السلام عليكم ، بصو انا بنت عندي ٢٢ سنة كنت مخطوبة في اولي كلية كان عندي ١٩ سنة وكنت لسه عيلة وتفكيري مراهق اوي ولا اعرف ازاي اختار شريك حياه ولا حاجة ، المهم هو شافني في الجامعة وقالي بحبك وعاوز اخطبك وكنت ساعتها طايرة عشان عاوزة اتخطب بعد ٣ ثانوي زي معظم صحابي ،المهم بأختصار اللي حصل اننا اتخطبنا سنة وحرفيا كانت اوحش سنة في حياتي كان توكسيك ومتعب نفسيا اوي وعشان كنت بحبه كنت بستحمل لكن دلوقتي بكرهه قد الحب دة مليون مره المهن اننا اتخانقنا مرة خناقة كبيرة اوي وسيبنا بعض والحمدلله اني خلصت منه ، وبسبب السنة دي انا نضجت اوي وبقيت واحدة تانية وبعرف اختار وبتمني اوووووي ان ربنا يعوضني بالشخص اللي يكون زوج صالح ليا ويصلح كل الحاجات اللي باظت وواثقة في ربنا والله بس اللي مخوفني ان ربنا يعاقبني وميعوضنيش عشان خطيبي القديم دة حضني قبل كدة كذا مرة وكان في شوية تجاوزات ما بيننا ، وانا توبت وصليت كتير لكن لسه بخاف
وعليكم السلام، أهنئك على التوبة فالتائب من الذنب كمن لا ذنب له. كما أهنئك على النجاة من شخصية مسممة مرهقة ولا ترعى حدود الله. وأهنئك أيضاً على النضج، والخروج من التجربة أفضل وأكثر وعياً بذاتك وبالآخرين. تعرفي إلى الله باسمه التواب.. قال تعالى "وهو الذي يقبل التوبة عن عبادة ويعفو عن السيئات" ولا تدعي الشيطان يصور لك أن مستقبل حياتك سينبني على ذنب تبت منه، ثقي في الله.. في أنه التواب وأنه الرزاق، وأنه المقدم المؤخر.. يعني إذا تأخر ارتباطك وزواجك عما تتمنين فهذا قدر الله واختياره، وحكمة الله فينا أكبر من عقابنا بذنب.. الحكمة أكبر من ذلك. فتوكلي على الله بمعنى أن تدعي الأمور وتوكليها له واثقة بتدبيره. أختي الكريمة، من ملامح النضج التي أرجو أن تضيفيها إلى وعيك، أن الله عندما حرم هذه التجاوزات، وجعل الحميمية بكل درجاتها مشروطة بالزواج، فهذا من رحمته وحكمته وليس تضييقا على البشر.. فإظهار خبيئة المشاعر والبوح بالمكتوم لا يكون في ظل الخطوبة التي هي مجرد وعد بالزواج، وقد يظهر أن الشخص توكسيك أو متلاعب أو غير جدير، وقد يكون جديرا ولكن لا يكتمل الزواج لأي سبب.. فيكون تجاوز الشخص أسهل بكثير، لأنه كلما زادت درجة الحميمية زاد التعلق والتأثير. دعي هذه الإضافة تنضم إلى خبراتك ونضجك الجميل، رزقك الله الخير كله وصرف عنك السوء.
تم النشر الاثنين، ٢٥ ديسمبر ٢٠٢٣
ان الله يغفر الذنوب جميعا انه هو الغفور الرحيم، ربنا بيسامح وانتي كنتي صغيرة واول تجربة وممكن كنتي الضحية مش المذنبة. المهم في الغلط انه ميتكررش، وربنا ارحم من انه يعاقبك بالي في خيالك، ربنا ارحم مما نتخيل، بالعكس كل ما تحبي ربنا بجد كل ما يحبك اكتر ويعوضك عن كل حاجه غلطتي فيها بارادتك او بغير ارادتك.
تم النشر الأحد، ١٧ ديسمبر ٢٠٢٣
طالما توبتي ف ان شاء الله ربنا هيسامحك و طالما سبتيه كمان عشان ربنا و عشان هو شخص مش كويس ف ربنا هيعوضك ب اللي احسن منو و اللي يقدرك و يحبك بجد هو بس اصبري و ان شاء الله ربنا هيعوضك خير
تم النشر الأحد، ٣١ ديسمبر ٢٠٢٣
ربنا يصلح حالك ويرزقك بالصالح
تم النشر الثلاثاء، ١٩ ديسمبر ٢٠٢٣
لعرض السؤال في فدني اضغط هنا