل أي قرار بالهجرة والعمل في بلد آخر، وتحديد الأهداف التي تريد تحقيقها في الحياة وفي مجال عملك. يمكنك تحديد استراتيجية لتحقيق هذه الأهداف وبناء خطط عمل لتحسين واقعك الحالي في مصر.
تم النشر الاثنين، ١ مايو ٢٠٢٣
بص لو عاوز تشتغل بعلم الاجتماع جرب كدة دول الخليج وخد برضو كورسات برمجة كدة كدة حتي لو من عالنت لو انت بتحبها هتكبر فيها البرمجة طبعا دلوقتي مهمة جدا ممكن اصلا تشتغلها فريلانس من دلوقتي بس اتمكن منها علي قد ماتقدر ربنا معاك
تم النشر الاثنين، ١ مايو ٢٠٢٣
لعرض السؤال في فدني اضغط هنا