انا بعاني من اكتئاب حاد شديد مدمر حياتي من 5 سنين رحت لدكتور مخ واعصاب تخصص نفسي
كتب ادوية كتيرة كنت بداوم لفتره وبنقطع وبرجع تاني ليها بسبب الانتكاسات
أفكار الانتحار ملحه بشكل جنوني، نفذت واحده منهم بس اتراجعت من الخوف. مدمرة تماما ومش لاقيه حل، ومش مقتنعه بالعلاج السلوكي لأنه صعب اتكلم بسهولة
اعراضه هدتني جسمانيا وروحي بيتم سحبها ببطء. هل في اقتراح؟ اخد جلسات كهربائيّة، وارجع تاني للدواء؟
مفيش اهم من العلاج الديني لان محدش هيقدر يساعدنا زي اللي خلقنا هي نقطة غير علمية اكيد بس حسب الفطرة بتاعتي بحس ادوية الاكتئاب دي فيها حاجة غلط هي ممكن بتهدي او تسكن او تغير حاجة لكن برضو الاكتئاب مش مرض عضوي ده مرض نفسي ومفيش حاجة تهدي النفس زي الصلاة والقران والصوم وعشان تعملي كدة لازم تسمعي محاضرات تفهمي فيها دينك وتعرفي ان ده مش حال المسلم وان المسلم مينفعش اصلا يكتئب سيبك من العلم الحديث كل ده بالنسبالي انا مسميات عندك على اليوتيوب الشيخ سمير مصطفى وايمن عبد الرحيم وعلاء حامد ادخلي على اي حد واتفرجي عليهم واسمعي شوية في امور الدين واقراي قران وادعي ربنا يخرجك من الكرب ده وواظبي على اذكار الصباح والمساء ياريت متكسليش نفسك وتشدي همتك من تاني طالما لسه ربنا مديلك صحة وعافية واحمدي ربنا على اي حال انتي فيه اسال الله العظيم ان يفرج همك ويفك كربك ويصلح حالك
تم النشر الأربعاء، ٢٥ سبتمبر ٢٠٢٤
ربنا يشفيكى ويعافيكى.. يجب التحدث مع معالج نفسي و هو من يحدد إن كنتى حالتك تحتاج علاج منتظم أم فقط بعض الجلسات قد تشفيكى تماما إن شاء الله. و سوف تشعرين بالراحه بعد تحدثك مع معالج.. تكلمى في كل ما يضايقك و سوف تتحسنى قريبا إن شاء الله.
تم النشر الأربعاء، ٢٥ سبتمبر ٢٠٢٤
ربنا يشفيكي ويعافيكي عاجلا غير آجل. الإكتئاب دا نتيجة او عَرَض مش سبب فلازم الأول نشوف السبب ونبدأ نعالجه وناخد حاجات كدا بسيطة تخفف من حدة الإكتئاب لكن ماتعتمديش اعتماد كلي على الأدوية لإن أدوية الإكتئاب دي بالذات مضرة جدا جدا على العقل وعلى الجسم كله خصوصا لو اخدتيها بدون اشراف الدكتور وهو اللي يديكي الجرعة وهو اللي يسحبها لإن ليها أعراض انسحاب شديدة يعني حتى لو الإكتئاب راح تماما ووقفتي الادوية فاجأة هترجعي تنتكسي تاني بسبب اعراض انسحاب الأدوية اللي أخدتيها. وانا كمان شايفة ان العلاج السلوكي الجدلي هيساعدك؛ لإن في العملية دي بيتم طرح موضوع ويبدأ الدكتور يصحح مفاهيمك عن الموضوع دا ومابيكونش عدواني خالص، بالعكس بيكون ودي جدا ومتفاهم وهيقبل أي حاجة هتقوليها لإن دا واجبه أصلا ويبدأ يعدل حياتك واحدة واحدة وممكن تتحسني بالطريقة دي لوحدها بدون أدوية، مع ذلك لو الموضوع شديد هيديكي أدوية تساعدك. والخطة دي هيقوم بيها دكتور الأمراض النفسية أفضل بكتير من دكتور المخ والأعصاب. لكن نصيحة مني بلاش تعتمدي على أدوية الإكتئاب لإن ليها أعراض وحشة كتير، خليها بس تساعدك بجانب العلاج السلوكي.
تم النشر الثلاثاء، ٢٤ سبتمبر ٢٠٢٤
أختي العزيزة، أولاً، أود أن أعبّر عن تعاطفي الشديد مع ما تمرين به. من الواضح أن ما تعانين منه هو تحدٍّ كبير يؤثر على حياتك بشكل عميق. مشاعر الاكتئاب والأفكار الانتحارية هي أمر خطير يتطلب العناية الجادة والفورية. أوصيك بشدة بأن تعيدي التواصل مع الطبيب النفسي الذي كنت تتلقين العلاج معه. لا تترددي في إخباريه بكل ما تشعرين به، بما في ذلك الانتكاسات التي تعرضت لها وأفكار الانتحار. هناك طرق علاجية متعددة، ومن الممكن أن يكون هناك خيارات أخرى تناسب حالتك بشكل أفضل، سواء كان ذلك عن طريق تعديل الأدوية أو من خلال العلاج بالصدمة الكهربائية، الذي يمكن أن يكون مفيدًا في بعض الحالات. بالنسبة للعلاج السلوكي، اعتقدي من فضلك أنه ليس بالضرورة أن يتطلب التحدث بسهولة. المعالجون مدربون على التعامل مع جميع أنواع الحالات، ويستطيعون مساعدتك في تجاوز الحواجز التي تشعرين بها. حتى إذا كانت الجلسات صعبة في البداية، فقد يكون لها تأثير ملحوظ على حالتك النفسية مع الوقت. من المهم أيضًا أن تبحثي عن دعم من الأصدقاء أو العائلة، حتى لو كان ذلك في صورة محادثات بسيطة. الحياة ثمينة، وأنت تستحقين المساعدة. لا تترددي في طلب المساعدة، واعتني بنفسك. تذكري أنك لست وحدك في هذا، وهناك موارد ودعم متاح لك.
تم النشر الثلاثاء، ٢٤ سبتمبر ٢٠٢٤
أنا كنت زيك بالظبط بس حاولت اتخطي المرحله دي هيا الأدوية مسببه مشكله بس أهم حاجة العزيمه انك تكملي العلاج وافضل علاج انكي تسمعي قرآن وتسمعي الرقيه الشرعيه وحاولي تقعدي مع اهلك ومتسبيش نفسك لوسواس الشيطان والي بينتحر بيموت كافر كل واحد فينا بيمر بظروف نفسيه فيه الي بيقدر يتغلب عليها وفيه الي لا
تم النشر الثلاثاء، ٢٤ سبتمبر ٢٠٢٤
لعرض السؤال في فدني اضغط هنا