بصو يا جماعه انا عندي واحده صحبتي من و احنا اطفال حرفيا، بس عمري ما خدت بالي أن هي غلاويه أو عمري ما خدت بالي من عيوبها خالص بس الفتره دي بعد ما نضجنا شويه بدأت الاحظ قد ايه هي انسانه سيئه، عمتا بتبصلي في كل حاجه بعملها و كل ما اكون احسن منها سوأ كان في درجات أو في علاقات بتغل مني و بيبان من تصرفاتها و نظراتها و بجد انا تعبت منها اوي، موقف من المواقف، كل ما اصاحب "ولد" تروح تلف عليه أو تحاول تكلمو أو تفضل تبصلو و تعمل حركات غبيه كدا، فا انا فعلا مش قادره افهمكم وجهة نظري بس الكل بيقول عنها مش كويسه حتي امي مبتحبهاش، عاوزه ابعد عنها بس معرفش ازاي
بمجرد إنها تعمل موقف من مواقفها السيئه واجههيها مباشرة بالموقف الذي تفعله حاليا والمواقف القديمه وأخبريها أنكِ تريدين التوقف عند مصادقتها وإبتعدي عنها . لكن لفت إنتباهي جمله ( كل ما أصاحب ولد ) لعل السؤال دا يكون سبب في إعاده تفكيرك للأمور فالعلاقة بين شاب وفتاة بقصد الزواج أو غيره علاقة محرمة؛ لأنها تؤدي إلى الحرام كاللقاءات والاختلاط والنظر والخلوة، والبيوت تؤتى من أبوابها؛ فمن أراد الزواج فليخطب المرأة من أهلها. وعليكِ بالتركيز في دراستك و مصادقه الصحبه الصالحه التي تجذبك للقرب من الله ومن الإجتهاد في الدراسة
تم النشر السبت، ٣٠ مارس ٢٠٢٤
اولا النوع ده من الناس قربك ليه مش مفيد دا مضر لانو بيستنذفك تماما وبيحبطك وبيكسر مقاديفك دايما كان عندي صاحب كده من وانا صغير وخدت بالي انو غلاني جدا وحقود وميحبش اكون احسن منو فحاجه ولا يحبلي الخير انا حاولت اغيرو مره واتنين منفعش خلاص مع السلامه ومن بعدها حياتي بقت احسن بكتير جدا مكنتش متخيل أن حياتي هتتحسن او كده عشان بعدت عن شخص فانت روحي قوللها انا خدت بالي انك الفتره الي فاتت كذا كذا ويستحسن نخلي العلاقه مبينا سلامو عليكو وعليكم السلام عشان ميحصلش مشاكل ومترديش عليها واقفلي الشات انما النقطه الثانيه كل ما تكلمي *ولد* الكلمه دي استفزتني اوي اولا العلاقه الي بدايتها مش بترضي الله نهايتها مش هترضيقي دا اولا ثانيا مفيش راجل وراجل بجد بمعني الكلمه هيرضى يكلم بنت بدون رابط شرعي ومن ورا اهلها انا لو ليا اخت وعرفت انعا بتكلم ولد هروح اكسر عضمو واوريه الرجاله الي بجد بتخاف على محارمها ازاي فا ابعدي عن السكه دي عشان نهايتها مش حلوه في واحده من كتر ما كانت كده بعتت صور للولاد وهددوها بيها لدرجه ان هما زنو معاها عشان مينشروش الصور فا ليه تحطي نفسك تحت امر عيل برياله مش شايل مسؤليه ثانيا رينا خلق فينا الحب فطره وانجذاب الولد للبنت والبنت للولد دا فطره بس الدين مسبناش كده الدين قومو بروابط شرعيه عشان ربنا عارف ان لو مفيش روابط شريعيه هيحصل مشاكل فربنا عايزنا نعيش افضل حياه فا جعلنا حلال وحرام وربنا هيدينا ويهديكي وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ
تم النشر الأحد، ٣١ مارس ٢٠٢٤
علاقة الصداقة مش علاقة دم يعنى مش مجبرة تفضلى على علاقة بيها بالتدريج قللى تواجد معاها و لما تسألك قوليلها ماما مش بتوافق انزل مع صحابى دلوقتى او بتزعقلى لما تتصل بيكى اقفلى معاها على طول ...رايحة اساعد ماما او اذاكر او اى حاجة واحده واحده هتفهم
تم النشر السبت، ٣٠ مارس ٢٠٢٤
بصي هو أول حاجة هنصحك بيها متصاحبيش ولاد عشان ده حرام جدااوعيب بجد وبتبقى سمعة مش تمام للبنت حتى اسألي الولاد شخصيا، ثانيا انا فاهمة قصتك لانها اتكررت كتير فالمسلسلات والسوشيال ميديا فعاوزة اقولك انه ممكن بسبب اللي بتشوفيه على مواقع التواصل الاجتماعي اتهيألك انها كده،صدقيني ممكن يكون سوء ظن منك أو دخلة شيطان، عشان كده لو عاوزة تبعدي عنها انصحك انك تعاتبيها الاول وقبل ده كمان تستخيري ربنا هل هي صحبة صالحة ولالا،وربنا يرزقك بالصحبة الصالحة بس صعب بجد انك تسيبي صاحبتك اللي معاكي من ايام الطفولة 🥺🥺🖤اوعي تفرطي فيها لسوء تفاهم
تم النشر السبت، ٣٠ مارس ٢٠٢٤
لعرض السؤال في فدني اضغط هنا