حاسه اني تايهه وسط ناس واحده بتعرف تغني و لقت شغفها و حلمها تكون مغنيه وواحده تانيه بتعرف ترسم و حوليه ناس كتير موهوبين و عارفين طريقهم و شغفهم و موهبتهم لكن انا معرفش انا بحب ايه معرفش اغني و لا ارسم و جربت حاجات كتير تعبانه اوي و بفكر كتير مش متخيله نفسي في مجال اي ؟ نفسي اعرف ايه موهبتي نفسي اوصل لاني اعرف انا ايه اللي بيميزني عن غيري و اقدر انميه و اطوره و ارسم حلم حياتي و هدفي فاعرف اعيش صح ... نفسي اعمل كده بس مش عارفه
هل جربتي تتعلمي كروشيه او تروكو او ممكن تاخدي كورسات من النت ازاي تصممي ازياء اوجربي تتعلمي مونتاج او حاجات الكومبيوتر ممكن تلاقي موهبتك فيها ولكي كل التوفيق ☺️
تم النشر الخميس، ٢٢ ديسمبر ٢٠٢٢
بصي يا اختي كل واحد عنده موهبه او مواهب ومميزات بتميزه عن اي شخص تاني فا مثلا انت بتحبي الرسم وانصحك تكملي فيه بصراحه +تاخدي كورسات مثلا برمجه ، انجليزي ، جرافيك ديزاين ، تسويق ، كتابه مقالات . وكده او اي حاجه زي تعلم لغات انتي بتحبيها بس الاهم من كل ده قبل ماتبدئي في اي حاجه لازم تكوني واثقه في نفسك ومن قدراتك و استعيني بالله في كل حاجه بتعمليها سدقيني هيفرق معاكي جدا وبس وشكرا على وقتك الثمين
تم النشر الخميس، ١٩ يناير ٢٠٢٣
متنشغليش بالنظر على اللى حواليكى واهدافهم عشان تقدرى تشوفى نفسك وتوجهاتها واهدافها الاكتشاف بيجى بالتجربة والاكتشاف بس بلاش نشوف التجربة عبء ونستمتع برحلة الاستكشاف بالمناسبة الرحلة ملهاش حد فى الوقت بتاعها .. الاستعجال واحساسك انك متأخرة ده مش هيساعدك انك تكتشفى نفسك . لو حابه تعملى ده بشكل اسرع واقرب للنتيجة...الجأى لشخص متخصص تخصص الكوتشينج يقدر يساعدك فى الرحلة دى بشكل اهدى لان فى طرق للاستكشاف توصلك باستكشاف طبيعة شخصيتك .
تم النشر السبت، ٧ يناير ٢٠٢٣
عشان تتعرفي علي نفسك سافري او تخروجي لوحدك او تجربي حاجات كتير..كده هتتعرفي علي شخصيتك و تفهميها و هتعرفي انتي بتحبي ايه ❤
تم النشر الثلاثاء، ١٨ أبريل ٢٠٢٣
ايوه بس انا حاسه اني فيه حاجات مبقدرش اعملها حاسه اني معرفش نفسي كويس و صعب اووووي اوووي التعرف عليه
تم النشر السبت، ٧ يناير ٢٠٢٣
جربي حاجات كتير زي التصوير مثلا او الدبلجه مثلا احد ماتعرفي اي موهبتك لازم انت اللي تكتشفيها 🤍
تم النشر الجمعة، ٦ يناير ٢٠٢٣
لعرض السؤال في فدني اضغط هنا