عارفين لما تسمعوا أو تقرأوا كلام منطقي جدا و تقتنعوا بيه لكن عقلكم الباطن مش قادر يقتنع بيه مهما حاولتم؟ ده الي بعيشه كل يوم.... كل يوم في صراع مع نفسي ان انا مقتنعه بحاجات و هي بتتصرف بعكس القناعات دي تماما.... طول حياتي كنت متعودة ان لازم أكون حاجه عشان أكون محبوبة أو عشان بس الناس تتقبلني و مكونش لوحدي ذي مثلا ان لازم أكون مجتهدة و متفوقة في الدراسة عشان المدرسين يحبوني و عشان زميلاتي يحبوني و يكون عندي زميلات و ذي إنه لازم أكون جميلة عشان الناس تحبني و تعجب بيا و ذي إن لازم أكون بشخصية معينه مع الناس عشان يتقبلوني و بسبب الموضوع ده حرفيا أدركت إن معظم مشاكلي و صراعاتي مع نفسي كانت بسبب الحب المشروط ده و بعد كده فهمت و اقتنعت إنه مش لازم أكون حاجه عشان اتحب و أن الي بيحبني هيتقبلني ذي ما أنا كده من غير اي محاولة أو تصنع أو أي شيء و مقتنعه بالموضوع ده اوي و لكن عقلي الباطن مش بيخليني أتصرف بناء على القناعة دي دايما بحس إني عبء على إلي حواليا و إني لازم أكون بشكل معين و بشخصية معينه عشان يحبوني و لما بلاقي حد مش بيحبني حتى لو معملتلوش حاجه بحس إني مش محبوبة و أن الناس الي بتحبني دي بتجبر بخاطري مش اكتر و لما بكون في مكان معرفش فيه حد أو الي اعرفهم مجرد معرفة سطحية مجرد سلام يعني مش اكتر بحس إن كل إلي موجودين بيبصولي نظرات شفقة و طول وقتي في صراع مع عقلي عشان يتصرف و يحس بناء على الحاجات الي مقتنعه بيها و مقتنعه إنها الصح فياريت لو حد يعرف إيه السبب في إن الواحد يكون في صراع ذي ده و إيه الحل
شكرا ليكي علي المشاركة في موضوع مهم هيفيدك قووي وهو أخطاء التفكير علماء النفس جمعوا اخطاء التفكير في كذا نقطة ومع فهمها وملاحظة المواقف اللي فحياتي عليها ودرجة وعيي بيها بتتغير فبالتالي بتلاقي انك بتصححي مفاهيمك ومعتقداتك وبعدها أفكارك هتكون افضل بكتير بيفضل انك تطبقيها مع متخصص وبالتوفيق
تم النشر الأربعاء، ٢٩ مايو ٢٠٢٤
السلام عليكم. اولا معجبه جدا يعني بدرجه الوعي بتاعتك انك عارفه ان تصرفك الحالي بناء على ان عقلك الباطن ماسك كده ومتبت في الافكار القديمه. فتعالي كده نشوفه اصلا عقل الباطن يعني قبل كده واخذ منك الفكره كده وخلاص ولا هو تبت فيها ليه ومش تبت فيها عشان بس هي قديمه ولكن علشان هي بالنسبه له كانت مثبته اكتر من اي فكره. يعني انت ممكن تكوني بناتي الفكره دي اصلا وخدتيها من مشاهداتك كده شخصيات ممكن تكون حواليك ممكن تكون مش حواليك ممكن تكون فكره على الاشخاص مشويين مثلا او شخصيه حتى في فيلم او مسلسل. فكان في عندك موديل قدامك في نموذج قدامك اكد الفكره دي في صوره اكدت الفكره دي فده اللي احنا هنعملوه مع العقل المطير في الافكار الجديده بنحط حاجه تاكد للعقل انه لا بص احنا عايزين الموديل ده فبنجسده له فعلا ما بنخليهوش مجرد كلام لانه الكلام مش هيروح يغلب النموذج اللي هو مؤكد بالنسبه للعقل الباطن فانا دلوقتي عايزه اقول انه الحب ضروري يكون غير مشروب او يعني الحب الصح هو الحب غير المشروط لازم اجيب بلاليات لعقلي لازم اجيب دلالات لمخي علشان اسبر الفكره دي هي دي الطريقه اللي احنا بنحير بها الافكار القديمه بنحط بيها افكار جديده زائد ان انا اعمل حاجات صغيره تاكد لمخك تحط تاكيدات العقلي علشان يبدا ياخد الفكره الجديده دي ويتعمل بناء عليها زي ايه زي انا هعمل لمامتي مثلا كوبايه شاي وهقول لها يا ماما انت بتحبيني فهتقول لي انا طبعا بحبك طب بتحبيني عشان عملت لك شاي ولا كده كده بتحبيني مش كوبايه الشاي اللي خلتني احبك هبدا كده اثبت لمخي انه ايه ان الحب مش بالحاجه اللي اتعملت ولكن الحب كده كده موجود بدون شرط تمام اتمنى اكون النصيحه دي تفرق معك لو بداتي تنفذيها وتقدري تخرجي
تم النشر الثلاثاء، ٢٨ مايو ٢٠٢٤
اهلاً بيك! عارفة إن الحياة ممكن تكون متعبة لما بنعيش في صراع مع نفسنا و أفكارنا. أول حاجة، لازم تعطي نفسك مساحة وتفهمي إن تغيير العقل الباطن بياخد وقت وصبر. التقبل: تقبلي إنك إنسانة بطبعك مش مشبوكة في أفكار وعادات قديمة. المهم جداً إنك تحبي وتقبلي نفسك زي ما هي، بعيوبك ومميزاتك. التفكير الإيجابي: حاولي تحددي الأفكار السلبية اللي بتمر في عقلك الباطن وبدليها بأفكار إيجابية. مثلاً، لما تحسي إنك عبء، قول لنفسك "أنا قيمة وأستحق الحب والقبول زي ما أنا". اليوغا والتأمل: دي حاجات ممكن تساعدك تهدي عقلك وتحرريه من الأفكار السلبية. التأمل بيساعد على التركيز على اللحظة الحالية والانتفال بعيد عن الأفكار المزعجة. الكتابة: كتبي مشاعرك وأفكارك. الكتابة ممكن تساعدك تفرغي اللي جواك وتفهمي مشاعرك بشكل أعمق. الدعم النفسي: ممكن تلاقي إن الحكي مع معالج نفسي بيساعدك تتعامل مع الصراع اللي داخل عقلك. المعالج ممكن يدلك على تقنيات تساعدك تتخطي العقبات دي. الممارسة : تطبيق المفاهيم الجديدة اللي انتي مقتنعة بيها بشكل مستمر. جربي تتعاملي مع مواقف بشكل تدريجي يتناسب مع قناعتك الجديدة. كل خطوة صغيرة بتقول لعقلك الباطن إنك جادة في التغيير. دائماً افتكري إن رحلة التغيير مش سهلة بس ممكنة. وإنتِ تستاهلي الحب والقبول تماماً زي ما انتي. ❤️
تم النشر الثلاثاء، ٢٨ مايو ٢٠٢٤
تصرفك بعقلك الباطن مفيش منه مشكله بس بشرط تستخدمي صح يعني انتي فعلا لازم تعيشي وتتعاملى مع الناس بالطريقه اللي يفهموك بيها بس في « التعامل» واياك ان تتغيري لاحد اذا كان يؤثر دينيا عليك يعني مثلا لو عشت في اوروبا مينفعش تعيش بديانه وعقيده مختلفه عشان ترضى حد لاا او انك مثلا لما بتخرجي عشان تبقى جميله وسط صحابك فتعصي ربنا انك تضعي ميك اب او تلبسي ضيق بما لا يرضى الله «فاحرسي دايما على رضا ربنا ثم الناس بما يتناسب دينيا» انما الشخصيه فأنت كوني احسن نسخه من نفسك بعيدا على انهم عايزينك كدا او لا او اي حديث لوسواس عندك هو غرضه يوقفك عن تقدمك فقد فقولي لا واستمري بالتطور
تم النشر الجمعة، ٣١ مايو ٢٠٢٤
باتريك كينج قالها في كتاب كيف تكون اقوي من مشاعرك " اي فكرة سلبية حاربيها بفكرة تانية إيجابية" مش عارفة اكلمي مع حد اكيد هيضيف ليكي حاجة انتي مش واخدة بالك منها
تم النشر الجمعة، ٣١ مايو ٢٠٢٤
لعرض السؤال في فدني اضغط هنا