السلام عليكم ورحمه الله وبركاته
انا مش عارفه أبدأ من فين الاول بس هحاول اختصر ليكم انا بعاني من اكتئاب شديد وانا مكنتش عارفه خالص بس احلي اكتر بعد وفاه امي
انا امي الله يرحمها منفصله عن ابويا من زمان كان عندي ٣ شهور وانا مشوفتش ابويا نهائي وانا ليا اخ متسلط عليا انا واخواتي جدا وفظيع في معاملته معايا انا بالذات وخانقني جدا حتى وهو متجوز خانقني بردو وهو سبب في اني قعدت من الدراسه سنتين انا فيه حاجات كتير عاوزه احكيها ومش عارفه خالص بس انا عايشه حياه وحشه جدا وعاوزه مساعدة أرجوكم انا حسيت اني مليش حد ولا سند ف الدنيا دي خالص والوضع ساء اكتر لما امي توفت
ارجوكم عاوزه حد اتكلم معاه ويسمعني ضروري انا حالتي بتسوء اكتر انا فيه كوارث محكتهاش ارجو منكم حد اتواصل معاه ضروري
وعليكم السلام ورحمه الله وبركاته انا قرات سؤالك وقرات التعليقات اللي انت كتبتيها على كل رد عليك انا عارفه ان انت محتاجه قوي حد يسمعك وحد يعرف مشكلتك وتقعدي تحكي كل التفاصيل امم انا من الجزء بتاعي يعني اقدر اقدم لك الخدمه دي مفيش اي مشكله خالص سواء انت ما عندكيش مقدره ماديه او علشان خاطر هم مش هيوافقوا انهم يدفعوا لك ما فيش مشكله تقدري تتواصلي معايا ادخلي على على البروفايل هنا على التطبيق وتواصلي معايا من خلال صفحه الفيسبوك او من خلال الواتساب هتلاقي الاثنين موجودين وان شاء الله يا رب اقدر اخفف عنك او اديك شويه نصائح لما نتكلم ان شاء الله نشوف ايه اللي يقدر يفيدك في الموضوع ده.
تم النشر الأحد، ٢ فبراير ٢٠٢٥
السلام عليكم ،،احساس وجعك وتعبك واضح جدا ، وانك بتمري بظروف صعبة جدا، فقدان الأم شيء بيكسر القلب، فوق كمان الضغط اللي بتتعرضي ليه من أخوكي والمعاملة السيئة، والفراغ العاطفي اللي حاسة بيه. كل دا حمولة كبيرة جدا على أي شخص، فما بالك بشخص لسه في بداية حياته ..فقدان والدتك الله يرحمها طبيعي تحسي إن الدنيا بقت ضلمة بدونها لأنها كانت السند والأمان...وغياب الاب عن حياتك زود الإحساس بالوحدة والمسؤولية ، وخلاكي تحسي إنك لوحدك.. الأخ المسيطر ومعاملته السيئة بتضغط عليكي وبتخليكي تحسي إنك مخنوقة، ودا مش عدل أبدا..بجانب إحساسك بالخنقة والملل وعدم الرغبة في الحياة مؤشر على إنك محتاجة دعم نفسي وعاطفي.. اوعي تستسلمى.. اللي بتمري بيه صعب جدا لكن مش نهاية العالم صدقينى حاولي تفكري في حلول بدل ما تستسلمي للمشاعر السلبية.. اتكلمي مع حد تثقي فيه ضروري تحكي لشخص قريب منك، سواء صديقة مقربة، قريبة من العيلة، أو حتى استشارة نفسية لو تقدري دا هيكون افضل ، ممكن هنا تتكلمى مع حد من خبراء فدنى زاى ماوضحتلك د. مي .. حاولي تبعدي عن السيطرة.. لو أخوكي بيتحكم فيكي بطريقة مؤذية، لازم يكون فيه تدخل، سواء من حد كبير في العيلة أو شخص يقدر يوقفه عند حده.. اشغلي وقتك بأي حاجة تبعدكِ عن التفكير السلبي هتكون مفيدة، حتى لو حاجة بسيطة زي القراءة، الكتابة، أو حتى مشاهدة حاجات تحبيها. اتقربي من ربنا.. يمكن الكلام ده تقليدي، لكن فعلاً القرب من ربنا بيدي راحة نفسية وسكينة، جربي تقرأي قرآن أو تصلي وتدعي من قلبك.. مشكلتك كبيرة، بس قلبك أقوى، متخليش أي حد يكسر قوتك..وأنت مش لوحدك، حتى لو الدنيا ضلمت، أكيد فيه نور مستنيك في آخر الطريق..وتأكدى ان الحياة مش سهلة، بس أنتي أقوى من الظروف، وكل ألم هياخد وقتة ويعدى.. الأيام دي صعبة، بس بكرة ممكن يكون أحسن، اصبري وحاولي تشوفي الحل بدل ما تستسلمي للوجع.. وربنا يقويكى ويعينك..
تم النشر الأحد، ٢ فبراير ٢٠٢٥
السلام عليكم، ربنا يعينك ويقويك على مشاكلك ويجعل لكِ مخرجًا بإذن الله، ويا رب يرحم والدتكِ ويصبرك على فراقها. أكيد الموضوع صعب لكن افتكري دائما إنه (لا يُكلف الله نفسًا إلا وسعها) يعني أي ابتلاء بتمري به مهما كان ربنا عارف إنك قادرة تتجاوزيه بصبرك وبالاستعانة به سبحانه وتعالى. استعيني بالله وتوكلي عليه وصلي دائمًا إنه يفك الكرب ويهدي أخوكِ. إذا محتاجة تواصل خاص مع احد من الخبراء فهتلاقي قائمة الخبراء على فدني https://www.fedni.net/experts من صفحة الخبيرة اللي تختاريها هتلاقي زر حجز استشارة هيمكنك من التواصل معها عن طريق الواتساب أو الفيسبوك. وفيه كمان لو حبيتِ الخط الساخن للأمانة العامة للصحة النفسية «16328» مجانًا على مدار الـ 24 ساعة
تم النشر الأحد، ٢ فبراير ٢٠٢٥
حضرتك عشان تعرفي تكلميه و تتعاملي معاه لازم تتعلمي الدين و تكلميه بيه مش مجرد تعرفي كلمتين من فيديو يوتيوب او صفحة في جوجل لازم تعرفي هو تفكيره عامل ازاي عشان تكلميه بيه و قبل اي حاجة متخافييش عشان اللي معاه حق مبيخفش حتى لو جيه يمد ايده متوريهوش انك خايفة وريه انه مش هيعرف يوصللك غير بلكلام و كلمي اخواتك البنات واقنعيهم برأيك في غيابه عشان في حضوره يقنعوه معاكي و اقري كتب اكتر وثقفي نفسك عشان تعوضي التعليم اللي فاتك
تم النشر الاثنين، ٣ فبراير ٢٠٢٥
وعليكم السلام ورحمة الله وبركاته، أختي العزيزة، أشعر بمدى معاناتك وآلامك، وأود أن أقول لك أنك ليست وحدك، فمن المهم أن تتواصلي مع شخص يستطيع مساعدتك وتقديم الدعم لك. فقدان الأم هو واحد من أصعب التجارب التي يمكن أن تمر بها الفتاة، ومواجهة مشاكل عائلية مثل تسلط أخيك عليك قد تزيد من شعورك بالعزلة والاكتئاب. من المهم أن تعرفي أن مشاعرك طبيعية، وأنه ليس عيباً أن تطلبي المساعدة في مثل هذه الظروف الصعبة. أنصحك بالتواصل مع متخصص في الصحة النفسية، مثل طبيب نفسي أو مستشار، حيث يمكنهم تقديم الدعم المناسب لك ومساعدتك على تجاوز هذه الأوقات الصعبة. يمكنك البحث عن مراكز دعم قريبة منك أو حتى تقديم طلب الاستشارة عبر الإنترنت. لا تترددي في فتح قلبك لمن تثقين به، فقد يساعدك التحدث إلى شخص آخر على تخفيف العبء الذي تشعرين به. تذكري، لديك الحق في أن تطلبي المساعدة وتبحثي عن السعادة والراحة التي تستحقينها. أسأل الله أن يرحم والدتك ويمنحك الصبر والقوة. وإذا كنت بحاجة لمزيد من الدعم، أنا هنا للاستماع إليك ومساعدتك بقدر ما أستطيع.
تم النشر الأحد، ٢ فبراير ٢٠٢٥
لعرض السؤال في فدني اضغط هنا