هل الزواج قدر معلوم أنا شاب بدور علي عروسه ليا بقالي سنتين مش لاقي هل دا نصيب
سؤالك غريب جدا .. كل شئ نواجهه في حياتنا بيكون بقدر الله سبحانه وتعالى مش الزواج بس وقدر الله سبحانه وتعالى هو الخير للإنسان نحن نسعى لتحقيق اهدافنا ونبحث عن ما نراه الاصلح لنا ولكن لن ننال الا ما قدره الله لنا حضرتك بتدور بقالك سنتين ومش لاقي ده مش معناه انك مش هتلاقي اطلاقا بالعكس ربنا بيهيئ لك ويهيئك للوقت المناسب وللانسانه المناسبه مش معناه انك تتوقف عن البحث ولكن ممكن تراجع مواصفاتك ومعايير اختيارك ممكن تكون بتدور على مواصفات مش موجوده في حد او مواصفات مثاليه بزياده ممكن تتنازل عن بعض الامور الغير جوهريه قد يكون ده احد اسباب انك مش لاقي حد كمان ادعي كثير جدا بدعاء ( رب إني لما أنزلت إلي من خير فقير ) وربنا يرزقك الزوجه الصالحه
تم النشر السبت، ٧ يناير ٢٠٢٣
هو اكيد قدر ونصيب ربنا كاتبهواك لشخص معين وفي وقت معين وتأكد انه خير ربنا شايله ليك فتخيل انك ارتبط بحد والموضوع متمش بس ساب في مشاعرك فراغ او الم ف تأكد ان كل تأخير في انك تلاقيه زوجه كويسه ده رزق ربنا شايله ليك وبيبعد عنك بيه شر
تم النشر الأربعاء، ١١ يناير ٢٠٢٣
كل شىء قدر ...وكل شىء علينا السعى له فقط ويقدره الله وقتما يشاء لنا ان يقع القدر وبالاخص الميلاد والموت والزواج لهم مقادير محدده جدا واه اكيد انك لسه لم تتوفق للزواج يبقي لسه سعيك لم يرد الله له ان يوقع القدر المكتوب بامر الزواج اسأل الله العون والرزق واكثر من الصدقات ويسر على غيرك فى امورهم...لعل الله ييسر لك به امرك باذنه.
تم النشر السبت، ٧ يناير ٢٠٢٣
الاثنين نصيب وسعى لانك لو سعيت لحد مالكش نصيب معاه ربنا هيوقف
تم النشر الخميس، ١٢ يناير ٢٠٢٣
أكيد طبعاً يا صديقي هو 100% قدر.. عن النبي صل الله عليه وسلم قال: الدنيا زاد وخير زاد الدنيا الزوجة الصالحه" فبالتالي اذاً الزوجة هي من نعم وأرزاق الله سبحانه وتعالي علي البني آدم.. هل عمرك شوفت واحد بيقولي انا هصحي الصبح بدري عشان نازل ادور علي زوجة؟! مفيش طبعاً الكلام ده اذاً هي رزق، أنت كل ما عليك أنك تسإل رب العباد بقلب صافي ونضيف انه يرزقك بزوجة صالحه تعينك علي الدنيا وتكون سبب في فوزك بالأخرة كمان.. يبقي حتي لو الرزق ده اتأخر أحمد الله علي التأخير أحسن ما تدخل في تجربة فاشله وساعتها هتكره نفسك وتكره الدنيا بما فيها واسأل مجرب انا دخلت في تجربة زواج فاشلة استهلكتني لمدة 5 سنوات اللي هي كانت معايا فيهم كانت حياتي جحيم وحتي بعد الطلاق فضلت مستمره في اذعاجي ووجعي ليومنا هذا.. لحد ما ربنا شاء ليا انه يرزقني بزوجة جديدة جاتلي كتعويض عن كل سنين الآلم والوجع اللي عشتها وتقولي عرفتها ازاي، اقسم بالله اقسم بالله رزق وقدر بحت وبدون اي مجهود مني كل الحكاية اني طلبتها من رب العباد بقلب صافي فوهبني سبحانه وتعالي البنت دي.. أتمني أني أكون قدرت اساعدك وأقرب عليك المسافات واقفل باب الشيطان اللي بيحط في دماغك اي افكار سلبيه وبأذن الله تعالي نباركلك في القريب العاجل علي رزقك بزوجة هينه لينه مطيعه وتُعينك دنيا وأخره 🌷🖤
تم النشر السبت، ٧ يناير ٢٠٢٣
مستحيل يكون قدر ومتدورش عليه لان نصيبك هيجيلك من عند الله سبحانه تعالي لان ممكن نصيبك يكون قدامك طول الوقت وانت مش شايفه استعن بالصبر والصلاه والدعاء وربنا يكرمك لكن موضوع ان الزواج قدر لا مظنش لان ف ناس بتبقي بتبحب بعض وبيتجوزا د اسمه نصيب وليس قدر
تم النشر الأحد، ٨ يناير ٢٠٢٣
الزواج اختيار وتفاهم مش قدر ولا نصيب ولا كلام من ده
تم النشر الأحد، ٨ يناير ٢٠٢٣
لعرض السؤال في فدني اضغط هنا