جماعة لو سمحتم هو انا عندي مشكلة في التعامل مع الناس يعني أنا مقدرش أن أتكلم بصوت عالي أمامهم و دايما بأكون واقفة مهزوزة و صوتي واطي و مش عارفة أطلعه و حتي لغة جسدي و التواصل البصري بردو بأكون خائفة من مواجهتهم و مش بأعرف أطالب بحقوقي خائفة من ردة أفعالهم و أن مش هاعرف أتعامل معها بذكاء و كذلك ارائي في الشغل دائماً باحس أنهم اعلي مني لأنهم بيعرفوا يردوا و واثفين من نفسهم و شخصياتهم قوية و مواكبين الأحداث الا بتحصل حواليهم غيري أنا باحس نفسي لوحدي في دينا وهما ف دينا و كسرين عينيا حتي لو محدش ليه فضل عليا ، مجرد فكرة أن لو عيطت ادام حد باحس أنه احسن مني وان الوقتي بقيت ضعيفة و مش عارفة أتحمل مسئولية...... و لا حتي لو اتجرات عليهم و صوتي بقي عالي و شخصيتي قوية و عارفة ارد و أتعامل و اعبر عن حقوقي و ارائي أنهم هيعقدوا يتكلموا عليا هي بقيت عاملة كده ليه بتفرض شخصيتها علينا هيضحكوا عليا مكسوفة منهم و خائفة من انتقاداتهم حاسة كأنهم مقيمين ليا حاسة أن بجد أنا زي جارية ليهم و هما الأمراء مينفعش اضايقهم و لا اعلي صوتي عليهم و أن لو اتكلمت مع حد باتكلم بصوت واطي و بسرعة كبيرة حاسة أن قليلة ان حد يسمعني ومش عايزة أفضل ظاهرة تحت الأضواء وقت كبير ده بيحسسني بالخوف
اول حاجه بنشتغل عليها انك تهدي قلقك وتوترك وده من خلال تمارين الاسترخاء العضلي والتنفسي عشان ميبنش ع لغة جسدك اعراض قلق وكمان ان افكار زي انهم بيستقلوكي او انك مش هتقدري تتعاملي معاهم اي افكار سلبيه تواجهيها وده من خلال انك بتتعلمي ومع الوقت ف الشغل بتاخدي خبره عمليه واجتماعيه وكل يوم بتتعلمي وبتتغيري وانك حتى لو عيطي ف ده مش ضعف منك دي وسيله تعبيرك عن مشاعرك وطبعا ف مكان زي الشغل عيطي ف الحمام متعيطيش قدامهم عشان تفرغي طاقتك ومشاعرك وتغسلي وشك وتطلعي تعرفي تتعاملي من غير كبت وضغط ع مشاعرك ونفسيتك وان الافكار لو زادت معاكي شتتيها افكار زي انهم مركزين معاكي لو اتكلمتي مش هيسمعولك شتتيها وقبل متتكلمي ف اي موقف اعملي تمرين النفس ٢٠مره واهدي خالص تحسي ان ضربات قلبك مستقره مش عاليه كأنك بتجري واتكلمي ولو موقف حسيتي انك ممكن تكوني ف موقف ضعف لو رديتي او ردك مش جاهز خدي نفس عميق وخلي ملامح وشك تعبر عن الا مبالاه وانك مش فارق معاكي وبعده فكري ف الموقف كويس وان ايه الرد المناسب اعرفيه واحفظيه واتدربي عليه ولما يجي الموقف نفذيه وبالنسبه للطلب في كذا طريقه تطلبي بيها طلبك لازم تكوني واثقه وانتي بتطلبي طلبك وتعبري عنه وتقولي اهميته ليكي ولمكان شغلك وانك محتجاه وانه هيفرق معاكي جدا وف جوده الشغل واكدي ع طلبك وميمنعش يبقا في مفاوضات بس متطلعيش من غير حاجه خالص
تم النشر الأحد، ٢٦ مارس ٢٠٢٣
انسي بقي الناس كلها خااالص فى مشكلة اكبر هنا وهى نظرتك لنفسك كل شىء حرفيا يبدأ من داخلنا المشكلة تبدأ من الداخل والتغيير يبدأ من الداخل سؤال مهم جدااا دلوقتى ليه شايفه نفسك كده؟ طبعا ده ممكن يكون ليه اسباب كتييرة ان يكون طفولتك كان بيتوجهلك كلام سلبي ويأكد عليكى ان قيمتك قليلة. ان يكون حصل معاكى موقف حد كبير استخدم قوته فى انه يسكتك او يجبرك على فعل انتى مش عاوزاه. ان يكون وصلك انك لازم تعملى كل حاجة عشان اللى حواليكى لانهم لازم يكونوا راضيين عنك. او انك قدراتك ضعيفه وعمرك ما هتوصلى لحاجة احسن. الصورة الذاتية السلبية كفيلة تخليكى تحسي انك مربوطة بسلاسل وضعيفة. طب عندنا احتمالين حاليا ١. ان الصورة حقيقية ٢. ان الصورة غير حقيقية فى الحاله الاولى : محتاجين نشتغل على مهاراتنا الشخصية والاجتماعية ...وواحده واحده ..نتعلم حاجة ونتقنها وننقل على اللى بعدها. فى الحالة التانية : هنشوف ايه السبب ونتعامل معاه بالمنطق ونبدا نغير الصورة الغلط دى ونبعد عن كل اللى بيأكد الصورة الغلط وناخد رأى اشخاص موثوقين وبيكون الافضل انهم يكونوا من غير معارفنا خااالص. اشتغلى على اللى من جوه وبعدين فى كل الاحوال اعرفى انك مش هنا عشان ترضى اشخاص ولا يقولوا او ميقولوش ...انك تكونى راضية عن نفسك ده اهم شىء.
تم النشر الأحد، ٢٦ مارس ٢٠٢٣
حاولي تتعاملي مع أهلك بجرأة اكتر أهلك مش هيزعلوا منك لو غلطتي و في نفس الوقت هتبقي بتحاولي و لو ليكي صديقة قريبة جربي تتكلمي معاها بردو كده و اتعودي متخافيش من حاجة ولا من حد بس على فكرة الحياء أو الخجل شئ جميل ناس كتير افتقدته بس برضو حاولي تبقي اجرأ شوية بس تفكري براحتك قبل ما تتصرفين
تم النشر الأحد، ٢٦ مارس ٢٠٢٣
هل شخصيتك كده برده مع اي حد، سواء الاهل او الاصحاب ؟ ولا في الشغل فقط؟ وهل كنتي كده علطول؟
تم النشر السبت، ٢٥ مارس ٢٠٢٣
من الواضح أن لديك مشكلة في التعامل مع الآخرين و هذا يمكن أن يؤثر على حياتك الشخصية والعملية. سأقدم لك بعض النصائح التي يمكن أن تساعدك على التغلب على هذه المشكلة: 1- قم بتدريب أنفسك على التحدث بصوت مرتفع وواضح، يمكنك البدء بالتحدث بالمرآة أو مع شخص مقرب منك. 2- حاول البقاء هادئة ولا تتوتري. الاسترخاء يمكن أن يساعدك على تحسين لغة الجسد الخاصة بك وتعزيز الثقة بنفسك. 3- اعملي على تطوير مهارات الاتصال الفعالة والتواصل البصري لديك. و يمكن القراءة عن هذا الموضوع، أو التحدث مع مدرب حياة للمساعدة في إتقان هذه المهارات. 4- تذكري أن رأيك واراؤك المهنية مهمة بالنسبة للعمل ، وأنه يجب عليك التعبير عنها بثقة ووضوح. لا تدعي الخوف يمنعك من القول ما يجب قوله. 5- استخدمي التفكير الإيجابي لتغيير اتجاه تفكيرك و إعادة تقييم نفسك بشكل صحيح. تذكري أن الجميع يمتلك أفكار وآراء ولا يجب أن تشعري بالرهبة من التعبير عنها. 6- لا تنسي أنك قدها و قدرة على الانجاز - ابدأي بالتحدث مع الآخرين ببطء باستخدام صوت واضح وشجعي نفسك على التحدث أكثر كلما كنتِ أكثر راحة. أستخدمي هذه النصائح بانتظام لتطوير ثقتك بنفسك ومهاراتك في التواصل مع الآخرين. لا تنسي أن الثقة بالنفس والتواصل المفعم بالثقة تستغرق الوقت وتحتاج إلى ممارسة مستمرة.
تم النشر السبت، ٢٥ مارس ٢٠٢٣
لعرض السؤال في فدني اضغط هنا