ممكن اقتراحات لكتب مناسبه للاطفال في عمر ١٢ سنه غير المجلات ال زي ماجد وعلاء الدين وقطر الندى وووو.
عاوزة اسماء كتب اسلوبها سهل ومشوق ومعلوماتها مناسبه لسنهم .وياريت متكونش روايات
سن 12 و انت طالع دا سن الروايات الصغيرة مش سن الكوميكس و الكتب المصورة ، دا نفس السن اللي بدأت فيه اقرا سلاسل زي المغامىون الخمسة و الشياطين ال 13 و حتي لما كنت بحب اقرأ حاجه مصورة خفيفية كنت بقرأ اعداد تان تان .. فيما بعد اتعرفت علي رجل المستحيل و ملف المستقبل و سلسلة كوكتيل للكاتب الرائع الله يرحمه دكتور نبيل فاروق .. و فيما بعد لما زهقت منها لقيت دكتور احمد خالد توفيق و السلاسل الرائعة بتاعته ماوراء الطبيعة و سفاري و فانتازيا .. لحسن الحظ مكنش فيه انتشار مرعب للموبايلات و للتابلت و للكمبيوتر وقتها و ده ساعدنا قوي علي القراية لمدة ساعات و نما عندنا مهارات اللغة و الكتابة لأنهم مكتوبين باللغة العربية الفصحى ، دا سلاسل كلها للسن ده و لحد 17 سنة و بعد كده فيه روايات كاملة للكبار لنفس الكتاب ..
تم النشر الثلاثاء، ٢٢ نوفمبر ٢٠٢٢
فى سلسلة كتب من ناشيونال جيوجرافيك راااائعة ابسطهم ( ماذا ولماذا ؟ )ودى علمية او بشكل معلومات عامة وفى سلسة فى الجغرافيا والفضاء والغابات والمهن كتير جدا وبشكل مبسط وجميل ممكن بردوا تشتركى للطفل او الطفلة فى المكتبات العامة وداخل المكتبة الكتبة بتكون متصنفه حسب السن وتقدروا تستعيروا الكتب بدل الشراء
تم النشر الخميس، ٢٤ نوفمبر ٢٠٢٢
• حفظ القُرآن وقراءته.
تم النشر الخميس، ٢٥ يناير ٢٠٢٤
كتاب العادات السبع للمراهقين الأكثر فعالية
تم النشر الثلاثاء، ٢٢ نوفمبر ٢٠٢٢
قصص كامل كيلاني
تم النشر الاثنين، ٢١ نوفمبر ٢٠٢٢
لعرض السؤال في فدني اضغط هنا