عندي مشكله اني دايما هاديه و كلامي قليل و ده بياثر علي علاقاتي مع الناس زي الاصحاب الي مش بيكملوا سنه معايا أو عمتا في حياتي حاولت كتير اني اكون اجتماعيه بس مش بعرف و دايما بحب اقعد لوحدي وسط أي تجمع
اعمل ايه عشان اكون صداقات اكتر و ابقي اجتماعيه
انتي كدة شخصية إنطوائية يعني دي حاجة فيكي ومش عيب على فكرة اللي بيميز البشر عن بعضهم الإختلافات والأنطوائيين يقدروا يطونوا صداقات عادي المهم تلاقي الشخص الصح مثلاً حد هادي وإنطوائي زيك أو حد متفهم ومتقبل كونك إنطوائية وحاولي مثلاً تشاركي فى نقاشات أو أنشطة إجتماعية فى دراستك أو شغلك حتى ممكن تجربي تتعرفي على ناس أونلاين بس يستحسن تخلي ده آخر إختيار فى بالك بسبب الأخطار بتاعته للأسف الشديد ولو وصلتي للدرجة اللي مفيش حل غير ده تكوني قرأتي وفهمتي وعرفتي كويس جداً ازاي تتعاملي عالنت وازاي تضمني سلامتك ولو مش عارفة تبدأي مع حد الكلام مثلاً لو منزل بوست أو ستوري أو جه وقت مناسبة خشي كلميه وفى آخر الكلام تقولي "ياريت نبقى نتكلم تاني" أو "كلمني بكرة" أو مثلاً تخشي تقولي "معلش إني مبتكلمش كتير بس أنا إنطوائية حبتين ومش بلاقي مواضيع بس بيبقى نفسي أكلمك فابقى اعذرني وخلينا نشجع بعض نفتح مواضيع" وهكذا تشرحي موقفك إنك مش بتتكلمي مش عشان إنك بتحاولي تعملي نفسك كاريزما والإفتراضات بتاعت اليومين دول واستعيني بربنا وادعيله أصل الدعاء ده فى أي حالة ويمكن هو بيعمل كدة عشان عايزك تدعيله وبرضو اطلبي مساعدة من اللي تعرفيهم أو من أهلك لو مثلاً أهلك يعرفوا بنات فى سنك أو لو عندك إخوات عندهم صحاب فى سنك أو قرايبك وهكذا الموضوع سهل بس خديه بالتدريج ومش شرط عشان انتي هادية وإنطوائية يبقى لازم تغيري شخصيتك وطبعك بالكامل عشان تتعرفي على ناس لو كان الموضوع كدة مكناش هنعيش كلنا وربنا معاكي وإن شاء الله هتلاقي الناس الصح
تم النشر السبت، ١ يوليو ٢٠٢٣
تكوين الصداقات ملوش طريقه معينه الفكره كلها ف الشخص اللي قدامك يعني انتي لو حاسه إن اللي قدامك ده حد كويس وباين عليه إنه محترم وهادي كده فا روحي واتعرفي عليه ومش لازم طريقه معينه يعني لو ف كليه سوا قوليلها إحنا علينا محاضرات ايه وممكن تبعتيلي الجدول ع الواتس وابتدو اتكلمو مع بعض ف أي حاجه فا هي الفكره إنك تنقي الصديق الصح وأهم حاجه ف الدنيا إنك متبقيش لوحدك طول الوقت وحاولي أد ما تقدري تقعدي تتكلمي مع ناس سواء أهلك أو أصحابك أي حد المهم متبقيش لوحدك
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا