تم بفضل الله ورحمته اخر امتحان بالثانوية العامه 2024 لي اليوم... وقد كانت فتره عصيبه الفتره السابقه من ضغط ووسواس وخوف فاللهم لك الحمد أنها فاتت بفضل الله.
هو قد ايه الواحد المفترض يأخد اجازه وهل من طبيعي اننا نقعد على النت او نقضي وقتنا في ضياع
عارف ان ممكن يكون غريب ان حد ما يحب الراحه هو اكيد لا يحب التعب كذالك بس الفكره اني مش حابب اعيش مستهلك نفسي استفيد من حاجه في ديني وتوعية عقلي وفي نفس الوقت ارتاح خصوصا اني مش عايز افكر في النتيجة او على الاقل اقلل التوتر فازاي نوازن حياتنا وما ندمر عقلنا من استهلاك السوشيال ميديا لانه طبعا بدمر التركيز فأزاي نستخدمه في توازن ومتعه.... وشكرا لكل اللي يفيدني 🌷
اولا مبارك وعقبال ان شاء الله النتيجه وتكون مجبور الخاطر ❤️❤️ وبصراحه انا فخوره بيك اوي انك مش حابب تضيع وقتك وانك بتقول ممنوع استهلك نفسي بالكدب ربنا يكرمك ويزيدك ان شاء الله ثانيا بص ارتاح خالص الفتره دي خليها هدوء ع اي ما تقدر بشكل مبدئي يعني انت شوف نفسك انت بتحب تعمل اي واعمله لو متاح سفر خد كم يوم هناك المهم غير جو ممكن ل اسبوع او اكتر بعدين بقا تعالي الاجازه حاول لو حابب مجال البرمجه تاخد كورس Web development دا عفكره شغله مطلوب اووي ف مصر ومعظم الناس اللي من بره كليه حاسبات بتدخل ف مجالنا من الكورس دا وممكن تظبط الانجلش بتاعك والاهم تعمل ورد يومي من القرآن واذاكار الصباح والمساء وانك ممكن تنزل كتب في فونك دينيه وممكن كتب تاني ف تطوير الشخصيه حسب انت محتاج اي بس افضل الكتب الدينيه وبس كده ربنا يوفقكم جميعا ان شاء الله ❤️❤️❤️❤️❤️❤️❤️❤️❤️❤️❤️
تم النشر الخميس، ١٨ يوليو ٢٠٢٤
انا كمان لسه مخلصه ثانويه وحاسه بملل بجد رغم انه يوم بس اجازه بس مش عارفه ازاي استفيد من الوقت دا وحاسه اني مش هعرف أنظم الوقت ولا استفاد بيه بتمنا النصيحه اللي تخليني فعلا اطور من الفتره دي وتكون مفيده بالنسبالي وشكرا مقدما♥️
تم النشر الخميس، ١٨ يوليو ٢٠٢٤
أود أولا أن اهنئك بخصوص انتهائك من الاختبارات واتمنى لك النجاح والتوفيق ...ثانيا رسالتك اسعدتنى كثيرا تعلم لماذا؟ لادراكك بأنك يجب ان تقنن استخدام السوشيال ميديا فلا شك يا عزيزى انك بذلت مجهود فى دراستك فتحتاج لبعض الراحة لتستعيد طاقتك ...ولكن يمكن أن تستمتع بإجازتك بعدة طرق فيمكن ان تقوم بإعداد جدول زمنى وتكتب فيه كل ما يمكن فعله بالاجازة ...وإذا كان سؤالك عن السوشيال ميديا فرغم انها مفيدة الا ان الإفراط منها واساءة استخدامها مضر جدا خصوصا وللأسف أصبح العديد من المحتويات غير لائقة ولا هادفة بل تصدر لنا الوباء وبما انك تدرك ذلك فنصحيتى لك ان تخصص وقت معين لاستخدامها وليكن ساعتين باليوم سواء للتسلية واللعب او الاطلاع او التواصل مع أصدقائك ولا تضيع يومك ولا عمرك فى العالم الافتراضي ويمكنك الاستمتاع بطرق اخرى بالاجازة ..تنزه مع الاهل والأقارب والأصدقاء تقرب من الله.. مارس رياضة تحبها...تعلم مهارة جديدة ...اكتشف موهبتك ونميها ..وغيرها من الأفكار....خلاصة القول من يترك نفسه يغرق بالعالم الافتراضى سيظل ثابت مكانه ولا يتطور ومن يستخدم التوازن بجميع جوانب حياته سينجح وانا من رسالتك اتوقع لك ان شاءالله مستقبل باهر لأننا شعرت بوعيك .....دمتم بخير 🌹
تم النشر الأربعاء، ١٧ يوليو ٢٠٢٤
أولًا، ألف مبروك على انتهاء الامتحانات! ربنا يوفقك وتجيب النتيجة اللي تتمناها. الفترة اللي عديت بيها ما كانتش سهلة، وأكيد تستحق تاخد راحة وتعيد شحن طاقتك 😊. بالنسبة لموضوع التوازن بين الراحة واستخدام الإنترنت، هقدم لك شوية نصايح تساعدك: حدد وقت للشاشة : قرر كام ساعة في اليوم هتقعد فيها على الإنترنت، وحاول تلتزم بيها. مثلاً، ساعة الصبح أو ساعة بالليل. استراحة ذهنية : استغل الوقت ده في حاجات تريح عقلك، زي القراءة أو المشي أو الاسترخاء. اهداف صغيرة : حدد أهداف بسيطة يومية لنفسك: مثلًا قراءة صفحة من كتاب، أو مشاهدة فيديو تعليمي، أو حتى ممارسة هواية مبتحبها. استخدام السوشيال ميديا بذكاء : حاول تتابع صفحات أو قنوات مفيدة، زي صفحات الدينية أو التعليمية، وكمان محتوى جميل وملهم. وقت للتسلية : ما تحرمش نفسك من التسلية الحلوة، بس حاول تكون بتوازن. الألعاب، الأفلام، وحتى السوشيال ميديا ممكن تكون مفيدة بس بحدود. شارك مع ناس تانية : التفاعل مع أصحابك أو عيلتك حول مواضيع تحبها ممكن يكون مفيد ويريحك نفسياً. نصيحة إضافية: جرب التدوين اليومي، حتى لو جملة أو اتنين. ده بيساعدك تفكر في يومك وتشوف إيه الحاجات اللي استفدت منها وأيه اللي محتاج تغيره. افتكر دايمًا إنه الفترة دي مؤقتة، وبعدها هتبدأ مرحلة جديدة باذن الله. خد وقتك للراحة والتوازن واستعد للمستقبل بروح جديدة وإيجابية 🌻.
تم النشر الأربعاء، ١٧ يوليو ٢٠٢٤
حاول تشغل وقتك وتجدد طاقه تبدأ fحاجات جديده ومشجعه حفظ القرآن الكتابه القراءة، مهنه بتحبها اعرف عنها
تم النشر الخميس، ١٨ يوليو ٢٠٢٤
كفارة يا سلمان، موفق بإذن الله. أولًا سأخبرك بما أخبر به أولادي ألف مرة في اليوم، يوجد فارق كبير بين الراحة الاسترخاء وبين استخدام الهاتف. بمعنى الهاتف واحد من الوسائل التي نرفه بها عن أنفسنا، لكن ليس الوسيلة الوحيدة. وعليه، خذ وقتًا تفصل فيه نفسك عن الإرهاق والتعب، نم كفايتك، تأمل في الفراغ إن شئت، تمشى، إلخ ثم اجلس مع نفسك وخطط كيف تريد أن تستفيد من العطلة دون مشقة كبيرة. بخصوص الهاتف، أنا أؤيد رأي أحمد أبو زيد كثيرًا في طريقة تعامله مع الهاتف، هو يحاول إقصاءه قدر الإمكان والتعامل بدونه. حاول الاستماع لمقاطعه عن الهاتف، ومقاطعه في العموم ستفيدك كثيرًا إن شاء الله. أرشح لك كذلك التطرق لمجالات العمل الحر، خذ فكرة عن المجالات وكيف يسير هذا السوق الذي يشبه البحر متلاطم الأمواج. لا تنس الصلاة على الوقت وورد القرآن، وجرب الالتزام بالرياضة.
تم النشر الأربعاء، ١٧ يوليو ٢٠٢٤
ممكن انصحك بحاجه انا بحبها جدا وهي بودكاست وعي علي اليوتيوب بجد جميله، ف كتب برضو انا قريت جزء منها ونفسي اكمل بس هتشلوح عشان انا بالعافيه بذاكر 😂، وهي كتاب العادات الذريه، العادات السبع للمراهقين الاكثر فعاليه، الرجال من المريخ والنساء من الزهره ده هيفيدك بعدين "بس انا مفتحتوش الصراحه، وف كتير بس انا مش فاكره، لو افتكرت هقولك، بالنسبه للدين، انا مش عارفه قوي كتب او مش فاكره، بس لو انت حابب تقرا اقرأ السيره النبويه" انا سمعت ليها سلسلة السيره النبويه لأحمد عامر ع يوتيوب برضو، بس مكملتهاش الصراحه، هي جميله، ممكن تقرا كتب ف البيزنس وحاجات كتير ، ف حاجات كتير جميله، لو افتكرت هقولك تمام.
تم النشر الأربعاء، ٢ أكتوبر ٢٠٢٤
نسيبنا من التليفون دلوقتي 😂 انا داخل تالتة وبحجز الدروس عايز اسال ايه الي اتعلمته والي لوكنت عملته من اول السنة كان فرق معاك ولو اتاخرت في الحجز عادي اروح في أي وقت وبالنسبة لنصيحتي انا خلي التليفون بما انه معاك على طول خليه مصدر لتطورك يعني شوف كورس حدد وقت من يومك ساعة مثلا واتعلم مهارة جديدة بحيث تكون حاجة جنب شغلك وعلى سنة تانية جامعة تكون وصلت لمستوى كويس في المهارة دي في كورسات(مجانية) كتير في كل المجالات على النت مثلا موقع (كورسات)مجاني وشامل تعليم لغات ومهارات كتير وبس والف مبروك مقدما
تم النشر الأربعاء، ١٧ يوليو ٢٠٢٤
مبروك الاجازه اولا وتانى حاجه ممكن تدخل على جوجل بلاى عن تطبيقات تفيدك بخصوص موضوع الدين وتابع قناة على وكتاب
تم النشر الخميس، ١٨ يوليو ٢٠٢٤
لعرض السؤال في فدني اضغط هنا