السلام عليكم ورحمة الله وبركاته
الحكايه باختصار انا متجوزه من 16 سنه جوزي راجل طيب بس مبينساش لو غلطت غلطه يفضل شايلها للغلطه التانيه حتي لو اتصالحنا يكرر نفس الجمله فاكرة اما عملتي كذا ويجيب كل القديم وصامت اوي في مشاعره بالرغم ان متاكده انه بيحبني بس مبيكلمش.
اغلب وقتنا صمت في صمت هو بالنسبه ليا مش الحب للي مقدرش استغني عنه او بمعني اصح هو بالنسبه ليا تعود اتعودت عليه هو طيب وبيحبني .. بس بينا جفاء عاطفي اوي اوي هو حبه داخلي هو مش بيقدر يفهمي في لا طريقه ولا اي حاجه وحتي لو حصل حوار بينا انا بغلبه بالكلام مبيعرفش يرد عليا.
انا الحمد لله ملتزمه اخلاقيا ودينيا ومعروفة ف وسط اهلنا ان انا ملتزمه اوي .. من 5 سنين فوجئت باخو زوجي بيعترف لي بحبه ليا وانه كان بيحبني قبل اخوه بس فجأة لقى اخوه متقدملي قبل ما هو يتكلم وكان صمم انه يتجوز معانا في نفس الليله وفعلا كان فرحه مع فرحي،،
المهم .. انا اخوات جوزي بالنسبه ليا اخواتي وبحبهم وبحترمهم وهما كذلك ومحبوبه وسطهم كلهم حتي بين سلفاتي الحمد لله
من يوم ما اخو جوزي اعترفلي بحبه وانا انجذبت له لانه اصلا كان شاددني انه بيكلم ومكبر نفسه وسط اهله ومتدخل في كل حاجه ومهتم بكل حاجه فانا كنت مشدوده له من طريقته
بالرغم ان زوجي افضل منه ف الاسلوب والاخلاق طبعا
فضل ورايا لما سحبني له مره علي مره وطلب مني ان اقابله وفعلا قابلته وحصل بينا تجاوز (حضن ) فضلت استغفر ربنا كتير وتبت لربنا وعملت له حظر من كل حاجه عندي سنه بحكم ان هو اخو جوزي واكيد بيكون في تجمع عائلي فبضطر اشوفه
فضلت اكلم جوزي انه يتغير معايا ويحتويني لان انا محتاجه حب واحتواء مش محتاجه جنس اكتر ما أنا محتاجه حنيه بالكلام بس للي لاقتها في اخوه وقدر يسحبني بها .. مرت الايام ورجعنا نكلم تاني وانا حسيت اني حباه اكتر من جوزي او الله اعبن مش عارفه هل دا حب ولا دا تعلق كدا ان ناقصني حاجه مش قدره احدد
المهم من شهر جه من السفر وحاول يكلمني تاني وانا فتحلته المجال تاني وبيطلب مني انه يحضني تاني وانه مش لاقي الحنيه وان انا حنينه عليه اكتر حد وبيلاقي راحته معايا زي بردو منا بلاقي راحتي معاه في الكلام بس انا احيانا بحس ان هضعف تاني لان انا حاسه ان محتجاله اكتر مهو محتاجني كمشاعر
مش قدره اوصف الاحساس اللي عندي
انا عارفه ان للي بعمله حرام وخاينه وكل الصفات للي في الدنيا تقدرو تقولوها بس والله انا مش حابه كدا وبحاول اقرب من جوزي وبعمل كل للي اقدر عليه بس جوزي الله يسامحه مجرد ما اكلم معاه واقرب مني هو مسافر علي طول مبيفكرش الا في الجنس بس وان طالما محتجاله يبقي علشان كدا ووبيكون محتاج ان افتح كاميرا ونمارس سوا بس انا مش حابه كدا انا محتاجه حب مش اكتر محتاجه اهتمام بتفاصيل يومي وحياتي منه للي بلاقيه مع اخوه هو مش بيقدر يعلمه
انا محتاجه دا في الحلال مش الحرام
المشكله عندي ان كل ما اعمل حظر لاخوه برجع تاني نكلم ولا كان حاجه حصل وانا خايفه اغلظ تاني لان والله منا عاوزه اغلط بالرغم ان شيطاني بيكون واقف ايه يعني اما تحبيه ايه يعني اما تكلمو حتي لو نام معاكي مره مش مشكله والعياذ بالله
بس انا بقاوم بكل ما اوتيت من قوه خوفا من ربنا وعلي عيالي ..
نفسي حد يعطيني حل اطلع من اللي انا فيه بقدر المستطاع
واسفه عالاطاله
اتقي الله في بيتك و في زوجك ، مش مطلوب من الزوج المسلم يبقي دنجوان مطلوب بس منه انه يحمي و يصون و يكفي بيته من طلبات و خلافه ، مش كل الرجالة بارعة في موضوع الكلام المعسول و الحب و الغرام و انا عارف وقع الكلمات دي علي الانثي ايه بس للاسف مش كل الرجال عندهم نفس الخبرة دي و الأمر مختلف من شخص لآخر ، فمن وجهة نظر الإسلام زوجك مقصرش .. من ناحية تانية فيه اخو زوجك و ده شخص من وصفك له فهمت انه شخص تافه و هايف ولا يخاف الله و معندوش اي نخوة ... و برغم كل ده الغلط . مش عنده الغلط عندك علشان كان واضح قوي ان ده شخص مريض القلب و انتي سمحتي لنفسك تقعي في براثنه ، الأمر مش محتاج تطلبي رأي حد و عايز اقولك لو إتماديتي معاه .. فمش غريب شخص بالمواصفات دي يصورك او يسجل لك كلام يقدر يهددك بعد كده بيه خليكي حريصة و اقطعي جدر الموضوع ده نهائيا و اعتبري الكلام فيه مات و متسمحيش له باي شكل انه يتمادي لانه إنسان خطر و معندوش اي وازع ديني او أخلاقي .. و قبل فوات الأوان .. و حافظي علي حدودك علشان متدمريش بيتك و تخسري زوجك و تغضبي ربنا .. و لازم تعرفي ان الظروف سيئة فعلا في مصر و ناس كتير فاتحة بيوت بيمروا بازمات نفسية بس الرجالة مش كلها بتتكلم في ناس ساكته و مكملة في هدوء
تم النشر الجمعة، ٢٧ سبتمبر ٢٠٢٤
ربنا يقويكِ على نفسك ويحفظك. ده شخص خائن وشيطان والمفروض يكون محتقر عندك لأنه حتى لو كان بيحبك بس كان أمين وعنده ذرة دين وأخلاق كان كتم مشاعره وعمره ما كان حاول يخون ربه ويخون أخوه ويطعنه في ظهره. خليكِ قوية وكل ما الشيطان يوسوس لك فكري في الاحتقار اللي المفروض يكون إحساسك ناحيته، فكري في السيناريو الأبشع لو لا قدر استجبتِ للوسوسة ومدخل الشيطان اللي بيزينه لك بحجة حاجتك لنوع محدد من العاطفة. اقعدي مع نفسك وتخيلي معصيتك لربنا ونظرته لك وتخيلي زوجك وأسرتك وأهلك وحياتك هتبقى شكلها إزاي وهي متدمرة بسبب شيطان زي ده عرف يستغل نقطة ضعف ممكن لاحظها في حياتكم. تخيل السيناريو البشع ده خليه يديكِ دافع وقوة بالإضافة لاعتصامك بربنا... كثري من الصلاة والاستغفار وادعي ربنا وتوسليه يصرف عنك شيطان الإنس والجن ويقوي علاقتك بزوجك ويصلح بينكما. وافتكري دعاء سيدنا يوسف "قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ ۖ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ" اعملي بلوك نهائي للشيطان ده وابدأي صلي بخشوع وادعي بتوسل وإن شاء الله ربنا مش هيردك. واعملي بنصائح بقية الأعضاء. ربنا معك، يحفظك ويبعد عنك الشر.
تم النشر الجمعة، ٢٧ سبتمبر ٢٠٢٤
وعليكم السلام ورحمه الله وبركاته. 16 سنه مش قليلين خالص 16 سنه يعني زي ما انت قلتي تعودتي على جوزك وتعود عليك تعودتوا على نقط اللي فيها نقص عودته وعلى الحاجات اللي انت بتعمليها هون مش بيعرف يعملها فخلينا نركز في النقطه دي كويس قوي نعرف بس اللي حصل هو جزئيه هشه موجوده جوانا كمان ادمين واحنا ما اخذناش بالنا ان الجزئيه الهشه دي هتكون في ان احنا لما تجيلنا فتنه ونقع. والشيطات بيستغل ده قوي ولشيطان ومش عايزه ال16 سنه يبقوا 17 ولا 18 ولا 20 ولا 50 سنه في طول الوقت بيحاول وطول الوقت هيستنى الفرصه المناسبه توريست الوقت هيفضل مركز مع فين الجزئيه الهشه اللي يخش يخبط عليها فتتكسر وتتفتح. خلي بالنا ان ده السبب عشان نعرف. طيب تعالوا نشوف ليه الحته دي هشه وازاي ان احنا نقويها ونمنع الندايا حصان ثاني اولا النقطه اللي بيلعب عليها الشيطان هي ان الحاجات العاطفيه دي والاحساس بالحب والكلام الحلو مش هنعرف ان احنا نشبع منه او يشبع احتياجنا الا لو كان جاي من الذكر من الزوج وبس لكن ده مش حقيقي كل الاحتياجات اللي عندنا في جزء منها نقدر ناخده. من كل الناس القريبين مننا كل الناس اللي احنا بنحبهم كل الناس فارقين معانا ازاي يعني انا لما امي هتقول لي انا بحبك ما انا اخدت كده الاحساس بالحب لما اختي هتقول لي يا بقالي كتير ما شفتكيش وحشتيني فكده انا اخدت كلمه حلوه لو انا اوهمت نفسي بالفكره بتاعه انه لا مش هو ده الحب ولا هو ده الاشتياق اللي بيشبع العاطفه فانا بضحك على نفسي وبفتح المدخل الهش ده اللي الشيطان يجي يدخل منه ويدغدغني في حته العاطفه دي بيضحك عليها ويقول لي احنا محتاجين احنا عطشانين استفيدي من اي منبع جاي يدينا من الجزئيه دي. فده الباب اللي احنا محتاجين نشتغل عليه طيب هنعمل ايه ثاني هنبدا نشوف اللي جوزك بيديهولك 16 سنه اكيد بيقول لك بحبك بس بطريقه غير ان هو يقولها بشكل مباشر خلاص انت عرفت ان هو مش هيقول بالطريقه المباشره 16 سنه خلاص انت عرفتي الراجل ده اخره. ايه فاستغل بقى الطريقه وشوفي الطريقه واستقبليها ما تقوليش لا انا مش عاوزه ده خلاص لو انت هتقولي لا مش عاوزه ده برده انت اللي بايدك بتسمحي ان تفضل في حته هشه جواكي معرضه في اي فتنه ان انت تقعي بسببها لا انا لما جوزي هييجي يساعدني في حاجه فانا كده هشوف ان هو بيقول لي بحبك بطريقته هيقول لي ان انت مهمه عندي هيقول لي ان انت فارقه معايا كل الحاجات دي هو بيقولها وهو بيشيل معايا الطبق وهو بيسال عليا وبيقول لي عامله ايه النهارده طمنيني عليك هو بيقول لي هو انه انا مهمه وانه انا وحشاه. لازم تستقبلي الكلام ده لازم وهو بيقول كده تشوفي اللي هو بيقوله وتملي اللي عندك علشان ما تبقيش واهمه نفسك ان الدنيا فاضيه وسحره وانه اللي جاي ده جاي يديكي ميه في وسط الصحراء. جزئين مهمه جدا جدا ارجوك اشتغلي عليها. النقطه بقى الاهم هنا. جزئيه كمان في انك تملي الجزء اللي ناقص عندك عشان تقوي نفسك في الجزئيه دي وما تفضلش باب للفتنه. انك استغلي الاوقات اللي تقدري تستقبلي فيها ان انت محتاجاه من جوزك يعني جوزك بيجي ما بيشوفش الشكل العاطفي الا في وقت العلاقه الحماميه يا ستي تمام حلو جدا وقتها خدي منه اللي انت محتاجاه يعني اثناء العلاقات تقدري تقولي له انت انت يعني حابب ان احنا نكون مع بعض عشان انا وحشتك صح اقصى حاجه يقول لك اه صح ايوه حتى لو ما قالش الكلمه بلسانه بس هتبقي اخذتي اللي انت عاوزاه اعملي ده ده هيفرق كتير جدا جدا مش كل الحاجات تقولي لا مش واضح الشكل اللي انا عايزاه يبقى بس البني ادم بيعند وبيحط نفسه في وضع الشيطان يدخل منه. الجزئيه الاهم والاخطر والموضوع اللي انت حكيتيه كله هو المساحه اللي مفتوحه في التعامل ما بينك وما بين اخواتك لازم تتوقف ما ينفعش تفضلي تتعاملي بنفس المساحه اخو جوزك اللي عمل كده اا هو عمل حاجه سيئه جدا جدا جدا ما ينفعش تحترم البني ادم ده بعد كده ما ينفعش ما ينفعش تشوفيه في اي ميزه لانه الشخص ده شخص غير امين على العرض ده ما صن عرض اخوه ف. بني ادم مهما كان في مميزات فهو افتقر لجزئيه ان هو شخص يؤثمن والشخص اللي لا يؤتمن ده ما ينفعش ان انا ابص له نهائي فحتى لو جيت اتكلم ثاني انا ده يكون كبني ادم نزل من نظري تماما. ااا علشان الموضوع يتوقف وعلشان ما ترجعيش تتواصلي معاه ثاني لازم يكون كلامك معاه او اخر كلام متوجه له كلام كله حزن ويكون كله اا يوضح له قد ايه ان هو نزل من نظرك. توضحي له انه انت رجعتي نفسك كثير وشوفتي انك مش هتسامحيه ان هو كان سبب في الذنب اللي انت وقعت فيه. جوزك تقولي له انا عرفت ان ده غلط ان مش المفروض ان يكون فيه مساحه من التعامل ما بين زوجتك وما بين اخواتك بالشكل ده علشان مبدا الحمى الموت علشان ما يكونش في اي سكه للشيطان وقولي له انا قررت ان انا التزم بده بعد ما عرفت الموضوع ده كويس قوي فانا قررت ان انا التزم بيه فما تزعلش مني لو لقيت ان انا ايه تعاملاتي اقل مع اخواتك حتى لو في وسط همم ما احنا يعني مجتمعين كلنا كلامك يكون قليل معاهم جدا سلام عليكم اه ازيك عامل ايه ربنا يبارك فيك شكرا مس منقعدش نتناقش كثير ما نقعدش نضحك ونهزر الكلام ده لازم يتوقف بغض النظر عن مين شاف الموضوع ازاي ده اكيد احسن بكثير من انك تخسري نفسك
تم النشر الجمعة، ٢٧ سبتمبر ٢٠٢٤
وعليكُم السَّلام ورحمةُ اللِّـهِ وبركاتُه ^^ خليني اقول لحضرتك حاجةة بصراحه متخليش موضوع قِلة المشاعر من جوزِك تفتحلك باب شيطان ان انا محتاجةة للمشاعِر ومش لاقيها ودي حاجةة لازم تُشبَّع وكده انا معاكي احاسيس جميلةة جدا وكل ده بس خلينا فِ امر واقِع حضرتك اتجوزتي راجل مهما كان هو بيعمل لازِم تصونيه. الوضع مش عجبك متظلميش نفسك وتظلمي حد معاكي وسيبيه ، الراجل ده له حق عليكِ ربنا هيسألك عنه وكذلك هو بس خليني مع حضرتك دلوقت، محدش بيموت من قله المشاعِر والحاجات دي عادي الناس بتتأقلم بس طول ما حضرتك على ذمة الراجل ده راعِيه عشانِك انتي عشان ميتقلش عليكِ ست مش مظبوطة فهماني.. ولو على موضوع المشاعر فِ العلاقة لما يجي البيت بادري انتي اعملي عشا رومانسي إضاءه هادية طولي فتره المداعبه على قد ما تقدري كده يعني ومع الوقت هيتحسن، وربِّ يحفظِك يا رب.
تم النشر الجمعة، ٢٧ سبتمبر ٢٠٢٤
وعليكم السلام ورحمة الله وبركاته. أختي الفاضلة، أقدر مشاعرك وأفهم صراعاتك الداخلية في هذه المرحلة الحرجة من حياتك. إن ما تمرين به هو اختبار صعب يتطلب منك الوعي والتفكير العميق. سأحاول مساعدتك ببعض النقاط التي قد تساعدك في التعامل مع هذه الوضعية: تحليل المشاعر : من المهم أن تقيمي مشاعرك بصدق. حاولي كتابة مشاعرك وأفكارك، فهذا قد يساعدك على رؤية الأمور بشكل أوضح. الحديث مع زوجك : التواصل هو مفتاح العلاقات الجيدة. إذا كان بإمكانك إيجاد طريقة للتواصل مع زوجك حول احتياجاتك العاطفية بشكل صادق وبدون لوم، قد يساعد ذلك في تحسين العلاقة بينكما. تجنب المحرمات : من الواضح أنك تدركين حرمانية الموقف الذي أنت فيه. ابذلي جهدك للابتعاد عن كل ما يمكن أن يجرح علاقتك بزوجك، وتذكري أن فعل الخيانة يؤذيك ويؤذي عائلتك بشكل كبير، سواء على المدى القصير أو الطويل. البحث عن دعم : قد تفكرين في استشارة مستشار نفسي أو مختص في العلاقات الزوجية. يمكنهم توفير الدعم والإرشاد الذي تحتاجينه لمساعدتك في التعامل مع مشاعرك والتحديات التي تواجهينها. التركيز على الإيجابيات : حاولي أن تذكري نفسك بجوانب إيجابية في علاقتك مع زوجك ومزاياه، على الرغم من الصعوبات. هذا قد يساعدك في إعادة التركيز على ما يجمعكما. تطوير الذات : استغلي هذه الفترة للعمل على نفسك واهتماماتك، سواء كان ذلك من خلال التعليم، أو الهوايات، أو التطوع، مما يعزز من شعورك بالكيان الذاتي ويشغلك عن الأفكار السلبية. أختي، استمري في الدعاء وطلبي العون من الله، فهو القادر على تغيير قلوب الناس ومساعدتنا في التغلب على الصعوبات. أسأل الله أن يهدينا جميعاً لما فيه خير وصلاح.
تم النشر الخميس، ٢٦ سبتمبر ٢٠٢٤
لازم من جواكي تكرهي الشخص اللي عرف يستدرجك لأنه إنسان خائن ونذل وأكيد دي مش مواصفات الشخص اللي كان ممكن في يوم من الأيام تحبيه لو عايزة تعرفي هو نذل قد إيه تخيلي لو ليكي أخت أصغر منك عرفت تستدرج زوجك المحترم ليقيم معها علاقة عاطفية! وأكيد دلوقتي عرفتي ليه النبي عليه الصلاة والسلام قال عنه (الحمو الموت) فيا ريت كلمة الموت تكون خوفتك شوية
تم النشر الجمعة، ٢٧ سبتمبر ٢٠٢٤
الحل بسيط ، انك تخافي ربنا! هاد بيتك هاد زوجك، معلش بدي اكوف قاسية لانه مش قادرة استوعب، في بنات ما اجاهن النصيب نساء ترملو من جيل صغير وضلهن يربو اولادهن لحتى شابو وهرمو!، بكفي عندك بيت وزوج محترم ما بمد ايدو عليكي، قلتي انك ملتزمة صح؟ ربنا حماكي وسترك ورباكي ورزقك ، لازم نخجل من نفسنا لما نعصيه ونخجل اكثر اذا حتى فكرنا او تصارعنا داخليا اذا نعصيه او لا! الجواب واضح لا !، اخو جوزك هاد خبيث بدو يخربلك بيتك فكرك رح يتطلع بوجهك اذا تطلقتي؟ طبعا لا اوعي يا اختي اوعي! اسا انت بعدك خلينا نقول ما عملتي الكبيرة ما في معو صور يهددك وما بعرف شو اوعي، ابعدي اهتم بحالك املأي فراغك كوني عون لحالك
تم النشر الثلاثاء، ١ أكتوبر ٢٠٢٤
لعرض السؤال في فدني اضغط هنا