انا دخلت سنه اولى ف الجامعه اعترفت على واحد من نفس بلدي نفس الكليه بس هو مش ف نفس جامعتي المشكله ان هو قدي وانا حاسه اني بظلم نفسي حكيت ل مامتي الموضوع طبعا قاتلي مش هتعرفي تستنيه وخاصه ان هو وعائلته حالتهم الماديه مش زينا هو اه كليه طبيه بس ملهاش تكليف والكلام ده ف لسه هيكون نفسو معندوش شقه برا ولا عندهم حتى شقه ف بيت العيله ولسه هيبدأ حياته المشكله بردو انو كويس اوي اوي واول مره الاقي راجل بالمواصفات دي عدينا مرحله البدايات من زمان ولسه زي ما هو متغيرشي بالعكس بيحبني اكتر ومفيش منو اتنين بس الموضوع صعب يكمل جربت قبل كده اسيبه معرفتش دخلت ف حاله انهيار وبكاء هستيري لدرجه انهم نقلوني عالمستشفى
انا متعلقه بيه اوي وهو كمان بس كل مره ماما تشوفني تقولي كده وانا نفسيتي تتعب اكتر وهو كمان ببصعب عليا بحاول اكبر دماغي واقول لما يبقى يتقدملي حد ساعتها نشوف بس بردو انا مش عارفه اعمل اي بجد
اولا العلاقات دي علاقات محرمة لأنها في غير إطار شرعي والآثار المترتبة عليها سيئة جدا على نفسية اي فتاه خاصة تورث التعلق وضعف القلب وانشغال العقل وغالبا تبوء بالفشل طول ما انتي بعيدة وانتي في امان فتحتي هذا الباب فقد خرقتي ثوبا لاتنفع معه الرقع وهو القلب ، حتى لو بعدتي ونسيتي بعد كدا لو في زواج او خطوبه أو حب مش هتلاقي قلبك الاول ، الي جانب الفراغ العاطفي ال هيترتب على البعد هتلاقي نفسك بتدوري ع تجربه تاني وتالت وهكذا والنبي صلى الله عليه وسلم وهو يتكلم ع الفتن قال : ضرب الله مثلا صراطا مستقيما، وعلى جنبتي الصراط سوران فيهما أبواب مفتحة، وعلى الأبواب ستور مرخاة، وعلى باب الصراط داع يقول: يا أيها الناس، ادخلوا الصراط جميعا ولا تعوجوا، وداع يدعو من فوق الصراط، فإذا أراد الإنسان أن يفتح شيئا من تلك الأبواب، قال: ويحك، لا تفتحه؛ فإنك إن تفتحه تلجه . فالصراط الإسلام، والسوران حدود الله، والأبواب المفتحة محارم الله، وذلك الداعي على رأس الصراط كتاب الله، والداعي من فوق الصراط واعظ الله في قلب كل مسلم والشاهد لا تفتحه انك أن تفتحه تلجه ، فتحتي الباب ده وقعتي فيه وتلاقي نفسك مش عارفه تخرجي منه ، فعلى كل فتاه أن كانت تريد سلامه قلبها وراحه نفسها أن تحرص على عفة نفسها ولاتفتح عليها هذه الأبواب المغلقة.
تم النشر الأربعاء، ٢٤ أبريل ٢٠٢٤
انتي المفروض مكنتيش تدخلي العلاقة اصلا من البداية ربنا سبحانه وتعالى قال "ولا تواعدوهن سرا" المشكلة الاكبر ان مامتك كانت عارفة وممنعتكيش هي بس رفضت ونصحتك تبعدي بسبب حالته المادية! الفلوس مش كل حاجة..خدوهم فقرا يغنيكم الله يحبيبتي ..من ترضونه دينا وخلقا مقالش حالته المادية! الصح دلوقتي انك تبعدي عنه قوليله يبن الحلال انا عايزاك بس مش هقدر اكمل ف العلاقة الي تغضب ربنا دي وهستناك لما تكون نفسك وتكون جاهز تيجي تتقدم وتدخل البيت من بابه زي اي راجل محترم وامنعي اي حاجة توصلكو ببعض وافتكري ان من ترك شيئا لله عوضه الله خيرا منه سيبي ربنا يجبهولك بالحلال دا لو انتي مش فارق معاكي حالته المادية انما لو هتسمعي كلام والدتك ف قوليله انك مش موافقه وابعدي متفضليش تعلقيه ولا تديه امل ع الفاضي
تم النشر الخميس، ٢٥ أبريل ٢٠٢٤
اتركيها لله بس بصدق اعرفى ان وجودكم بالتعلق ده مش هيساعده يبنى نفسه عشانك حتى ودى طبيعة الرجاله ..كل ما تكون الحاجة مش فى ايده هينجز اسرع عشان يبقى قريب منك ...لكن وجودك معاه بقي وبتكلموا بعض هيحسسه انه الامور مش مستاهله يجرى بسرعة اوى لانكم قريبين بقي
تم النشر الأربعاء، ٢٤ أبريل ٢٠٢٤
بصى الأول أسألى نفسك انا بحبه ليه لو لاقيتى سبب لحبك ليه يبقى ده مجرد تعلق عشان الأسباب دى ولو ملاقتيش أسباب لحبك ليه يبقى ده حب حقيقى وبكدة هتقدرى تقررى سواء كان تعلق يبقى كدة العلاقة غير سوية وهتتعبى وهستنفزى مشاعرك على الفاضى ويبقى وجب عليكى الابتعاد عنه وعن كل حاجة تفكرك بيه واشغلى نفسك فى اى حاجة عشان متفكريش فيه أما لو طلع فعلاً حب حقيقى بدون سبب يبقى يجى يتقدم لأهلك ويخطوبك وتبدأو تحددو تكاليف الزواج وطبعاً ده لسه شاب فى بداية حياته فمتكتروش عليه طلبات العفش ولا انتى كمان تكترى على نفسك جيبوا الحاجات الأساسية وبالنسبة للشقة مش لازم تمليك ممكن تكون إيجار عادى جداً بس المهم يلاقى شغل يقدر من خلاله يفتح بيت ويكون أسرة
تم النشر الأربعاء، ٢٤ أبريل ٢٠٢٤
عندما تريدين أن تبعتدي عنه ( فعليك عدم مقاومة الأفكار المتعلقة بحبك له وتقبلها كما هي ) فكلما قاومت الأفكار ازدادت شراسة , تقبلي أنك متعلقة به , ثم اقطعي كل سبل التواصل معه تماما , وابدأي بالانشغال بمهام جديد في حياتك والأوقات التي تجلسي بها وحدك أو المواقف التي تذكرك به حاولي أن تربطيها بأشياء جديدة
تم النشر الأربعاء، ٢٤ أبريل ٢٠٢٤
اول حاجة علاقتك بيه مش هترضي ربنا عايزة العلاقة تكمل ازاي خدي الخطوة و اعرفي ان ربنا هيبدلك بأحسن منه او بيه هو
تم النشر الأربعاء، ٢٤ أبريل ٢٠٢٤
ادعي و استخيري ربنا لو فيه خير يقربهولك و لو فيه شر يبعده عنك
تم النشر الخميس، ٢٥ أبريل ٢٠٢٤
استخيري وشوفي لو مرتاحه معاه لسه كملو وربنا هيسهل لكم ولو الاستخاره حسستك بعدم راحه يبقا الشخص دا مش كويس ليكي وربنا هيعوضك ويعوضه بأحسن
تم النشر الخميس، ٢٥ أبريل ٢٠٢٤
ابعد عشان هتتعبى
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا