فعلا كل كلامك صح اووي وان شاء الله هكمل بس لان يمكن لسه مخلصه ثانويه عامه دا مخليني في توتر زياده وتسلم عالنصيحه ربنا يوفقنا جميعا يارب
تم النشر الخميس، ١٨ يوليو ٢٠٢٤
العفو في خدمتك، حابب احذرك إن الشيطان مش هيسيبك ونفسك كمان فخدي بالك منهم هو ده الوضع الطبيعي اي انسان الشيطان بيخوفه لان بيكره بني ادم ومش هيشوفك بتنجحي في يوم ويسيبك كدا لا اطلاقا هيخليك دايما تحس بالفشل وتقول ان انا اصلا كدا وهو دي مستواي مع ان في الاساس الانسان اصلا الكون كله اتسخر لي بس عمر ما الشسطان هيقولك كدا انتي كانسانه اتخلقتي وعندك القدره تتطوري من نفسك وهتتطوري حتما لو اخدت بالاسباب ودا المنطقي بس الشيطان مش عايز كدا وربنا حذرك وقال "إنما ذالكم الشيطان يخوف أولياءه فلا تخوفهم وخافوني ان كنتم مؤمنين " وايه تانيه. «الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ وَاللهُ يَعِدُكُمْ مَغْفِرَةً مِنْهُ وَفَضْلًا وَاللهُ وَاسِعٌ عَلِيمٌ» من سورة البقرة- آية (268) لاي تحدي يلزمك صبر وهتقدر باذن الله والاسم في الاخر اللي بيوصل بيكون من جواه بينبع اسم البطل اللي قدر على كل صعب وهو ما يستحق الاسم ده الا كل انسان عافر عشان يوصل وفرحه الوصول كبيره جدا
تم النشر الخميس، ١٨ يوليو ٢٠٢٤
بجد شكرا اووي اووي علي كلامك دى انتي بجد شجعتني اكتر لان كنت بقول لنفسي مش هعرف اعمل حاجه ولا كدا فبجد سكرا اوووي عالدعم دا
تم النشر الخميس، ١٨ يوليو ٢٠٢٤
ماشاء الله عليك واتمنى فعلا تستغلي نعمه ربنا في الموهبه دي وتحمدي عليها عشان تتعلمي اي حاجه جديده نصحتي ليك تشوفي اللي زيك الاول في المجال ده وازاي كانت بدايتهم «تجنبي اخطائهم» بشكل عام بحب الكتابات والابداع اللي فيها بس انا للاسف كل الجروبات خرجت منها فتره الامتحانات فمقدرش اقولك تابعي مين من الكتاب بس المهم انهم كتير واكيد هتفهمي عني بس اهم شيء تشوفي اخطائهم وتمارسي الكتابه مع نفسك اهم حاجه وتشوفي اي الاحسن وتعدلي على الموضوع اللي كتبتي لحد ما توصل لمستوى معين كويس انشريهم وافتكري انهم مش بالكم ربنا قال "إن الله لا يضيع اجر من احسن عملا" إتقان العمل ربنا ما قالناش في الايه بكم العمل هجازيكم لا بإحسان العمل واها بردو نصيحه تعلمي الكتابه السريعه على الكيبورد لو عندك كمبيوتر لانك حتما هتحتاجيها دربي نفسك من اي موقع وما تبصي للحروف بس ايدك اللي تشتغل.... وبس كدا اتمنى اكون فيدتك
تم النشر الخميس، ١٨ يوليو ٢٠٢٤
أنا بحب الكتابه اووي يعني عندي موهبه التأليف وكتابه الخواطر والقصص بس انا مش عارفه يعني بقعد اكتب علي ورق وكدا بس عاوزا اطور نفسي في الحاجه اللي بحبها بس مش عارفه اي الطريقه اللي ممكن توصلني لكدا ،،كلامك جميل اووي وكله صحيح وانا فعلا نزلت حاجات تفدني في اليمن وكدا كتفسير للقرآن وحاجات تانيه اتعلم منها بس نفسي بجد اطورمن موهبتي بس مش عارفه ازاي لو تعرف طريقه هكون ممنونه اوووي اووي وشكرا عالدعم والكلام الجميل دا بجد
تم النشر الخميس، ١٨ يوليو ٢٠٢٤
الحقيقه حاجات كتير تخلينا نتطور بس اللي انا شايفه في نوعين من التطور تطور علمي وتطور عملي... والتطور العلمي في المجالات اللي بتدرسيها في الحياه وفي الشغل كاتقان مهارات التواصل والبرمجه والدرايه بأسواق العمل والقراءه لكتب معرفيه او الاستماع لها من قناه جيل يقرأ على سبيل المثال او قناة علي وكتاب تقريبا اسمها كدا ودوباميكافين ... انما التطور العملي هو ده الاهم لانه معناه شخصيتك بشكل عام بتكون ازاي وعقليتك ودي ليها حل واحد بعديها تتفرع الوسايل للوصول والحل هو تعلم الدين لان الدين المعامله والدين في حاجات كتييره اوووي جميله وتبين عظمه ربنا في قلبك اكتر لما تعرف عنه اكتر وتعرف معجزات القرآن وتشوف قصص الانبياء والصحابه وتاريخنا كمسلمين وهو ده صله المجتمع ببعضها فلو ضاع الدين بينا وبين الاجيال الجايه لاننا للاسف جيل عن جيل قل الدين بينهم وادينا شوفنا اللي حاصل من ضعف وتخاذل ومحاربه السنه وفي ناس بتصدق حاجات ناس تانيه بتستخدمها تنقد في دينها بمجرد الجهل تخيل ده لو انتشر بين أبنائنا مستقبلنا فلما نكون عارفين المعلومه الصح بتفرق كتيير جدا انك تقدر تحمي نفسك وتصون نفسك لاننا مسئولين قدام ربنا وهنتسأل كمثال بسيط لو عامل غاب من شغله بيتجازى فبيخاف يغيب طيب ما بالك لما كان قدامه فرصه ولو ساعه في اليوم يعرف عن الدين والموضوع جميل جداً جداً جداً والله فبنصحك تسمعي سلسله السيره النبويه وتتعلمي عن الصحابه واعرفي كل اللي مش مدركاه وبنسي الموضوع بيعلمنا تعاملات بين الاب والابن... الزوج والزوجه... الولد والبنت... بينا وبين المجتمع هتلاقي نفسك تلقائي بتفهم حاجات في حياتك كتير المجتمع بيعملها بمجرد انها الكل بيعملها وهي في الاصل حرام.... دي اولا.... لكن ثانيا بقى ممكن تشوف حاجات كتير تهتم بيها زي قناه تارخستان والباش مؤرخ سواء عن الاسلام او التاريخ بشكل عام ودي مسليه بشكل مش طبيعي والجميل جدا لما كنت تشوف الدعوه في اوروبا من محمد حجاب وعلى دعوه وشمسي بتكون حوارات ممتعه بجد ولو في اي شبهات بدور عليها وبتعلمها وطريقه حوار الناس دي بتخلينا عقلك كبير في التعامل والرد على اي حد ينتقص ديننا.... عندك بردو كتب دكتور مصطفى محمود لو سمعتيهم صوتيا رووعه بيطور عقلك جدا ولما بتأخدي خطوات في حياتك تعرف انك متوكل بيقين على الله والصراحه هتلاقي حياتك مهديه جدا للناحيه للعلميه وهتلاقي نفسك بتحب تتعلم اكتر وتزود معلومات ربنا يوفقك واتمنى اكون فيدتك باللي اعرفه
تم النشر الخميس، ١٨ يوليو ٢٠٢٤
لعرض الإجابة في فدني اضغط هنا