انا طالبه تالته ثانوي انا عايدة السنه كلها بي كل موادها عشان في فتره قبل الامتحانات دخلت في إكتئاب شديد بدل ما زاكر كنت اروح انام عشر ساعات كنت بهرب من الهم بي النوم مكنتش خلصت ماده واحده ماكنتش باخد دروس بس كان في نت في البيت بذاكر عليه جيت قبل الامتحنات والجت السنه وقلت الي العيلتي الي يعرف يطلعنا من البيت يطلعني كلهم نصحوني اني مأجلش انا مسمعتش كلام حد وأجلت السنه كلها بكل مواده ودخلت السنه الجديد ورحت دروس و راكمت كل المواد فاضل علي الامتحانات ٣ شهور انا اصلن عندي عقده من الانجليزي والفرنسي يعني انا فاشله فيهم حرفين ندمت علي اني أجلت السنه عشان رجعت الي نفس الوقت الصعب ومفرقتش اي حاجه غير ضيعت سنه من حياتي علي الفاضي انا في إكتأب وتعبانة ومش عارفه اعمل اه محتاجه حد يوجهني انا بقيت عمله زي التانيه انا دفعت ٢٠٢٤
أولا الوقت لسه قدامك ٣ شهور حلوين مش وحشين ابدأي اعملي جدول للمواد الباقيه ف ٣ شهور و حاولي ع قد متقدري تذاكري ال ٣ شهور دول عشان تعب ثانوي ميروحش ع الفاضي و خليكي فرحانه ان بعدهم هتتحرري من ثانوي و تدخلي كليه و ان شاء الله تبقا حلوه بصي دايما للجانب الإيجابي انا طالبه ثانوي زيك و راكمت السنه كلها ذاكرت قبل الأمتحان ب ايام مش شهور و كنت قمه الأكتئاب و لكن شديت ع نفسي ف الأيام دي و بصيت للجانب الإيجابي ان لسه فاضل ايام متخيله اني بصيت للجانب الإيجابي رغم ان كلها ايام و امتحن!! و جبت اعلى مجموع ف الدفعه الحمد لله تقدري انتي كمان تشدي ف ال ٣ شهور جامد و هتعدي صدقيني حتى لو مدخلتيش كليه عايزاها بس الحياه كدا مش هتقف انتي تقدري تطوري من نفسك حتى لو داخله مجال مش مجالك لسه العمر قدامك الدنيا مش هتقف لو جبتي درجه وحشه ف ثانوي اهم حاجه نفسيتك طب انا هفترض معاكي انك دخلتي كليه حلوه عمرك مهتستمتعي ونتي نفسيتك ضايعه حافظي ع نفسيتك دي أهم حاجه مش مجرد ورقه هتتحكم ف حياتك و تخليكي عامله كدا ف نفسك
تم النشر السبت، ١٧ فبراير ٢٠٢٤
امشي على خطه ال 75 يوم ناجحه جدا ومفيده جدا وهتجيب معاكى نتيجه كويسه
تم النشر الخميس، ١٥ فبراير ٢٠٢٤
شيلي نتيجة تضييعك السنة بلاش اقول كلمة تانية
تم النشر السبت، ١٧ فبراير ٢٠٢٤
اول حاجة متعيشيش نفسك في ضغط جامد هو دا اكبر فشل ذاكري كل المواد كويس وحاولي تلمي نفس في باقي المواد الاول واهم حاجة تكوني واثقة في نفسك انك هتقدري تعدي السنة دي وربنا يكرمك وتجيبي مجموع حلو و الفرنساوي حاولي تذاكرية في بداية يومك يعني انتي وفايقه علشان تحاولي تستوعبي كمية معلومات اكتر وبالتوفيق
تم النشر الخميس، ١٥ فبراير ٢٠٢٤
لعرض السؤال في فدني اضغط هنا