نفسي احب او ارتبط بي وحدة بس المشكلة عندي مبدء اني متكلمش غير مع الي هخطوبها وانا مرضهاش لاي بنت انها تكلم حد مفيش صلة بينا وانا لسة مش مكون نفسي
كون نفسك الاول و بعدين فكر في الارتباط لان دي مسؤولية وممكن تبدأ تتعرف على البنت صالونات أو تكون من دائرة معارفك بحيث على الاقل تبقى مكون انجذاب لشخصيتها عشان تقدر تفتح باب بينكم للحب و الارتباط بس كل ده ييجي بعد ما تكون انت جاهز تعمل بيت
تم النشر السبت، ١ يونيو ٢٠٢٤
السلام عليكم انت انسان جميل وشاب محترم ان شاء الله ربنا هيقدرك ويثبتك على احترامك مبادئ الدين ومبادئ الشرع وده هيكون باذن الله سبب ان ربنا يوفقك لزوجه صالحه ليك تعينك على فتن الدنيا. انا حابه اقول لك انه الثبات على المبدا مش سهل. واللي بيخليه مش سهل انه بيكون في مقاومه من طالعه من احتياجات النفس ومن الحاجات المحببه الى النفس النفس ليه ربنا عز وجل قال عليه انها اماره بالسوء لانه الاحتياجات بتاعتنا لها طريقه وهي الطريقه الصح الطريقه اللي هي المناسبه للشرع اللي ربنا قرروا علينا وطبعا النفس يعني مش عايزه تستنى ولا عايزه تبقى حاسه انها متقيده فعشان كده بتحاول ايه يعني تقول لك لا اعمل اللي احنا عايزينه وخلاص احنا محتاجين ده احنا عايزين نحس بده فعشان كده غالبا بتامرك بالسوء تقول لك على حاجات غلط ثبات على المبدا تقيل وجهاد النفس. صعب ان شاء الله على قد ما انت هتفضل ثابت على مبداك على قد ما ربنا باذن الله هيحطك في مكانه جميله جدا في الدنيا وفي الاخره باذن الله وعايزاك تفتكر دائما يتقي الله يجعل له مخرجا يعني انت طول ما انت واخد بالك كده انك تراعي ربنا في تصرفاتك فتلاقي في عز الازمات اللي ممكن تواجهك في الحياه ربنا يوجد لك مخرج ليه عشان انت في مواضع. كنت بتتقي الله ان شاء الله ربنا يثبتك. وخليك على مبداك ما تتكلمش معه اي بنت طالما مفيش سبب يستدعي ده طبعا التعاملات العاديه في الحالات تستدعي احنا في مكان عمل او احنا في مكان بنعمل عمل الخير مثلا فاحنا بنتعامل كلنا كمجموعه فلازم نتكلم ونقول هنعمل ايه؟ والحاجات اللي في اطار الشيء اللي احنا مجتمعين عليه ما فيش اي مشكله خالص لكن التعرف الشخصي هو اللي زي ما انت فاهم كده وزي ما انت ان شاء الله هتكمل وتثبت على مبداك وعلى الشرع لو احتجت تتعرف عليها شخصيا فتطلب انك تتعرف التعارف ده وسط الاهل وهي دي الخطوبه والموضوع مش محتاج يكون بشكل كبير بقى وموضوع كبير لا الشرع بيقول ان الخطوبه دي معموله عشان نتعرف على بعض بشكل شخصي ونتقابل وسط الاهل وبناء عليه. مناسبين لبعض ولا لا حتى لو انت مش جاهز بشكل كامل تقدر تقول انك محتاج الفتره دي علشان تختار الزوجه اللي هتناسبك وانت في مرحله انك تجهز نفسك. ان شاء الله ربنا يقدر لك ناس يسهر عليك الامر وتقدر تعمل ده.
تم النشر الأربعاء، ٢٩ مايو ٢٠٢٤
فهمت مشكلتك كويس جداً يا صديقي. بص، انت عندك مبادئ وأنا أحترم ده اوي، بس خلينا نتكلم بصراحة شويه. الحب والارتباط مش دايماً بييجوا زي ما احنا مخططين. ساعات لازم نسيب نفسنا للطبيعة وتلاقي الشخص اللي يناسبك بدون ترتيب مسبق. الاحترام والصدق حاجات مهمة في أي علاقة، وأنا بقدّر انك مش عايز تأذي مشاعر أي بنت. بس كمان افتكر انك تعرف البنت كويس قبل ما تفكر في الخطوبة ده شيء طبيعي ومهم. مش لازم تكون العلاقة سطحية أو بدون هدف، ممكن ببساطة تكون صداقة تستكشفوا فيها بعض وتعرفوا انتو مناسبان لبعض ولا لأ. نصيحتي ليك، خليك مفتوح للتواصل بشرط انه يكون باحترام وحدود معينة. واصرار انك "تتكون نفسك" ده حاجة عظيمة، بس برضه مش مهرب من انك تلاقي حد يكمل معاك مشوار حياتك وتساندوا بعض. اتمنى تكون نصيحتي وضحت الفكرة ليك. وخليك هادي ومطمئن ان الأمور هتمشي زي ما ربنا كاتبلها.
تم النشر الثلاثاء، ٢٨ مايو ٢٠٢٤
امين
تم النشر السبت، ٦ يوليو ٢٠٢٤
حابب اقولك انك في نعمه كبيره اووووووي كوني مترتبطش ولا تخوض صراع محسوم انه هيدمرك انت او هي لانك عمرك ما هتثق في حد خان اهله عشانك وهتجيلك وساوس فانت بجد ربنا يحميك
تم النشر السبت، ١ يونيو ٢٠٢٤
اها يخويا بيقولك عند حدوث فتنة او فساد في الزمان ارجو تفسرها علمين مش برأيك علشان استفاد ومافتيش تاني انا علمي قوليل وممكن استفاد منك
تم النشر السبت، ١ يونيو ٢٠٢٤
بص يخويا متقولش مستحب دى من غير علم ودراسة للموضوع وممكن تقرأ الفتوي دى عشان تتأكد أنه فرض https://www.islamweb.net/ar/fatwa/8287/حكم-النقاب-والأدلة-على-وجوب-الستر
تم النشر السبت، ١ يونيو ٢٠٢٤
اولا النقاب مش فرض انما يستحب واطمن يخويا انا اصلا الي هخطبها انشاء الله هتكون منطقبة وثانيا انت متعرفنيش انا اولا شخص مبيتعملش مع الحريم قويا ومش بحب اسلم عليهم حتي فاكيد وموضوع اجنبية عني انا عارف حتي ابويا كان مشغلنا التلفزيون علي الاحاديث كل يوم وانا بحاول ادرس ديني من كل النواحي
تم النشر السبت، ١ يونيو ٢٠٢٤
صاحبي احب اقولك انك حتي في فترة الخطوبة مينفعش تتكلم مع خطيبتك أصلا إلا بحدود لأنها هتكون لسه أجنبية عنك ونصيحة مني ليك اوعي تخطب واحدة مش منتقبة او حتي مترضاش أنها تنتقب لأن ربنا سبحانه وتعالى أمر النساء بستر جميع الجسد ف دى هتبقا تاركة فرض
تم النشر الخميس، ٣٠ مايو ٢٠٢٤
لعرض السؤال في فدني اضغط هنا