في حد قرب مني صدفه و هو ولد و بقينا صحاب فبعدها قالي انو معجب بيا عارفه ان مفيش حد بيحب حد بالسرعه دي انا مش هكدب و اقول حبيته و اعيش دور الضحيه انا بس حسيت بالراحه معاه بس قولتلو اني م همشي كنت متعودة احكي كل حاجه لصديقتي المقربه و حكتلها و بعتلها اسكرين لمعاملته معايا هو حرفيا كان أطيب حد انا قابلته ف حياتي هو بس مشكلته انو كان بيتكلم كتير و انا م عارفه اعيش حياتي الطبيعيه و اركز ف اي حاجه ف هي قالتلي انها مش مرتاحه و انو هيسبني ف الاخر و انو احنا الاتنين من بلاد مختلفه و دي علاقه سوشيال و مش هتكمل انا حاسه اني مش واثقه فيها و مش واثقه ف حد انا عملت زي مقالت و بعدت عنو و حاسه انها ممكن تكون عملت كده عشان هي بتجب واحد و الواحد ده بيكلمها بالعافيه ممكن اكون غلطانه و ممكن اكون لا حاسه اني خايفه من الناس كلها و خايفه اعمل اي حاجه بس حاسه اني مرتاحه و لا لوحدي و ف نفس الوقت حاسه بالذنب اني ممكن اكون اذيت الشخص و ممكن يكون هو كان داخل جد لانو انا حسيت بكل ده بس التراست ايشوز الي عندي خلاني شكه فكل حاجه حتي حب اهلي ليا بس انا حاسه انو فعل ف كل حاجه كان بيتكلم جد بس هو بيدي كلام حب كتير اوي و كويس ف التعامل بطريقه تخوف لان مفيش راجل كويس كده محتاجه بس حد يساعدني افهم كل ده لاني حاسه اني تايهه
فى البداية كده.من الواضح انك شخص واعى جدا بالمشكلة وده واضح من كلامك الثقة بالنفس هى بدايه كل خطوة ناجحة فى حياتك . الثقة بالنفس هتخلي موضوع الشك وعدم الثقه يقل لحد ما يختفى لأن طول ما انتى واثقة فى نفسك هتقدرى تتعاملى بعقلانية وتوازن فى جميع معاملاته الحياتية.اما بالنسبه لموضوع الارتباط فحاولى تقيمى العلاقه من وجهة نظرك حاولى تعرفى الإيجابيات و السلبيات اللى فى العلاقه واول ما هتبتدي تحديدها أمور كتير هتظهر امامك ولو فى حد قريب منك حاولى تتناقشى وتتكلمى معاه دايما وعيزاكى تفهمى أن الارتباط من هينفع تحكمى عليه ابدا من كلام الحب والمعاملة اللطيفة بس .لازم تحكمى عليه فى مواقف حياتيه ومعاملات لأن دى اللى هتبين التوافق مابينكم وتذكرى دايما أن ربنا معاكى فى كل خطواتك ويساعدك. وخليك دايما واثقة من نفسك انك هتقدرى 🌷
تم النشر الأحد، ٢٣ يونيو ٢٠٢٤
السلام عليكم. بصي يعني لو انت شايفه ان الموضوع؟ فخليني اقول لك كملي لحد ما يكون في حد بيعمل افعال لان الثقه بتثبت بالافعال فلازم يكون الشخص. عشان اقول عليه ان هو راجل فاللي بيتكلم بس انا اسفه ده مش راجل. واللي بيقعد يحب بس في السوشيال ميديا والرسائل ده مش راجل. اه خليكي معندكيش ثقه في اي بني ادم بيتكلم بس من غير افعال وما تسمحيش اصلا باي مساحه لواحد يخش يقول كلمتين انت تندمجي مع كلمتين سواء قالت كلمتين دولت كلمتين وبس ولا قال 100 كلمه ولا قال مليون كلمه حلوين قوي ولا حلوين نص نص مش هيفرق خالص. سيبك من تخيلاتي انت حاطاها لصاحبتك. العلاقه اللي فيها هي كمان غلط لانه برضو ده كله كلام وبس. فخرجي نفسك من الدايره دي ما تدخليهاش تاني. وتؤذيه بقى والكلام ده صدقيني بعيد بعيد خالص يعني عن الواقع لانه حتى هو وهو عايش معك القصه دي. هو عارف ان هي حب كده والموضوع هيخلص لانه لو كان شخص جد ما كانش عمل كده اصلا.
تم النشر الاثنين، ٢٤ يونيو ٢٠٢٤
مرحبًا، شكرًا لمشاركتكِ مشكلتكِ وإن شاء الله الخبراء يفيدوكِ أكثر. أحببت فقط تنبيهكِ لنقطة تخص ردود ذكية وهي إنّها ذكاء صناعي وليست شخصًا حقيقيًا وربما جانبها الصواب في بعض النصائح. قد تكون بعض نصائحها لا تتماشى مع تعاليم الدين في حدود التعامل والتواصل بين الولد والبنت. بالنسبة لي لا أنصحكِ بإعادة التواصل مع هذا الشخص حتى لو كان صادقًا كما تقولين فهناك حدود للعلاقة بين الولد والبنت. ربما صديقتكِ كانت صادقة ونصحتكِ من قلبها، لا تدعي الشيطان ينزغك من ناحيتها وافرضي النية الحسنة دائمًا، حتى لو هناك نسبة احتمال أن تكون كما قلتِ فنصيحتها نفسها لا مشكلة فيها ولا تندمي أبدًا أنّكِ استمعتِ لهذه النصيحة. إن كنتِ تشعرين أنّكِ استخدمتِ أسلوبًا سيئًا مع هذا الشخص عندما قطعتِ التواصل وتشعرين بتأنيب الضمير والذنب وهذا الأمر ينغص عليكِ حياتكِ، يمكنكِ الاعتذار في رسالة قصيرة رسمية واغلقي بعدها باب التواصل نهائيًا ولو أني أفضل ألا تفعلي هذا حتى لا يكون مدخل للشيطان ليعيدكِ لهذه العلاقة.
تم النشر الأحد، ٢٣ يونيو ٢٠٢٤
يا حبيبتي، اللي انتي بتمري بيه مش سهل، وفاهمة التشتت والتوتر اللي حاسة بيهم. ممكن نبدأ بشوية حاجات نوضحها؟ أولاً، مش غلط تحسي بالراحة مع حد بالمقابلة الأولى، بس كمان دايماً من الأحسن ندي نفسنا وقت عشان نعرف الشخص كويس. فاللي عملتيه إنك قلتي له مش هتمشي بسرعة ده خطوة كويسة. أما بالنسبة لصديقتك، ممكن تكون نصحتك من كل قلبها، وممكن كمان يكون عندها دوافع تانية زي ما قلتي. التحليل ده صعب من غير ما نعرفها أكتر أو نحط نفسنا مكانها. دلوقتي، لو حاسة إنك تايهة ومش عارفة تثقي في حد، مش غلط تبدأي بتقوية علاقتك مع نفسك. ادي وقت لنفسك تعرفي ايه الانطباعات اللي ممكن تكون سبب في التراست إيشوز دي. ساعات بكون السبب مواقف قديمة او خوف من تجارب معينة. حاولي تعملي التمرين ده: اكتبي كل الأفكار اللي بتيجي في بالك لما بتيجي تبعدي أو تبعدي حد عن حياتك. فكري في الناس اللي بتحسي معهم بالراحة والصراحة وانتي معاهم. حاولي تفكري في تجاربك السابقة ودي ليك فرصة تفكري ليه بتشتكي أو بتحس بالتوتر. ومهم جداً متنسيش، لو الشخص اللي كان معجب بيكي فعلاً كان نواياه صادقة، ممكن تعودي تتكلمي معاه بهدوء وتقولي له إنك محتاجة وقت عشان تتأكدي من مشاعرك وتدي العلاقة فرصة شفافة. علاقاتنا مع الناس مرات بتبقى مربكة، بس دايماً المهم الصدق والثقة بالنفس واحترام مشاعرك ومشاعر اللي قدامك. تطمني واختاري الأنسب لنفسك والمريح لقلبك.
تم النشر الأحد، ٢٣ يونيو ٢٠٢٤
العلاقات حرام واحساسك حاليا هو مدخل الشيطان ليكي
تم النشر الاثنين، ٢٤ يونيو ٢٠٢٤
لعرض السؤال في فدني اضغط هنا