صور الكتب ديه معايا من ساعت أيام كورونا كل ما أقول هقرأ كتاب فيهم انسى و اقرأ غيرهم و هكذا لحد يومنا هذا
فأنا خلاص عقدت العزم إني اختار واحد منهم بس احترت مش عارف أختار أنهي واحد و كل ما أقول ده حلو يعجبني التاني و حرفياً كل افكارهم شداني 😵💫
لو جربت كتاب منهم أحب أسمع رأيك فيه
و لو تعرف كتب تانية نفس الكلام أحب منك ترشحلي واحد.
و لو وصلت لحد هنا قراءة لسؤالي فأنا أشكرك حتى و لو مش هتجاوب
بس.
العمى وصيد الخاطر ونصيحتي اقرأ كتاب الأب الغني الأب الفقير، وكتاب أنا قادم أيها الضوء للراحل محمد أبو الغيط، الإعلان الإسلامي لبيجوفيتش والإسلام بين الشرق والغرب لنفس الكاتب. الداء والدواء لابن القيم. لغات الحب الخمس. الجريمة والعقاب.
تم النشر الجمعة، ١١ أغسطس ٢٠٢٣
السّلام عليكُم ورحمةُ اللهِ وبركاتُه، كتب جميله جداً اللهمَّ بارك.🩵 1- أنا مش فاهمنى د. حازم شومان 2- قلب عجوز د. محمد الغليظ 3- هرم بلا قمه د. محمد الغليظ 4- لا تندهش د. محمد الغليظ 5- سلم نفسك د.محمد الغليظ 6- أن ربى لطيف القارئ. عبدالرحمن مسعد 7- يوميات مأذون أحمد بدر 8- منارات الحب د. حنان لاشين قِسم كتب الشخصيات 1- مائة من عظماء أمه الاسلام غيروا مجرى التاريخ.. جهاد التُربانى 2- عندما ألتقيت عمر بن الخطاب د.ادهم شرقاوي 3- ثانى الأثنين د. أدهم شرقاوي 4- اتَّخِذُوهُنَّ قدْوَةً عبد الرحمن ابراهيم صقر 5- كعب بن مالك د. محمد حشمت.. 6- ندى تشتكى لعائشه د. إياد قنيبى.. قسم كتب علم النفس 1- سنة أولى نفسية شيماء الجمال 2- جلسات نفسية د. محمد ابراهيم 3- مُحاط بالمرضى النفسيين توماس إريكسون 4- الخروج عن النص د. محمد طه 5- استراحه نفسيه كريم اسماعيل 6_ العادات الذرية تومس كلير قسم كتب تقويه الايمان والتعرف على الله وتعلم أساسيات والتعمق فى الدين 1- من الصفر ياسر ممدوح 2- لأنك الله على بن جابر الفيقى 3- رسائل من القُرآن ادهم الشرقاوي 4- مدينه الأقوياء عمر آل عوضه 5-أداب الطلب فى القرأن والسنه وعند سلف الأمة...سيد بن بيومى 6- تاريخ السيره النبويه والخلفاء الراشدين د. فوزيه بنت عبد العزيز.. 7- الحياه البرزخيه من الموت إلى البعث محمد عبد الظاهر خليفه... 8- الأذكار للأمام النووي 9- فقه السنه المجلد الاول الفتح للأعلام العربى 10- تفسير الربانيين أبى عبد الله 11- 35 مرضاً من أمراض القلوب تأليف أم تميم 12- تيسير الرحمن فى تجويد القران د. سعاد عبد الحميد 13- تفسير العُشر الأخير من القرأن الكريم قسم كتب عن الصلاة 1- أول مره أصلي 2- فاتتنى صلاة اسلام جمال 3- كيف تخشعين فى الصلاة 4- كيمياء الصلاة 5- كيف تتلذذ بصلاة 6- الصلاة عبادة واسرار 7- يابنى أقم الصلاة 8- الصلاة لأبن القيم 10- أسرار الصلاة قِسم كتب العقيدة 1- سلسلة بداية الهدايه الأربع مجلدات 2- 200 سؤال وجواب في العقيده تأليف حافظ بن أحمد الحكمى ... دي كانت رسالة جايباها من صديقة ليا موثوق فيها في كتاب ديني اسمه يوم في حياة النبي ص جميل حبيته دة حاجة عن تجربه شخصية يعني و كتاب اول مرة اصلي هو حلو قرات فيه شوية بس مليت صراحة لان كل المعلومات عن الصلاه وعن اهميتها وعن اننا لازم نطول في الصلاه وكده وكل المعلومات دي انا عارفاها عشان كده مليت وما عرفتش اكمله وبس اتمنى اكون ساعدتك
تم النشر السبت، ٢٢ يوليو ٢٠٢٣
بص في كتاب ديني جميل جدا اسمه لانك الله وده بيتناول كل اسم من اسماء الله الحسني بشكل جميل جدا وفيه كتب الدكتور أحمد خالد توفيق وفيه كتاب اسمه احلي حياة حلو للسعادة والرضا
تم النشر الخميس، ٢٠ يوليو ٢٠٢٣
صيد الخاطر - لابن الجوزيِّ، رحمه الله. ولن تعدم خيرًا.
تم النشر الخميس، ٢٠ يوليو ٢٠٢٣
ارض العميان او العمي سارماجو .. يالهوي ع الاكتئاب الخام يا ولاد .. ايوه قريته و عرفته اصلا من كتابات كاتب مصري اسمه احمد خالد توفيق ، بس بيحتوي علي تجربة و فكرة يستاهل . الباقي لاء مقريتهمش بس في الخطة
تم النشر الأربعاء، ١٩ يوليو ٢٠٢٣
اقرأ صيد الخاطر لابن الجوزي
تم النشر الأربعاء، ١٩ يوليو ٢٠٢٣
و على فكره يعني أنا مش هبدأ فيهم على طول أنا هخلص الكتاب اللي معايا و أبدا فيه بس الفكره إني اجيبوا بس علشان احطو قدامي ومنساش 😅
تم النشر الأربعاء، ١٩ يوليو ٢٠٢٣
لعرض السؤال في فدني اضغط هنا