انا عندي 18 سنه معايا زميلي في الجامعه اكبر مني ب 3 سنين هو انا حاسه اني بقيت بحبه طول الوقت بفكر في حتى ف أحلامي مبيسبنيش بس مفيش بينا كلام نظرات بس هو مش مرتبط عامة بس انا مش قادره اعتبره موضوع عادي وان دي نظرات عاديه لاني بشوف ف عينه حاجه بتشدني ليه اوي دي اول مره يحصل معايا كده انا مكنتش بحب فكره الارتباط والحب دي وهي دي مشكلتي دلوقتي اني مكسوفه اوي ادخل اعترف له بحاجه ودايما كنت بكره فكره ان البنت هي اللي تعترف لانه ممكن يشوفني مش كويسه ف انا مش عارفه اعمل اي ولا اتصرف ازاي هو مش عايش ف نفس بلدي واخر سنه ليه معايا ف الجامعه يعني انا خايفه افضل مخبيه ويمشي ومعرفش اشوفه او اوصله تاني وهو حد كويس جدا ومحترم ياريت تفيدوني
نصيحة لا هو لما يبدأ هايقدر قيمتك ويحافظ عليكى لانه هايكون بيحبك زى مابيقولو الثقل صنعة والواحد لما بيختار بيختار بعقلة مش قلبه يعنى يختارك بعناية الحب خلق للأنثى والأنثى لم تخلق للحب ادعى ان هو يكون من نصيبك لاكن الاعتراف هايبقى فى احتمالين ممكن تلاقى بيبدلك نفس الشعور وممكن لا فبلاش تكسرى نفسك صلى وادعى ربنا وربنا ينولك إلى فبالك ويجعلو من نصيبك
تم النشر الأحد، ٢٧ أكتوبر ٢٠٢٤
السلام عليكم، بصي هو أولًا، الحب مش بالنظرات ولا حتى بالكلام. اللي بيحب بنت فعلا هيكون صريح وياخد الخطوة الصح ويروح يتقدم لها ولو هو مش مستعد للزواج مش هيحاول يقرب لها ويعلقها به وهو عارف إن فيه احتمال ميعرفش يتزوجها خالص وهتكون أغلى من إنه يصاحبها ويمشي معها في علاقة غير شرعية. وممكن قوي تكون النظرات اللي بتحسي فيها بحاجة بتشدك مش مقصودة وتكون مشاعرك هي اللي واهماكِ بكده. ثانيًا، انتِ لسه 18 سنة يعني صغيرة وما زلتِ في فترة المشاعر فيها بتكون متقلبة وبتحسي إن الدنيا وردية وده الحب الحقيقي اللي متقدريش تعيشي من غيره. بس في الأغلب مشاعر الفترة دي بتختفي مع النضج وحتى صورة فتى الأحلام ومواصفاته بتتغير مع كل سنة بتكبريها وشخصيتك بتنضج فيها فخليكِ على كبريائك واوعي تاخدي خطوة متهورة وتروحي تعترفي له. لو هو كان بيحبك فعلا هيتقدم لك حتى لو كانت مجرد خطبة لحد ما يستعد للزواج وحتى لو ترك الجامعة وابتعد هيعرف يوصل لبيتك بطريقة ما. بلاش تسمعي لوسوسة الشيطان ومبرراته عشان يخليكِ تتهوري وتاخدي خطوة مش صح أبدًا. بالتوفيق.
تم النشر الأربعاء، ٣٠ أكتوبر ٢٠٢٤
اتعلقتي وقلبك مال ودوبك الحب و عقلك عليك صار يحتال ما حد يلومك على فطرتك كانسانه على مشاعرك طبيعي جدا اللي بتمري بيه خصوصا اني من عمرك وفاهمك بس اللي انتي ليسا ممكن ما تفهميه « الحب يلغي العقل» لو انتي في سنك ده وحبيتي طيب ماشي قلبك مال لكن انتي عرفتي منين انه بيحبك الراجل على فكره مش شرط نظره ليك يكون مؤشر إطلاقا الا بقى لو متعمد طيب افترضي انتي انه حبك هقولك هو قدامه طريقين يا يكون راجل بمعنى الكلمه وربنا رقم واحد في حياته هيبقى مستني تتوفر الفرصه ييجي يتقدملك يأما هيختار يكلمك ويعترفلك وللاسف ده اللي انت عايزه بس يا اختي لو حصل كده من وراه اهلك مش هترضي ربنا انه تحصل تواصل والكلام ده انتي فاهمه ده لو حبك ممكن تكون نظرات إعجاب وما يعرفك كويس فلو كلمك هيكون اعجاب اصل ايش ضمنك بردو ييجي يخطبك اصلا حتى لو قالك بحبك طيب والحل اي هقولك الايمان بفكرة بسيطه « لو نصيبك عمره ما هيضيع منك ولو مش ليك عمره ما هيكون ليك» من الاخر قبل ما تعيشي حاله الحب والغرام وفري على نفسك إنك كإنسانه غاليه انه طريق واحد بس وهو باب بيتك وبلاش هيمنة الحب على عقلك عشان ما تتأخري بدراستك وتضيعي طاقه كبيره جدا اثر التعلق والله زي ما قولتلك مستحيل حد يأخده منك لو نصيبك وكمان افتكري ان الجواز رزق " وما عند الله لا يبلغ الا بطاعته " اللهم بلغت واعلم انك علمتي وقرئتي فاللهم فاشهد
تم النشر الأحد، ٢٧ أكتوبر ٢٠٢٤
لعرض السؤال في فدني اضغط هنا