السلام عليكم ،،احساس وجعك وتعبك واضح جدا ، وانك بتمري بظروف صعبة جدا، فقدان الأم شيء بيكسر القلب، فوق كمان الضغط اللي بتتعرضي ليه من أخوكي والمعاملة السيئة، والفراغ العاطفي اللي حاسة بيه. كل دا حمولة كبيرة جدا على أي شخص، فما بالك بشخص لسه في بداية حياته ..فقدان والدتك الله يرحمها طبيعي تحسي إن الدنيا بقت ضلمة بدونها لأنها كانت السند والأمان...وغياب الاب عن حياتك زود الإحساس بالوحدة والمسؤولية ، وخلاكي تحسي إنك لوحدك.. الأخ المسيطر ومعاملته السيئة بتضغط عليكي وبتخليكي تحسي إنك مخنوقة، ودا مش عدل أبدا..بجانب إحساسك بالخنقة والملل وعدم الرغبة في الحياة مؤشر على إنك محتاجة دعم نفسي وعاطفي.. اوعي تستسلمى.. اللي بتمري بيه صعب جدا لكن مش نهاية العالم صدقينى حاولي تفكري في حلول بدل ما تستسلمي للمشاعر السلبية.. اتكلمي مع حد تثقي فيه ضروري تحكي لشخص قريب منك، سواء صديقة مقربة، قريبة من العيلة، أو حتى استشارة نفسية لو تقدري دا هيكون افضل ، ممكن هنا تتكلمى مع حد من خبراء فدنى زاى ماوضحتلك د. مي .. حاولي تبعدي عن السيطرة.. لو أخوكي بيتحكم فيكي بطريقة مؤذية، لازم يكون فيه تدخل، سواء من حد كبير في العيلة أو شخص يقدر يوقفه عند حده.. اشغلي وقتك بأي حاجة تبعدكِ عن التفكير السلبي هتكون مفيدة، حتى لو حاجة بسيطة زي القراءة، الكتابة، أو حتى مشاهدة حاجات تحبيها. اتقربي من ربنا.. يمكن الكلام ده تقليدي، لكن فعلاً القرب من ربنا بيدي راحة نفسية وسكينة، جربي تقرأي قرآن أو تصلي وتدعي من قلبك.. مشكلتك كبيرة، بس قلبك أقوى، متخليش أي حد يكسر قوتك..وأنت مش لوحدك، حتى لو الدنيا ضلمت، أكيد فيه نور مستنيك في آخر الطريق..وتأكدى ان الحياة مش سهلة، بس أنتي أقوى من الظروف، وكل ألم هياخد وقتة ويعدى.. الأيام دي صعبة، بس بكرة ممكن يكون أحسن، اصبري وحاولي تشوفي الحل بدل ما تستسلمي للوجع.. وربنا يقويكى ويعينك..
تمام تسلمي يارب ان شاء الله يااارب
تم النشر الأحد، ٢ فبراير ٢٠٢٥
هو التطبيق مش فيه خاصية التواصل بين الأعضاء خارج التطبيق والقوانين بتمنع لكن انتظري إن شاء الله حد من الخبراء هيرد عليكِ هنا في السؤال وإن شاء الله يبقى فيه إمكانية للتواصل متقلقيش.
تم النشر الأحد، ٢ فبراير ٢٠٢٥
طيب هو مافيش حد اتواصل معاه بره البرنامج لان فعلا انا نفسيتي مدمره وانا بمر بأيام غريبه جدااااا والله حسه اني حياتي بتخرج عن السيطره انا مرهقه جداااا ونفسيتي تعباني انا بقيت مخنوقه من نفسي والله ارجو من متخصص يتواصل معايا او شخص يقدر يفدني بجد لان حرفيا مدمره
تم النشر الأحد، ٢ فبراير ٢٠٢٥
الوجع مش هيروح بس يمكن يخف لو اتكلمتى مع الشخص الصح ويسمعك وعرف يرد عليكى صح.. هو البرنامج هنا مافهوش انبوكس او خاص للاسف.. انتى ممكن فى كومنت تطلبى منهم انك تتواصلى معاهم برا البرنامج على اى ابليكشن تواصل سواء فيس تلجرام واتس او - انا عارف انو صعب- ممكن تكتبى وصف لحالتك ومشاكلك ف الكومنتس او ف بوست والناس تقدر تجاوب زاى البوست بتاعك دا..وان شاء الله محدش هيتأخر عليكى
تم النشر الأحد، ٢ فبراير ٢٠٢٥
ايوا فعلا صح +ان انا مش عندي اصدقاء بيدخلو ف حياتي اصلا كل واحده مشغوله ف حيتها ومعنديش حد مقرب ليا حتى اخواتي البنات مش بيسمعوني ولا بيحاولو يسمعوني لما اجي احكي ليهم بيقاطعوني وبيقولو كلنا كده مش انتي لوحدك وكل الناس تعبانه ونفسيتها بايظه حاولي تعيشي وخلاص مافيش حد بيوجعني انا عاوزه اتكلم مع اي حد يسمعني بجد لان حالتي بتسوء +انا مش عارفه اتواصل مع اي حد هنا خالص انا بجد مش بخير وغير كده حسه بعدم الأمان من اللي حوليا محدش بيقولي مالك انتي حاسه ب اي حرفيا فيه كميه وجع جوايا تعبني جدا مش عارفه هل الوجع ده هيخف وله لا
تم النشر الأحد، ٢ فبراير ٢٠٢٥
ايوا فعلا انا تعبانه جدا ونفسيتي مش احسن حاجه +انا معرفش اتواصل ازاي مع اي عضوه هنا انا مش عارفه اتواصل مع حد هنا اصلا ومش عارفه اعمل اي لان انا محتاجه اتكلم مع حد وانا اصلا مليش صحبه كويسه اتكلم معاها حته اخواتي البنات مش عارفه اتكلم معاهم مش بيدوني فرصه انهم يسمعوني انا محتاجه حد بس اتكلم معاه ويسمعني بسسس لان انا نفسيتي وحالتي بتسوء اكتر والله العظيم
تم النشر الأحد، ٢ فبراير ٢٠٢٥
للاسف الواضح انة متطعم افكار غلط كتير عن التربية والتدين والرجولة وبيعانى من عقد نقص بيطلعها على الى حوليه.. انتى محتاجة تحكى مع حد ويسمعك ويحاورك وتقللى الضغط الى عليكى.. ومفيش حد قريب او صاحبة قريبة.. جربى هنا مع خبراء فدنى انا معرفش والله مجانى ولا لا.. او ممكن تطلبى من اى استاذة من عضوات فدنى هنا انكم تتواصلو مع بعض برا البرنامج وتتصاحبو وباذن الله محدش هيتأخر انو يساعد هيكون افضل كتير وهتتكلمى براحتك..
تم النشر الأحد، ٢ فبراير ٢٠٢٥
اصلا لما بنخرج لازم ناخد اذن منو حتى وهو متجوز وهو بيدنو يقول لا خروجات اي البنات المحترمه مبتخرجش من بيتها انا حسه اني مقيده وضايعه وسط زحمه +لو حضرتك تقولي حد مختص اتكلم معاه اون لاين ويسمعني تمام بس مجاني لان للاسف لو عرفتهم مش هيوافقو اتكلم مع دكتور نفساني هيقول انتي عاوزه الناس تقول انك مجنونه وكده وانا خايفه
تم النشر الأحد، ٢ فبراير ٢٠٢٥
أنا حاسس بقد إيه انتي تعبانة ومخنوقة، والضغط النفسي اللي انتي فيه مش بسيط. فكرة إن حد يفضل يقلل منك ويخليكي تحسي إن رأيك مش مهم، وإن كل حاجة بتعمليها غلط، ده بيأثر على ثقتك في نفسك وعلى إحساسك بالحياة كلها... أهم حاجة دلوقتي إنك تبدأي تحطي حدود، حتى لو بشكل بسيط. مش لازم تدخلي في مواجهة مباشرة معاه لو ده هيزود الضغط عليكي، لكن على الأقل خليكي واعية إن الكلام اللي بيقوله مش حقيقي، وإن ليكي حق تعيشي حياتك براحتك. جربي تبعدي عنه نفسيا، حتى لو مش قادرة تبعدي جسديا، يعني متاخديش كلامه على إنه الحقيقة المطلقة، لأن كل اللي بيعمله إنه بيحاول يسيطر عليكي ويحسسك إنك ضعيفة، مع إنك مش كده... حاولي تلاقي مساحة لنفسك، حتى لو حاجات صغيرة زي إنك تقضي وقت مع ناس بتحبيهم، أو تخرجي حتى لو خروجات بسيطة، أو تعملي حاجة بتحبيها. لو مش قادرة تاخدي قرارات دلوقتي، عادي جدا، خدي وقتك، المهم متفضليش في الدوامة دي لوحدك.... كمان، انتى محتاجة مساعدة نفسية، مفيش مشكلة خالص إنك تدوري على حد متخصص تتكلمي معاه، حتى لو أونلاين. انتي مش لوحدك، وفي حلول، بس خطوة خطوة... للاسف لما يكون حد قريب كدا بيكون اذاه صعب لان التعامل معاة اصعب..
تم النشر الأحد، ٢ فبراير ٢٠٢٥
انا بقول هو اخويا ومش بحب اكبر الموضوع وكده بس بجد انا تعبت جدا انا كل يوم بقول اي عملتو غلط طيب دايما شايفني مليش رأي ورائي غلط دايما انا تعبانه ونفسيتي وحشه انا بقيت خايفه من كل الناس اللي حوليا مع اني بتعامل معاهم عادي ومش ببين ده بس جوايا بكون خايفه جدا مبقتش عارفه انا عاوزه اي ف حياتي حتى الأشخاص اللي ف حياتي مبقتش انا عارفه انا عاوزه مين يكون ف حياتي او اطلع مين من حياتي مخنوقه جدا حتى الفسح والدراجات مش بيخرجونا ودايما يقول نهايه العلام خلاص جايه عاوزين تخرجو ليه اعملو حاجه لاخرتك والكلام السلبي دايما حته وهو بعيد وفبيتو دايما كلام سلبي انا تعبانه من جوايا جداااااا .
تم النشر الأحد، ٢ فبراير ٢٠٢٥
لا حول ولا قوة الا بالله العلى العظيم.. وضعك صعب وخصوصا انة مع اخوكى.. في الحالة دي، لازم تفكري في حد تاني ممكن يساعدك، زي خال، عم، جد، أو حتى شخص له تأثير عليه زي صديق مقرب أو جار كبير في السن بيحترمه. لو مفيش حد ممكن يتدخل، يبقى لازم تحاولي تحطي حدود بنفسك، سواء بالكلام المباشر أو بتجنب المواجهات اللي ممكن تخليه يعنفك أكتر.. الموضوع وصل للعنف الجسدي، متتردديش في طلب المساعدة من جهات قانونية. سلامتك وأمانك وامان اخواتك أهم حاجة، ومش من حقه يتحكم في حياتك أو يخوفك بالشكل ده.. انتى مش قادرة تواجهيه لوحدك..لازم تدوري على دعم نفسي و قانوني يحميكي..
تم النشر الأحد، ٢ فبراير ٢٠٢٥
مش حد بيعرف يتكلم معاه هو بيضربني بعنف لو جيت اقولو بتعمل كده ليه بس بكل هدوء يضربني هو مخوفني اتكلم معاه ف اي حاجه والله بقيت مرعوبه اتكلم معاه حتى اخواتي البنات مش بيسمعوني فيه حاجات كتير عاوزه احكيها ومش عارفه بجد انا حاسه بخوف ماما كانت بتقولها ليه قبل وتتوفر انت شكلك وتتحكم فيهم لو انا مت وفعلا ماتت وبقي كده معايا حتى لما اتجوز جه مخصوص البيت عندنا عشان يراقب الواتس بتاعي من نفسه لقيتو عمل كده فيه حاجات كتير مخوفاني ومخنقاني انا بصلي وبدعي ربنا كتير بس مافيش حاجه بتتغير انا محتاجه ماما جدا انا مليش حد خالص كنت لما انزل الجامعه القيه بيخنقني وبيقولي انتي مش هتنزلي الجامعه انا قعدت من الجامعه بسببو والله وغير العرسان اللي بيجبها لينا نفس تفكيرو ف الدين والتشدد انا بجد عاوزه حد اتكلم معاه ضروري انا مش بخير خالص
تم النشر الأحد، ٢ فبراير ٢٠٢٥
حاولى تهدى وتفكري بعقل.. لو تقدري تتكلمي معاه بهدوء وضحي له إنك محتاجة مساحة شخصية.. وإن الدين مش تشدد بس وان من الدين اصلا الاحسان لاهل بيتك وان هو فى مقام والدك المفروض يعوض غيابه وحنانه . لو مش راضي يسمعك، استعيني بحد كبير في العيلة يكون وسيط بينكم مش لازم يكون كبير ليه. حافظي على خصوصيتك وما تخليش الموضوع يأثر على نفسيتك، وركزي على نفسك وحياتك..كل حاجة نقدر نرجعها تانى تقدرى تكملى تعليم عادى وهتنجحى فى دا.. ولو حاسة إنه متحكم بزيادة، لازم تاخدي موقف وتحطي حدود واضحة معاه انتى واخواتك.. كمان حاولي تشغلي نفسك بحاجات تحبيها وما تديش اهتمام كبير لتصرفاته عشان ما يدمرش نفسيتك أكتر. لو مش قادرة تتفاهمي معاه، تجاهليه قدر الإمكان وما تدخليش في صدام مباشر عشان ما يزيدش العناد.. أهم حاجة تكوني قوية وما تخليش حد يتحكم في حياتك بطريقة تضيقك..
تم النشر الأحد، ٢ فبراير ٢٠٢٥
انا اخويا مدمرني خالص عاوزه حد اتكلم معاه ومش لقيه ده كمان صحابي مش بيسمعو حد ووصلت ب اخويا انو يراقب الواتس بتاعي وعرفت انو عامل كده اخويا قالي انا هخليكو مرضى نفسين وفعلا عرف يوصل لمه انا واحده غيري المفروض تكون دلوقتي مخلصه تعليم هو قعدني سنتين ف البيت وهو الأسف عيلتنا من خلاني ل خلاني احنا مش بنكلمهم وهو اخويا بيقول انا مليش كبير واخويا ده اصلا متشدد ف الدين هو فاكر ده تشدد انا وصلت معايا لدرجه اني بقول هو دنيا فعلا منعنا ان كل حاجه حلوه اكيد لا اخويا وحش جدا مدمرني انا عاوزه حد اتكلم معاه ومش لقيه خالص حد 💔
تم النشر الأحد، ٢ فبراير ٢٠٢٥
لعرض الإجابة في فدني اضغط هنا