عندي مشكله في الشغل :
انا مهندس انتاج و شغال في شركه جديده حاليا وفي فتره الاختبار ال٣ شهور ( انا خبره سنه )
طبعي هادي جدا و مش بحب جو الصراعات الكتتير ووجع الدماغ.....
بس بحب فكره انك المسؤول عن كل حاجه وانا هادي زياده فكنت عاوز اعدل من شخصيتي بس كومنت اللي حواليا بالاضافه لان فعلا فيه فرق واسع جدا بين تعاملي مع العماله وتعامل زمايلي معاهم
الفكره بقي ان اغلب زمايلي (قسم الجوده ) قالولي جوده مناسبه اكتر لشخصيتك الهاديه والخ الخ وبصراحه محتار جدا
فعلا كل زمايلي الانتاج زعيق بقي طول اليوم وفرهده ووجع دماغ...
انا هاين عليا السنه اللي هتضيع لو روحت جوده....
فالفكره هل اروح جوده ؟ ولا اكمل انتاج ؟؟؟
مع العلم انا هسال اني احول جوده وممكن لو عملت انترفيو متقبلش عشان سمعت ان مدير جوده بيرفض كتتير جدا وعاوز ناس معينه فلو رفض كدا يبقي طبيعي مديره الانتاج بتعتي تستغني عني بعد ٣ شهور لانها كدا هتشوف اني مش مستقر معاها .... وهقعد في البيت حرفيا قبل مشوف شغل تاني وفين وفين بقي
فبصراحه محتار مش عارف اخد قرار حازم
خليك في مجالك اولا لأنه أضمن ليك وعشان مضيعش فرصه عمل زي دي عليك ثانيا تدريجيا انت هتعرف تتعامل بأسلوبك وطبعك او هتغير منهم على حسب طبيعه شغلك ومحيطك سيبك من اللي يقولك شخصيتك هاديه مش نافعه فى مجال الإنتاج والجودة احسنلك وكل الكلام دا معتقدش إننا بنختار مجال شغلنا على حسب اطباعنا انت شوية شوية هتعرف تكون الشخصيه اللي هيحتاجها شغلك ومجالك وهتتخلي عن بعض صفاتك زي الهدوء وكدا موفق ربنا معاك
تم النشر الثلاثاء، ١٧ سبتمبر ٢٠٢٤
استمر بالانتاج افضل ودايما اتعامل بنفس شخصيتك وهتنجح الجوده عايزه البرود والناس الساذجه لكن الانتاج كل يوم في جديد وخبره واهميه كل يوم هيبقي عندك اضافه بالانتاج بالخبره انا كنت انتاج وغيرت المصنع اشتغلت جوده رجعت انتاج تاني اهميه الانتاج قيمه اعلي من الجوده
تم النشر الثلاثاء، ١٧ سبتمبر ٢٠٢٤
طيب يعني مفيش قرار من غير ما بيكون في جزء فيه رسم الجزء اللي بيبقى فيه ريس كده لما هناخذ القرار ونستقر عليه ونبدا ننفذه هنبقى بنقول لنفسنا احنا عندنا استعداد لنسبه الريسك اللي موجوده في القرار ده نصيحتي لك كمل شغلك اللي انت دخلته بدات فيه شغل الانتاج اعت مش لازم ولكن يكون في قرارات صارمه وحازمه وهي دي اللي ممكن المهندسين الثانيين بيعملوها بزعيم انت ممكن تعملها بشخصيتك الهديه برضو ويكون اللي قدامك بيحترم خلي التحدي بالنسبه لك واثبت نفسك فيه ان شاء الله بعد ما تعدي اول سنه انت اللي بنفسك شخصيتك دي هتخلي انك حتى لو حبيت انك تنقل الجوده شفت انك حابب انك تجرب شغل الجوده هتقدر تعمل ده بكل اريحيه وكمان مدير الجوده ساعتها.بره تحدي بالنسبه لك انه على الرغم من شخصيتك العاديه الا انك تقدر تثبت نفسك كمهندس انتاج شاطر حتى لو انت شخصيتك هاديه لكن انت تقدر تكون حازم مع العمال.
تم النشر الثلاثاء، ١٧ سبتمبر ٢٠٢٤
أفهم تمامًا حيرتك وقلقك بشأن مستقبلك المهني. من المهم أن تدرك أن اختيار التخصص الذي يتناسب مع شخصيتك واهتماماتك هو عنصر أساسي لتحقيق النجاح والرضا في العمل. فيما يتعلق بموقفك، هناك بعض النقاط التي يمكنك اعتبارها قبل اتخاذ القرار: تحليل شخصيتك ورغباتك : إذا كان لديك ميل للشخصية الهادئة وتفضل بيئة عمل أقل توترًا، فإن العمل في قسم الجودة قد يتناسب مع طبعك. لذا، من المفيد أن تفكر في مكان تفضله بيئة العمل فيه. تقييم فرص العمل : يجب أن تفكر في مدى توفر الفرص في كل من قسم الإنتاج وقسم الجودة. إذا كنت تعتقد أن فرصتك في النجاح في قسم الجودة أفضل، فقد يكون من المجدي النظر فيما إذا كانت هناك إمكانية للتحويل. إجراء محادثات مفتوحة : قبل اتخاذ القرار، يمكنك التحدث مع مديرك الحالي في قسم الإنتاج حول مشاعرك ورغبتك في التحول إلى قسم الجودة. قد تكون لديه رؤى أو اقتراحات مفيدة وغير متوقعة. الاستعداد للمقابلة : إذا قررت الانتقال إلى قسم الجودة، تأكد من أنك مستعد تمامًا للمقابلة. قم بحثٍ في متطلبات ومؤهلات هذا القسم وكن مستعدًا لإظهار قيمتك وإيجابياتك التي ستضيفها للفريق الجديد. تقبل التغيير : تذكر أن الانتقال بين الوظائف هو جزء من النمو المهني. إذا قررت التحول إلى قسم الجودة، سيكون من المهم أن تعزز ثقتك بنفسك وتكون متفتحًا لتعلم مهارات جديدة. في النهاية، اختر ما يجعلك تشعر بالراحة والرضا. إذا شعرت بأن قسم الجودة هو الخيار الصحيح لك، فلا تتردد في اتخاذ الخطوة forward. بالتوفيق في مستقبلك المهني!
تم النشر الثلاثاء، ١٧ سبتمبر ٢٠٢٤
من وجهة نظري إوعي تغير شخصيتك علشان حد أو شغل الشخص الهادي ده بيحسدوه دلوقتي على هدوءه وعلى سلامه النفسي الداخلي واديك شوفت زمايلك صراعات ووجع دماغ والدنيا اصلا مش مستاهلة صراع اعمل اللي يريحك مش اللي يريح الاخرين
تم النشر الثلاثاء، ١٧ سبتمبر ٢٠٢٤
كمل ف مجالك مع لما تختلط ف الشغل ومع الناس هتعرف تتعامل وشخصيتك هتتغير بتغير البيئه اللي حواليك
تم النشر الثلاثاء، ١٧ سبتمبر ٢٠٢٤
لعرض السؤال في فدني اضغط هنا