تم حذف هذا السؤال
متشتكيش لو اخترت انك تكمل معاها .. معلش اصل دلوقت لو انت مقصر مع واحده .. ف هل طبيعي بالنسبالك معلش اصل انت سافرت ف طبيعي انها تقولك معلش اصلي عرفت واحد عليك، ومعلش تعالى على نفسك وعديها؟ هل انت شايف ان ده منطقي؟ طيب تعالى هقولك على حاجه كمان ... لو اتجوزتها، وجالك شغل خارج الدولة او خارج المحافظة اللي انتم فيها .. ومثلا كان محتاج منك انك تسافر في الاول لحد ما ترتب امورك بره، او حتى مش هتقدر تاخدها معاك وهتنزل اجازات. في الاجازات ديه، طبيعي بالنسبالك انها تقولك معلش اصل انت مش معايا طول الوقت ف انا مثلا هسلي وقتي ب ان اعرف راجل عليك لحد ما ترجع؟ ما هي قالت ليكي الكلام ده فعلا بس بطريقة غير مباشرة .. قالت انت اليل مقصر. يا افندم مفيش اي مبرر للخيانة .. مفيش مبرر ليها. اللي بيخون هيخون .. لو هي عندها احترام للراجل اللي معاها ولنفسها هتنفصل عنه، وتروح بقى تشوف طريقها، مش هتعرف راجل عليها، وكمان مش واحد لا كمان بتسمح لنفسها ان حد تاني يقولها وحشتيني! وتقولك معلش انا هتضطر استحمل علشان ده المحامي بتاعي؟ طيب نتكلم عن الاخلاق والدين ولا ايه النظام برضه، يعني هي هتقبل لما واحده زميلتك في الشغل تقولك انت وحشتيني؟ هتقولها معلش اصل متضطر اجاريها علشان هي معياا وكده في الشغل ولينا مصالح مع بعض؟ هنا الموضوع مبقاش حب يا سيدي الفاضل، احنا كده دخلنا في منطقة ومنعطف خطر جدا. كده القصة بقت اخلاقيات بقى .. ف انت لو حضرتك هتكمل ف متشتكيش .. كمل في العلاقة ومن سكات. وطبعا رأي انك متكملش اكيد. علشان لو كملت متتكلمش خالص عن الثقة ابدا بقى، انت هتتوجع شوية بعد ما تسبيها بس ده طبيعي وبيحصل ل كل الناس .. فتتوجع شوية دلوقت وانت على البر، احسن ما تتوجع الوجع ب 10 أضعافة وانت هتبقى داخل الموضوع.
تم النشر الأربعاء، ١ نوفمبر ٢٠٢٣
أبعد فورا دى علاقة مؤذية ولا هتفيدك ولا تفيدها، وهى مسؤلة عن مشاعرها لا تلتفت لها ولا تشعر بالذنب ابعد وما تسأله هى ظروفها ايه. خليك فى حالك، ابعد وحاول ما تعرفش اخبارها، شوية هتكون حالتك مش حلوة، لكن بعد كده هتتعافى. وكل اما تفضل فى العلاقة اكتر كل اما كان الاذى أكبر والخروج هيكون صعب لان المشاعر لما بتتأثر بتاخد وقت طويل للتعافى وبيكون فى الم ابعد احسن
تم النشر الخميس، ٢ نوفمبر ٢٠٢٣
انا ليا رئي تاني صراحه بس هو المفروض تبعد ولو هيا فعلا بتحبك هتجيلك تاني بس مش بطريقه انها تموت نفسها او تروح مستشفي لا لان في ناس اعرفهم بيحبو يخلي اللي بيحبوه يغير عليهم بس تفكيرهم غلط انت ممكن تعلمها الادب وهيا لو فعلا بتحبك هتجيلك بس عليك انت متهتمش بيها وتبعد بس تبعد علشان تعلهما الادب ده هيبقا درس ليها علشان هيا ضامنه وجودك
تم النشر الخميس، ٢ نوفمبر ٢٠٢٣
بصراحة لازم تبعد عشان هي بتخون وحاجه زي دي لا ليها سماح ولا غفران انا كبنت بقول لحضرتك البنت لما بتحب مبتشفش حد تاني مهما كان ومهما حصل نصيحه اخت ليك حاول تبعد ونا عارفه انك مش هتقدر لكن صدقني مفيش حل تاني ينفع
تم النشر الأربعاء، ١ نوفمبر ٢٠٢٣
لعرض السؤال في فدني اضغط هنا