تزوجت بعد قصة حب طويلة ولكن اكتشفت أن زوجي يقتّر علي في المصاريف وأفكر في الطلاق

انا اتجوزت عن قصه حب كبيره قبل الزواج حوالي خمس سنين بعد الجواز بكام شهر مش كتير جوزي سافر بره مصر وهو لم كان شغال في مصر كان بيسافر جوه البلد بس سافر بره ملحقتش افرح بحاجتي حملت في خلال السنه اللي اتجوزت فيها وجبت ولد في خلال السنه حسيت أن جوزي حريص جدا في الفلوس كان بيبعتلي بعد عذاب مصاريف الحمل والأكل والعلاج أنا كنت قاعده مع اهلي مبلغ بسيط كنت بسكت وبقول عادي عملت مشكله معاه اثناء الحمل علي موضوع الفلوس وكالعاده طلعني غلطانه ولدني في مستشفي حكومي بالرغم أن طول عمري قبل الجواز بشتغل وكل حاجه بشتريها لنفسي واهلي مش مخليني محتاجه حاجه ومتعوده يكون معايا فلوس واشتري كل حاجه حجات كتير اتغيرت بعد متجوزت ولدت الحمدلله بردو نفس المبلغ اللي كان بيبعتو فضل هو هو مع العلم أن مضطره ارضع صناعي بسبب مشكله عندي وجالي تسمم حمل وبتابع مع دكاتره وباخد علاج. وبصرف كتير والفلوس اللي بيبعتهلي مش مكفيا اسبوع حتي مع العلم هو مهندس وشغال بره بشهادته في دوله خليجيه طول الوقت بيحاسبني بالجنيه جبتي اي وعملتي اي واضحك عليكي ولا مجبيش ده.وامشي علي القد اعمل اي أطلق بقالي فتره بفكر أطلق حاسه ان حياتي بعد مكنت ملكه في بيت اهلي وافتكرت لم اتجوز حياتي هتتغير لقتني حملت وولدت ومعايا طفل وحياتي بقيت أقل بكتير مكنت عايشه وديما عاوزني اوفر اوي زي أهله وبلاش اجيب ده وده اللي هو الاكل والشرب واللبس الأساسي حتي مش الترفيه انصحوني اعمل اي

سؤال من احد أعضاء فدني

تم النشر الجمعة، ١٢ أبريل ٢٠٢٤

6 إجابة

طيب اولا انا عايزاكي تركزي مع حاجه مهمه جدا قبل اي كلام معين كانت المشكله اللي عندك او اي مشاكل تانيه هتواجهك في جوازك. ان الواحد يقعد يقارن ما بين ما قبل الجواز وما بعد الجواز ده انا كنت كده احسن او انا كده بقيت الدنيا اصعب دي من اسوا الحاجات اللي بتتعمل لان دي حاله ودي حاله تانيه خالص. وانت موجوده في بيت اهلك انت دلوقتي مجرد واحده موجوده في البيت هم مسؤولين عنك وبس وفي الغالب انت مش مسؤوله عن حاجه لكن لما بتنتقلي لمرحله جواز فدلوقتي في جزء مسؤوليه عليك طب الجزء المسؤوليه ده له علاقه بالمصيحه هو ملهوش علاقه بالمصاريف المصاريف المكلف بها حتى وان كان عنده مشكله في تقدير المصاريف والصح فيها ايه؟ لكن انت بالنسبه لك؟ مش مكلفه دي مسؤوليتك انت دلوقتي عندك شقه مسؤوليات ثانيه خالص. دي اول نقطه ابعدي عنها خالص. ما تعمليش مقارنه بانه انا كنت احسن وانا كنت بشتغل وكنت بجيب لنفسي اللي انا عايزاه لا الحياه. طيب زوجك مش شرط يكون شخص بخيل او حريص ولكن ممكن الوقت اللي هو سافر فيه غير الوقت اللي الدنيا اتطورت فيه هو فعلا ما بقاش عارف الاسعار ماشيه ازاي؟ فاول حاجه بالنسبه لك انك لما يكون موجود هنا في اجازه تبداي تفصلي تماما من انك تعملي اي حاجه غير ان هو يبدا يتعرف على المصاريف الحقيقيه عامله ازاي؟ لازم نشوف المصاريف عامله ازاي تخليه تتعمدي ان يكون في ناس بتتكلم على مصاريف واختلاف الاسعار الحاجه كانت بكام وبقت بكام ده اولا؟ هل انت تعرفي زوجك محتاج يعمل ايه او ايه الهدف اللي هو حاطه من السفر؟ ممكن يكون مش ناوي ان هو يفضل قاعد سنين طويله في السفر ولذلك بيقتصد على قد ما يقدر في ان هو يعني تكون اغلب الفلوس اللي هو بيحققها كدخل او كمرتب يكون بيحوشها عشان ياسس بها شيء يرجع يستقر بيه هنا في مصر لما بيكون في الفجوه دي ما بين الافكار بتاعه الزوجين فطبيعي جدا نبدا نحس انه لا انت قاصد انك يعني تضيق عليا المعيشه ومش شرط هو يكون كده ولكن انت بس ممكن تكوني مش عارفه هو ناوي على ايه فالافضل تبداوا تتكلموا في شكل مستقبل اكتر اللي هو دلوقتي احنا لما نحوش الفلوس هنعمل بها ايه لو انت ناوي تعمل ايه؟ فهتبداي تشوفي هو ناوي يعمل ايه طيب ازاي نقدر نوازن بقى ما بين ان احنا نحقق الاهداف اللي هو عاوز يعملها وفي النصيحه بجد لازم اديها لك ما تستسهليش مساله الانفصال وما تشوفيش انه هو ده الحل لكل المشاكل انا لما اتصل اكيد هكون مرتاحه اكتر لا المسؤوليات اللي انت لسه مش مدركاها والشغل اللي انت متخيله انك لما تشتغليه هو اللي هيكفيلك بيتك حتى لو انت متخيله ان شغلك هيجيب لك اكثر من 3000 اللي جوزك بيديهم لك دلوقتي لا الحياه فيها تفاصيل كتير جدا اكتر من قصه المرتب اللي بيقضي البيت ولا لا في صراعات تانيه بتحصل في ازمات تانيه يعني الشخص المسؤول عن البيت بيتحط فيها ما تفكريش في الموضوع من اتجاه واحد الحياه فيها تفاصيل تانيه كتير الميزان صح مش لما يكون عندي مشكله وحيده انسى كل المميزات التانيه نبدا كده من زوج كتفي مميزات تانيه تقدري انك تبصي عليها وتشوفيها كويس جدا.

تم النشر السبت، ١٣ أبريل ٢٠٢٤

اكيدمش هتطلقي عشان الفلوس اتكلمي. معاه براحةولوكده كلمي حدمن اهلك