شكرا اوي ،بسم الله مشاء الله واضح انك انسان ناضج وتفكيرك كويس اوي اوي وربنا معاك يصحبي وتحقق الي نفسك فيه❤️❤️
تم النشر الخميس، ١٨ يوليو ٢٠٢٤
اولا لما تسمع لحد كبير خد منه اخطاءه وتجنبها دي حاجه هتفرق معاك جدا واتعلم منه المميزات اللي عملها بس مش كل اللي تشوفه تعتبره هو ده وسيله نجاحك، انت مش نسخه من حد انت مش عربيه إنت انسان بيقدم نفسه بنفسه جرب اللي تقدر تستفيده من غيرك فعلا بس اللي تقدر بس عليه . ثانيا ودي ليها علاقه بأول حاجه كل المطلوب منك تحضر بانتظام لدروسك» تذاكر أول بأول» تحل بعدها وعلى رأي الجيو ثانوي عام يعني حل كتير 😅 بعد كده صحح اخطائك واهم حاجه النقطه دي مش لازم تنقل الاسئله في كراسه خارجيه الا اللي تحسه مهم منها اوووووي ليك وفادك او فكرته جديده ولو ما قدرت مفيش مشكله بردو استخدم هاي لايتر وعلم عليهم انهم مميزين عندك... والحل يا خويا ما تزود عن كتابين دا في حاله ان مدرسين بيشتغلوا من كتب لكن لو مذكرات يبقى تجيب كتاب جنب المذكره بس يعني حاول تعرف من مدرسك اغلبيه اسئلته جايبها منين لو هيقولك انا جايبهم من شرق اسيا 😂 قوله بردو الاغلبيه جايبهم منين وهات كتاب غيره والفيزياء بقدر استطاعتك انت يعني كتابين او تلاته بس مش شرط انك لو جبت تلاته يبقى كدا هو دا الوسيله اللي فيها تكون ناجح لا دايما " حل بنيه ان الكتب دي بتطور منك واغلط براحتك لما تشوف نتيجه انك كنت بتغلط وبقيت بتحل في امتحان اخر السنه هتفتكر كلامي المهم تتعامل مع الاخطاء واياك تزعل لانها بتكون رحمه من ربنا ليك كل لما تغلط أول السنه بتقل اخطائك اخر السنه وبتطور من معدل تفاعلك مع الاسئله وبتكون واعي اكتر من غيرك واكثر هدوء فخليك على الهادي خالص... ثالثا التلفون مش حاجه اساسيه في حياتك دي مجرد وسيلة يعني ما تكروت مذاكرتك عشان انك لازم تمسك التلفون معلش هي سنه من عمرك ووالله ما في حاجه هتضيع عليك ودا اللي اكتشفته وهو ده الحقيقه الحاجه اللي بتضييع هي وقتي 😂 فالمهم تستخدمه كوسيله بس لو خلصت مذاكرتك زي ما قولتلك واكد تاني انتظام، مذاكره، حل، تصحيح، ولما تمتحن طبعا تصحح اخطائك ولا يعبر عنك اي امتحان الا امتحان اخر السنه... واخيرا بقى عايز اقولك هو الموضوع والله مش مرعب ولا مخيف زي ما الناس بتصوره حاوط نفسك ببيئه كلها وصلت لحلمها او لحلمك انت خليك اجابي ومتفائل يبني وما تقلل لان هتلاقي تيسير ربنا معاك وعلامات كتيره هتحصلك هتعرف انه بيحبك بس خليك قريب منه ودي اهم نصيحه لان السنه دي الشيطان مش هيسيبك حرفيا لانه عايز يحبطك واحنا اهوت يا خوي كنت خايف من الامتحان ودخلتهم وعرفت قيمه تعبي وبعد كل امتحان اطلع مرضي من ربنا ايا كان مستوى الامتحان كدا كدا توفيق ربي كان معايا.... فتجنب اخطاء غيرك واعرف انك هتحصل ليك وقعات كتيير في السنه ودا طبيعي جدا لانها اختبار من ربنا ومفيش حاجه ليها طعم قد ما تفتكر انك كنت قد المسئولية لان هي دي اللي بتفتكرها وهي دي الحقيقه الحياه عايز انسان يقدر يتعامل معاها يعني معافره ومسئوليه مفيش حاجه اسمها اني لازم اكون مثالي في كل حاجه لا انت انسان بتطور في نفسك كل اللي عليك (وقتك تنظمه وتشتغل حتى لو في حاجات ما خلصتها او ما كنت فاهمها بس حاول تكمل ولو تعبت خالص ارتاح بس مش راحه ابديه لان الشيطان هيخوفك ترجع بس الحقيقه «ان كل لحظه هتشتغلها هتفرق معاك قدام وكل لحظه هتبعد فيها هتأثر عليك سلبا» ومفيش حاجه مستحيله ابدا اي حاجه ممكن تخاف منها فأدخل فيها بقلب جامد واكسر فيها اي خوف هتلاقي نفسك عملتها اشتغل على قد قدراتك انت وبس شوف اللي تقدر تعمله وبأكد تاني قدراتك تميزك عن غيرك في تنظيمك ليها وانت انسان مميز ولولا كدا ما كان ربنا جابك للحياه واداك بصمه ما في حد غيرك يمتلكها وقدرات انت وحدك تعرفها بجانب صفاتك.... فأي حاجه تصعب عليك كل المطلوب بس هو تدريب اكتر وعلى مدار السنه متقوليش انا حاسس ان حل القطع انجلش على سبيل المثال انا حاولت وحليت كل يوم قطعه وفي ايام بحل عشره وقعدت كدا شهر وما اتحسنت 😂 يسلام دي من مدخل الشيطان لانها بدايه اليأس وانه عايز يخليك تسوف لا والله يكفي الانتظام لو تقدر تقسم الاسبوع لقطعتين عربي وقطعتين انجليزي وقطعتين شعر والله يكفيك اوووي وخد يوم من غير حاجه هي بس ساعه في يومك على مدار 6 ايام في الاسبوع انت بتطور فيها نفسك وهتيجي اخر السنه وتعرف انك فعلا فارق عن غيرك ومستواك كويس باذن الله.... وما تقلق من الحجز المدرسين بيدخلونا عادي وفي منهم بيكون الحجز عنده صعب لانه بيقفل بسرعه ومش بيدخل حد ودول قليلين فلو عندك منهم ومعروف عنه كدا فحاول تحجز لي بدري بس المهم تختار مدرس تفهم منه شرح ويكون بيحل وتقدر تفهم منه وعنده ضمير في شغله بس كدا والعلاقه مش بالمدرس اطلاقا لا بيك انت اللي بتطور من نفسك لو في حاجات كانت صعبه عليك فزي ما قولتلك تدريبك عليها ومحاوله فهمك ليها هتقدر تكون كويس ان شاء الله وبس كدا اتمنى اكون قدرت افيدك واسف لو طولت دي عشره سنه كامله وافتكر ان كل لحظه هتتعب فيها وتيجي على نفسك ربنا هجازيك عليها لانك صبرت وهتأخد ثواب كبير 🤍😇
تم النشر الخميس، ١٨ يوليو ٢٠٢٤
أولا إنك تتعلم من اخطاء غيرك بس ما تقلد غيرك.. بمعنى انك مش نسخه من حد عشان تقلد شخصياتهم من اكتر الحاجات اللي دمرتي نفسيتي حرفيا من أول السنه اني كنت اشوف نصايح لناس عدت السنه المشكله مش في النصايح المشكله في الطريقه اللي بتتقدم والطريقه اللي مخي بيستقبلها.... هو عقلي أول السنه طبع صوره للكليات القمه والثانويه بشكل انها للناس المتفوقه بس ومفيش حد تاني للناس اللي بتحل كتابين تلاته وببتكتب كل اسئله اخطائها وبتعمل حاجات انا كطالب طالع من تانيه ثانوي كنت مستحيل اتخيل انهم عندهم نفس ال 24 ساعه 😂 فكنت بقيت محبط وحسيت ان قدراتي ضعيفه وانهم بس الناس المتفوقه في الدروس وواحد من كل ألف هيدخل الكليه اللي نفسي فيها وبلا بلا بلا.... كله كلام فارغ ربنا نجاني منه ولو متأخر بس اثر فيا بالسلب والدليل ان ربنا كان معايا في الامتحانات واي يعني امتحان ثانوي عام هما يا صاحبي السوشيال ميديا والمجتمع بيكبر الموضوع اوووووي زي الكيمياء الاحياء السنه اللي فاتت والسنادي يعتبر فيزياء واحياء طيب هل هم حاجه مرعبه يعني والله لا ابدا يا خويا وحتى لو كذالك ده أحسن بكتيير لأن هنا بيظهر المجهود بين كل طالب ووظفتك تكون جايب أحسن درجة وكدا كدا هتعملها بأمر الله بس لو عملت اللي، هقولك عليه
تم النشر الخميس، ١٨ يوليو ٢٠٢٤
لعرض الإجابة في فدني اضغط هنا