السلام عليكم
أنا من أول ما دخلت ثانوي ومستواي الدراسي نزل جداً مع إني كنت دائماً بطلع من الاوائل بس معرفش إيه الي حصلي بتعدي أيام من غير ما أفتح كتاب ودا تعبني نفسياً جداً انا سمعت نصائح كتير وشفت فيديوهات وقرأت كتب عن التسويف وتضييع الوقت ومسحت كل التطبيقات بس مفيش فايده يومي بيضيع بسرعه وانا دلوقتي في تانيه ثانوي وفاضل شهر عالإمتحانات حاسه اني ضايعه خالص بحاول أضغط على نفسي عشان أذاكر بس مش عارفه خالص وفكرة إني هدخل تالته ثانوي بالمستوى دا مرعبه لو حد عنده نصيحه ياريت يساعدني
بس حاولي تدعي في رمضان قبل الفطار وإن شاء الله ربنا يستجيب وتجهادي نفسك وتعيدي ترتيب أولوياتك يعني تحطي في نيتك انك بتذاكري عشان تدخلي الكليه المعينه عشان تنصري اخواننا في غزه وعشان ترضي ربنا وترضي ابيكي وامك تحققي غايتك من وجودك في الدنيا وهكذا حاولي تعيدي ترتيب أولوياتك لكني إياكي أن اليأس يتملك منك وانت بتحطي أولوياتك
تم النشر الثلاثاء، ٢ أبريل ٢٠٢٤
شكرا اوي ليكي وانا هحاول على قد ما اقدر المشكله اني ضيعت اولى وتانيه بس جيت في الاخر عرفت طريقة المذاكره الصح بس بعد ما نفسيتي راحت ومحدش كان بينصحني ولا يقولي اعمل ايه واذاكر ازاي بسبب ان نفسيتي وحشه انا مش قادره اذاكر وبس دا انا مش قادره اعيش ولا ليا نفس اعمل اي حاجه المشكله في مرحلة المراهقه انها حساسه جدا وان الاهل مش بيعرفوا يتعاملوا كويس معاها ودا سببلي عقد كتير
تم النشر الأربعاء، ٣ أبريل ٢٠٢٤
قربي من ربنا متخليش حد يخوفك اعملي حرب بينك وبين نفسك أو هدف وانك عايزه هدفك يتحقق نصحيه متصحببش بنات كتير متخليش حد شغلك عيشي حره نفسك اهم حاجه قربي من ربك ومتخفيش من الامتحانات كنت زيك والدنيا لقته بسيطه خالص اعملي جدول هتتحمسي لمذكرة ربنا معاكي ويحفظك
تم النشر الثلاثاء، ٢ أبريل ٢٠٢٤
ده لينك الفيس بتاعي ابعتيلي وربنا معاكي شدي حيلك بقى وذاكري وتعالي على نفسك ياقلبي
تم النشر الأربعاء، ٣ أبريل ٢٠٢٤
طيب انت حرفيا نفس قصتي، بس انت لسة فأيدك انك ترسمي نهاية مختلفة،انا كنت الخامسة عالمدرسة في تالتة اعدادي وكنت جايبة ٩٩،من ساعت ما دخلن ثانوي وانا مبقتش افتح كتاب بسبب مشاكلي مع احد قرايبي،جين فتالتة للاسف مكنتش بذاكر والحمدلله عدت على خير وجبت ٨١% ادبي وعيلتي كانوا فرحانين. دخلت تربية لغة عربية بس لحد دلوقتي حاسة بالذنب لاني كنت ممكن اجيب مجموع اعلى وادخل كلية قمة،بس الحمدلله انا خابة تربية،الخلاصة اوعي تعملي زيي،واعتبري ان ربنا بعتني ليكي اشارة،صدقيني محدش هينفعك غير مذاكرتك دي اللي هتخليكي واثقة من نفسك قدام عيلتك أو حتى زوجك المستقبلي🖤اسفة لو طولت
تم النشر الأربعاء، ٣ أبريل ٢٠٢٤
مفيش حاجه قدامي غير الدعاء وشكرا على كلامك💗
تم النشر الثلاثاء، ٢ أبريل ٢٠٢٤
فهماكي ياحبيبتي انسب حل انك تقربي لربنا صدقيني نفسيتك هتبقى أفضل بكتير لما تقرأي قرآن وتصلي الخمس فروض،كل يوم اقرأي صفحة واحدة قرآن من المصحف وهتشوفي الفرق والجمال ❤️ وانا حاسة بيكي وربنا يقويكي معلش
تم النشر الخميس، ٤ أبريل ٢٠٢٤
انا زيك و حاسس إني تائه الله يكون في عونا يارب
تم النشر الثلاثاء، ٢ أبريل ٢٠٢٤
لعرض السؤال في فدني اضغط هنا