السلام عليكم ورحمه الله وبركاته مبدئيا كده مفيش حد يقدر يملا كوبايته كلها كامله مكمله مفيش حاجه اسمها كده الاكتفاء الذاتي اصلا معناه انه انا موصلش لمرحله العطش فيكون عندي نص بكوبايه انا يعني متكفل بيه وبقدر اعمله لوحدي مش ببقى الكوبايه انا ما اقدرش اعمل فيها حاجه ومستني دائما حد هو ده الاكتفاء الذاتي لو شفت حاجه غير كده اعرفي عن نفسك لو حد اقنعك بحاجه بتقول انه انا عامله كوبايه كلها فبرده اقول لك ان هو بيضحك عليك هنفضل كبشر عندنا الاحتياج اللي احنا بناخده من الاخرين ده شيء طبيعي جدا جدا جدا جدا جدا اللي بيوصل بقى لمرحله اللي هي مرحله الزوج هو ده اللي بيبقى مش مستني حاجه من الدنيا كلها حرفيا مش مش كلام وخلاص لا بتبقى حرفيا هو يزهد في كل شيء له علاقه بالدنيا وبالناس وعايش مرحله روحانيه هي اللي موصلاه لكده هو مش عايز اصلا يعني هو مش فارق بقى معاه الكوبايه مليانه لحد فين دي مرحله ثانيه. اللي انت بتتكلمي فيه انه في اكتفاء ذاتي الاكتفاء الذاتي ده هيجي من ان انت تكوني عارفه كويس قوي كل كوبايه عندك انت تقدري تملي نصها ازاي بنفسك فانت لما بتحبي تنبسطي بتعملي ايه لنفسك عشان تبسطي انت لما تحبي تحسي بالتقدير بتعملي ايه علشان تحسي بالتقدير من نفسك مش تستني انه حد يديهولك الحاجات دي هتقدري تعمليها لنفسك زائد انه الاكتفاء الذاتي على فكره ااا جزء منه كمان ان تبقي شايفه الحاجات اللي انت بتاخديها من غير مجهود من غير ما تستنيها يعني هتلاقي حواليك ناس يهتموا بيكي وبيقدروكي وبيحبوكي بيدوكي حاجات كتير يعني بيملوا لك الكوبايات بتاعتك من غير ما تطلبي من غير ما انت تعملي جهد ومن غير ما انت تسعد ده اصلا فدول برده جزء من الاكتفاء الذاتي هم كده كده موجودين معاكي موجودين معاكي علشان انت علاقتك بيكون كويسه فهما مكفيين لك كمان ربع من الكوبايه لكن هيفضل في ربع من الكوبايه. اللي انت بقى بصاله على ان والله انا نفسي اخذ شكل الاهتمام ده من الشخص ده انا بحب اخذ شكل الحب ده من الشخص ده مستنياه من هنا او مستنياه من هنا ولما بيحصل ان انت بتاخديه فعلا خلاص يبقى كده الكوبايه مليانه.
تم النشر الأحد، ٨ سبتمبر ٢٠٢٤
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك