السلام عليكم، انا كنت بنوته شاطره جدا ومن اوائل مدرستي دايما والمدرسين واهلي وجيراني حتى عارفين ده، سنة ثانويه عامه (من سنتين) اخفقت جدا بسبب مشاكل كانت ف البيت فسببتلي ارهاق نفسي +اني مكنتش واعيه كفايه زي دلوقتي فسبت نفسي للأهمال وللتعب النفسي يلتهموني فأخفقت وجبت مجموع مش كويس ودخلت كليه مش على هوا حد، في الحقيقه كل كان مفكرني هطلع طبيبه، حاسه اني خذلتهم وف نفس الوقت حاسه انه مش من حق حد يبني ليا مستقبل او ياخد عني صوره ولو حصل اخفاق يعيشوني في نار زي اللي حصل
انا مشكلتي الكبيره مع والدي، بابا شخص ناقد ودايما بينظر علينا النفس اللي بنتنفسه غلط بيدينا عليه درس طويل مليان تقليل مننا وساعات شتايم، في البدايه كنت بعلق تعبي النفسي وارهاقي على شماعه اني مش حابه الكليه ومش حابه الدراسه، دلوقتي وبعد سنتين انا متقبله كليتي جدا وحباها وشايفه ان اختيار ربنا ليا كان اجمل وبدات اتدارك مستوايا التعليمي في الكليه
فلاحظت ان بابا لما بجيب النتيجه بيبقى مبسوط اوي ،بس مازال حاطط قدام عينه اخفاقي ف ثانويه عامه، لدرجه اني معتقده ان حبه ليا حب مشروط يمكن مش صح بس ده اللي وصلي وهو مش بينفيه +صفاته اللي ذكرتها فوق هو نرجسي شويه ومش بيسمع لاراء حد بعد ماكبرت شويه وبقيت احاول اعترضه او اناقشه في اسلوبه معايا كوني بنت بدات في العشرين ومبقتش صغيره بضفيرتين اتقبل الاهانه بصدر رحب بقى يثور ويزيد من تقليله، لدرجه بقيت اكره وجوده في نفس المكان اللي انا فيه، عمري ماكرهت وجوده هو بالعكس نفسي يشوف حبي ليه ويظهرلي حبه وحنانه انا عارفه انه نتاج بردو تربيه غلط لكن مش ذنبنا انه مقدرش يتاعفى وبابا مش جاهل بابا معاه دكتوراه ومع ذلك مقدرش يبقى سوي نفسياً عشان يعرف يربينا في سلام بالعكس بيعيشنا نفس ماضيه بالحرف بل بنقد ازيد ،فبحاول ابعد عن مكان وجوده ف اوضتي عشان مصتدمش بيه ومع ذلك نقده على مامتي وتنظيره على اخواتي بيرهقني لان مش عايزاهم يحسو اللي انا حساه ويبقو مرهقين نفسيا مش لاقيين حد يثقو فيه يحكو ليه سبب تعبهم، الفكره ان بابا عارف اننا خلوقين جدا والكل بيتمنى ولاده يكونو زينا في الادب والهدوء وصفات تانيه مميزه كتير لكنه مش بيشوفها ودايما معلق على غلط واحد ممكن نعمله وسط ميزات تانيه، عايز ابناء مثاللين ودايما بيقول انه راسملنا طريق نمشي عليه ودايما معترضه معاه ان مش البني ادمين اللي بترسم دي خطوات ربنا بيكتبها، الا انه شايفانا بلا قيمه وفكره هو الصح واحنا اللي غلط
فانا مش عارفه اعمل ايه واخرت ده كله ايه، كنت دايما حاسه اني شابه موهوبه وبحب حاجات كتير و وقادره اعمل اي حاجه ف اي مكان، لكن من كتر تنظيره عليا وتركيزه على اخفاقاتي وبس بقيت افقد شغفي وفي الحاجات اللي بحبها وبعيده عن ونفسي وحاسه اني تايهه ومش عرفاني..+ببسببه بدأت افقد ثقتي في نفسي وثقتي في اللي حواليا، عندي صحاب بس مش واثقه احكي لحد اللي تاعبني دايما بظهر اني زي الفل واسمعلهم ولمشاكلهم بس تيجي عند مشاكلي مش بقدر احكيها وبراكمها جوايا فبدات تتعبني وتسببلي ضعف وخمول معظم الوقت +بصلي وبقرأ قران بس مازال الارهاق ملازمني، حاسه اني في اكتئاب بقالي اكتر منخمس شهور مش بعمل حاجه حرفيا غير اني بذاكر غصب وبعيش حياتي غصب..
الكلام مش مرتب ومبعثر عذراً..
محتاجه حد متخصص او مجرب يرد لو سمحتم، عذرا على الازعاج مره تانيه
وعليكم السلام ورحمه الله وبركاته انت مش كنت بنوته شاطره انا بعد ما خلصت القراءه كلها في السؤال بتاعك وتفاصيله شفت انك فعلا بنوته شاطره انت بنوته شاطره جدا وكل اللي انت كاتباهى بيبين شطارتك انك مركزه في الوعي بتاعك انك قدرتي لما تفهمي حاجات تبداي تستخدميها ودي اهم نقطه تقدري تنطلق لها تحسي اني احسن كتير كل شيء بتتعلميه تبداي خديه واستخدميه طبعا مش هقدر اخد كل حاجه ونستخدمها في نفس الوقت وحقها في نفس الوقت كويس جدا انه احنا ممكن نخطط يا شيخ ولكن ربنا يقدر لنا شيء اخر. فاحنا ممكن نكون مخططين او يهمنا احنا نحاول نحسن من اللي حوالينا اللي هي مشترك فيها افراد الاخرين فالافراد الاخرين مش مساعدينا هو ده اللي بيقدر لنا في الاخر شيء ممكن يكون الشمع الخطه بتاعتنا وده تقدير ربنا وهو اكيد الخير طب هو ايه ممكن يكون الخير في ان يكون بابايا طريقته صعبه الخير هنا في انه يكون البر اللي انت بتبريه لابوك ومحاولاتك في انك تقدري تفضلي الانسانه الخلوقه اللي تتعامل باخلاق والادب مع باباها رغم ان طريقته صعبه يعليكي درجات عند ربنا يخلي ربنا افضل من حد تاني البر بالنسبه له صح باباه كويسين وطريقتهم لطيفه فهو بيتعمل معهم بشكل لطيف وطبعا الدنيا عنده اسهل. انت كتب لك يكون الموضوع فيه مشقه شويه ان شاء الله عند ربنا معنا باذن الله انك تتعاملي معروف ازاي اهم حاجه تعمليها فعلا هو من الشخصيات النرجسيه وما يحبش ان هو يعلم مخدر حد يقول له شاطر عليها اهم حاجه تعمليها معي انك ما تطلعيش رد فعل على انتقادها لانه انتقدوا لك هو مستني يشوف تاثيره لانه شخص ده بيكون حابب يشوف تاثير ان هو بيعمله لو حسن اللي بيعمله غير مؤثر هيبدا ان هو يتراجع عنه وهيهدى ولكن تقضي اللي هو بيعمله بالرد فعل يكون هادي ويكون تقريبا. انك تواجهيه انك تعندي معاه انك تحاولي تفهمي ده هيعود عليك رد فعل اقمنه النقطه دي. طيب مساله انك تقبلتي كليتك دي حاجه جميله جدا وفعلا اقدار ربنا بتكون خير لينا وممكن يكون يعني اتهيات الظروف ان يكون في مشكله والمشكله دي تاثر عليك فنتحققيش المجموعه بتاعتك لانه ممكن كان دخولك طبي يخلي والدك يضغط عليك ضغط اكبر بكثير جدا من اللي بيحصل دلوقتي لو ما كنتش نفسك في طب كنت هتشوفي وضع اسوا بكتير فالحمد لله على المخدرات اللي هي اكيد بالخير. انت لو ركزت في انه يا ترى كده فخلينا نحط احمال على ان ولد هيفضل كده ولكن احنا مش ليه بنقدر كده احنا مش لازم نفضل شايفين ان دي نقطه سوداء في حياتنا ومش قادرين نستمتع براحتنا او مش قادرين نكون مرتاحين النقطه السوداء في حياتنا كلها ونقول ما كانتش موجوده كانت حياتنا بقت افضل ده مفيش داعي خالص لان ما فيش حد حياته هدخله من النقط السوداء ما فيش حد مع نور ابتلاء بشكل ما فيش حد معندهوش حاجه بتوجعه وبتنقص عليه اوقات كتير بنسيب الحياه بمختلف الوانها ونتعامل مع مختلف الوانها هو المفتاح انك في عندك نقطه لونها مش عاجبك ومش بالضروره خالص محتاجه احكي عنها محتاجه اقول وقت كنت عم اقول انا تعبان دي بقى النقطه المهم ما تبقيش بس انت شخصيا. ده بيعمل لود على نفسيتك ما فيش داعي منه. لانه انا ممكن ما اقعدش احكي تفاصيل المشكله اللي عندي بس ممكن اقول انه انا عندي حاجات ضاغط عليا فانا دلوقتي فعلا حاسه ان انا تعبانه حاسه اني مرهقه حاسه ان انا نفسيتي مش احسن حاجه حاسه ان انا محتاجه اغير جو محتاجه حد يهون عليا شويه او حاسه ان محتاج حد يديني كلام ايجابي عباره الحاله اللي انت حساها دلوقتي ومش ضروري خالص دايما اتكلم على نقطه السوداء عشان كلامي عنها حتى لو مع نفسي كتير ده بياكد ان انا على طول بص عليهم مش باصه على بقيه الحاجات. حاجه. شويه. قوي.الوان. انت.طبيعي. الحاجه. باذن الله.
تم النشر الأربعاء، ٨ مايو ٢٠٢٤
اقرأي فصل فخ الفشل من كتاب فخاخ الحياة والحاجة التانية , اكتب كل انجازاتك ومواهبك وركزي عليها وسيبك من والدك , مش مهم تعملي كل حاجة ترضيه بيها , اعملي لي تقدري عليه وكافئي نفسك وعززيها ومدحيها واشعري بثقة نفسك , واتقبل الماضي , وقليله يا بابا بكل احساساتك لو قادرة وانك مدايقة وعاوزة يغير ده
تم النشر الثلاثاء، ٧ مايو ٢٠٢٤
و عليكم السلام انا مش متخصصة لكن مشكلتك انك مراكمة مشاعر و مشاكل جواكي و مش عارفة تطلعيها، انتي تايهة عشان مش عارفة تتكلمي و تعبري عن اللي جواكي بشكل صحيح او بالاصح مش واثقة في حد عشان تحكيله، اللي انتي فيه ده توتر نفسي أو ضغط نفسي انتي محتاجة تتكلمي مع حد و تطلعي اللي جواكي و بالذات يكون حد فاهمك و دارس علم نفس روحي لاخصائي يشخص حالتك و يعالجك. و بالنسبة لباباكي انا فاهمة اد ايه ده شيء مؤلم لما الأهل يتصرفوا بطريقة قاسية ناحيتنا لكن متخليش حد يحبطك حتى لو اهلك، للأسف احنا مش هنقدر نغيرهم و لكن ممكن احنا نغير نفسنا، تقبلي باباكي زي ما هو و العيب اللي فيه حاولي تتكيفي معاه و تتعاملي معاه و خواتك لو مش عايزاهم يحسوا بنفس اللي انتي حساه روحي و قوللهم يتصرفوا ازاي، زائد بصي للجوانب الإيجابية في باباكي، مفيش حد كامل و كلنا فينا مميزات و عيوب لكن الذكي اللي يعرف يتعامل مع العيوب دي، برده لو اتكلمتي مع باباكي و فهمتيه ان النقد بيدايقك ده يكون كويس و ممكن يحسن من علاقتكوا لو لقيتيه مستجبش يبقى خلاص هو طبعه كده و صعب يغيره بس ده مش عيب فيه هو اتعود على كده، و طالما انتي عارفة ان التصرفات دي بتدايقك يبقى متعمليش زيه و دوري على طرق تتعاملي بيها مع التصرفات دي و غيري انتي من نفسك و تفكيرك. و متستسلميش و متخليش حاجة تحبطك روحي لدكتور و اتكلمي معاه و إن شاء الله كل حاجة هتكون كويسة.
تم النشر الاثنين، ٦ مايو ٢٠٢٤
لعرض السؤال في فدني اضغط هنا