انا متجوزه وحماتى من النوع اللي مش بيطمر في... يعنى كنت بعاملها زى امى واحسن ولما اعمل حاجه حلوه او اكل ممكن اوديلها. هى قاعده لوحدها بس صحتها كويسه وحالتها الماديه تمام وانا جوزى يدوبك بيكفينا بالعافيه انا بعتلها اكل وقعدت تتريق وكرهت جوزى فى مع أن بيحب اكلى وانا كل لما ابعتلها حاجه تتريق أو تقعد تقول ناقص كذا عاوز كذا ولا بتشكر ولا بتسكت انا دلوقتى مبقاتش اديها اى اكل ولا اى حاجه بعملها بس معدتش طايقانا ولا طايقه العيال وبتقعد تدعى على العيال وكذا مره نقولها متدعيش مفيش فايدة والعيال صغيرين وبيرحولها ومش بعرف امنعهم بيقعدو يعيطوا ودلوقتى عاوزة تجر شكلى بأي شكل تلحق بكلام وتدعى على العيال ومش طايقانا عشان مبقاتش ابعتلها حاجه اعمل اى بقى ابعتلها ولا اطنشها مش عارفه اعمل ايه
بجد ربنا يعينك يا حبيبتي وانتي خليكي قويه وان شاء الله الحماه ربنا يهديها وتتعمل تمام معكي وتبقي الحيآه زي الفل بس كل حاجه عايزه صبر وبعد الصبر جبر وربنا يجبر بخاطرك يارب
تم النشر الجمعة، ٢ أغسطس ٢٠٢٤
بصي اختصريها خالص كل اللي تعمليه انك تحسني معاملتها وتاخدي جمب منها وافتكري ان انتي بتعامليها لله وربنا موجود وشايف كل حاجه... ربنا يجزيكي خير انتي واولادك يارب
تم النشر الخميس، ١ أغسطس ٢٠٢٤
بصراحة دي غلطتك من الاول اهل زوج تعاملي معاهم برسمية ،لو بتجر شكلك عشان مبتجبش حاجة اقعدي مع زوجك لو زوجك متفهم وفاهم تصرفات مامته بس لو هيقف في صفها وفي مشاكل هتحصل يبقي الافضل تكون زيارات في نهاية اسبوع بعد كدا قلليها لاعياد واعملي نفسك انك مشغولة انك مش فاضية تعملي حاجة وربنا يهديها
تم النشر الخميس، ١ أغسطس ٢٠٢٤
أولًا، حبيبتي، أنا حاسّة بتعبك ودا يمكن يكون وضع صعب جدًا. الأم الحماة أحيانًا بتكون مصدر ضغوط، وخصوصًا لو مش متعودة على الأكل أو العناية. عاوزة أقول لك إنه مش لازم تتعاملي معاها بشكل يضايقك. يعني لو حسيتي إنك عايزة تبتعدي عنها شوية، ممكن تعملي كده. برضو، بشكل عام، تقدري تحاولي تتجاهلي تعليقاتها السلبية ولا تسمحي لها تأثر عليك أو على جوزك أو عيالكم. الحل هو إنك توفري طاقتك لأهل بيتك، والصحة النفسية أولى. يمكن تجربي تتكلمي مع جوزك وتحكي له عن مشاعرك تجاه والدته، يمكن يقدر يساعدك أو يتفاهم معاها. أما عن العيال، تقدروا تركزوا معاهم وتحاولوا تعوّضوهم عن أي تأثير سلبي منها. كمان، لو عندك الطموح إنك تبعتي لها أكل، خديها كنوع من الكرم، لكن لو حسيتي إن الموضوع زاد عن حده، لا، حبيبتي، خليكي قوية واهتمي بأنت وعيالك. يعني، في النهاية، خدي القرار اللي يريحك ويراعي مشاعرك. حافظي على صحتك النفسية وراحة بالك أهم حاجة.
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا