ايه سبب الاستنزاف النفسي لدرجه الاستسلام
وكمان الألم النفسي تملك مني لدرجه بقيت اتكاسل ع العبادات والصلاه والاكل
لكن مش بيبقا قصدي ولا عايزه اني اتكاسل عن الصلوات
لكن من الألم النفسي مخليني مش عندي طاقة لاي شي
ومستنزفه ولكن من جوايا تقية وبحب ربنالكن مستنزفه ومعنديش طاقه أنه ارفع جفن عيني !!💔
اعلمي ايتها السائلة لانكي كسولة ومستسلمة مما كان له الأثر اصبحتي انهزامية لانكي لاتملكي إرادة قوية ويقين وثقة في النفس فعليك الاعتماد والثقة بنفسك وتعلمي تكوني إيجابية العمل مهم جدا لكي الفكر الثقافة والاهتمام بالاشياء مهما تكن تافه تحلي بثبات نفسي انا افكر اذا انا موجود
تم النشر الاثنين، ٨ أبريل ٢٠٢٤
مريت بفترة زي كده بالضبط ولدرجة إني مش عاوزة أخرج من أوضتي وإني لما بنزل من البيت وأشوف ناس أحس بخنقة وأفضل أعيط، الصلاة كنت بجبر نفسي أصلي لدرجة إني من كتر ما أنا معنديش طاقة كنت بفضل أتتاوب وأنا بصلي وأعيط وأصدع ومحسش بيها، حلقة القرآن سبتها لإني مش طايقة أشوف نااس حاسة بإني عندي طاقة سلبية تكفي بلد بحالها، وحد نصحني إني أرقي نفسي وإن الرقية مش شرط علشان حسد وإنها بتكون حاجة مريحة كده سبحان الله وبتريح، وأرقي نفسي يومين مرتاحة وبعدها أتعب تاني وحاولت أداوم عليها مدة ولحد الأن بحاول أخليها روتين وجزء من الأسبوع عالأقل أرقي نفسي مرة في الأسبوع أو كل مرة أحس إني مش كويسة. خلصت من مشاعري دي والمشكلة؟ لاء ،ولكن مقارنة بحالي في البداية في تحسن كبييييير. الرقية مش حل وحيد لازم تحطي إيدك على سبب الزعل وتبدأي تعالجيه، زي مثلا علاقة مرهقة بتاخد طاقتك كلها إبدأي أفصلي منها وحطي حدود لنفسيتك ونقط على الحروف، أفكار سلبية إتعاملي معاها إنها وساوس من الشيطان اللي عاوزك ديما في أسوء حال وعاوزك تعييسة، في مشاكل كتييير هتتحل لما تحطي نفسك أولوية وتحطي لها حدود بينها وبين أي حاجة مؤذيه. وأخر حاجة إفتكري ديما إن "ألا بذكر الله تطمئن القلوب" مهما توهتي إرجعي وجاهدي نفسك،وأحب الأعمال إلى الله أدومها وإن قل، وديما حسن الظن بالله بينجي.. أتمنالك تكوني كويسة وأحسن
تم النشر الاثنين، ٨ أبريل ٢٠٢٤
طيب بما انك سميتيه استنزاف نفسي من المفترض انك تكوني عارفه ان انت مريتي التجربه نفسيه صعبه او حاجه اثرت فيك نفسيا بشكل كبير ولذلك اخدت منك كل طاقتك. طيب هو اولا لو الحاجه دي او الموقف ده لسه قريب فطبيعي تكونى مش عارفه تقومي مكانك لانه الشحن طاقه خلصت انا خرجت طاقه كبيره جدا واستهلكتها في موضوع لسه حاصل ما خلصش فطبيعي انه البني ادم بيحتاج فتره يشحن فيها. طيب هتبقي ازاي قادره تشحني انت لازم تعرفي الحاجات اللي بتشحنك اصلا كل واحد فينا بيكون عنده حاجات لما بيعملها؟ هي دي بتدي له طاقه نفسيه فالصاله طبعا والحاجات لها علاقه بربنا من اكثر الحاجات اللي بتدي طاقه نفسيه. حتى لو انت مش قادره تقومي تعملي العباده مش قادره تقول تصلي تصلي وانت ان انت في مكانك وانت نايمه صلي بعينيك ادعي سبحي بلسانك بس اسمعي قران اسمعي رقيه بس الحاجات دي كلها بتشحن نفسيا ده شق. تاني لازم تعرفي الحاجه اللي عملت لك الاستنزاف ده وسحب منك كل الطاقه ازاي سبتي نفسك لحد كل الطاقه حرفيا تتاخد منك. ضروري جدا تجاوبي على السؤال ده ايه الحاجه اللي خلتك تفضلي مستنيه لحد ما كل الطاقه اتسحبت ما فكتيش حتى يعني والتقى مثلا خلصانه 70% 80% 90 لو الموضوع بس في الصلاه وفي العبادات فيبقى الموضوع في جزء كبير محتاج انك تسمعي قران محتاجه انك تسمعي رقيه وهكذا لكن لو الموضوع في حتى الروتين اليومي فانك تبقي مش قادره انك تقومي تاخدي دوش في انك تبقي مش قادره تقومي تعملي فطار وتاكلي وممكن تقعدي جعانه لانك بس مش قادره تقومي فاحنا هنا نتكلم على درجه من درجات الاكتئاب اكتب اكتئاب خفيف فلازم تقيمي الموضوع ده كويس ولو مش مش قادره تقيميه بس بمكالمه على اي خط من بتوع الدعم النفسي المجاني وتقدروا توصفي الاعراض اللي عندك والطويل يفيدك لو فعلا اللي عندك يقدر يعني يصنف ان هو اكتئاب علشان تاخدي الخطوات الصح بانك تخلصي منه.
تم النشر الاثنين، ٨ أبريل ٢٠٢٤
ادعي ربك وقولي اللهم ردني إليك ردا جميلا،يارب قويني على العبادة،يارب سهل عليا العبادة،يارب اهديني،الدعاء هو الحل
تم النشر الاثنين، ٨ أبريل ٢٠٢٤
بصي شكلك طالعة من موقف اذاكي أو خبرة مش كويسة ف محتاجة وقت لراحتك انك ترجعي تاني ... استني شوية و اصبري و هترجعي احسن من الاول لو عايزة اقتراحات ترجعي ازاي ... اولا لو مفكرة انك هترتاحي لما تبعدي عن الصلاة هتبقى غلطانة ...بصي مهما كنتي تعبانة ف يومك أو حتى مفيش ١٪ طاقة ..لو روحتي صليتي ركعتين أو قيام ليل ف اخر يومك و قراتي آية الكرسي و نمتى انتي كدة مش عايزة حاجة تاني بجد و عن تجربة كمية الراحة اللي ف صلاة الليل كفيلة تديكي طاقة نفسية داخلية كفاية انك حاسة أن ربنا راضي عنك و هيعوضك خير أما بقي لو عن عاداتك اليومية و تكاسلك حاولي متراكميش ف دماغك الحاجات اللي وراكي و تقولي اصل انا ورايا كذا و كذا و كذا و معملتش ولا حاجة ... طب ما انتي كدة مش هتطلعي من الدوامة ... اول حاجة استعيني بالله .. اتمرني أو روحي جيم أو العبي نشاط بتحبيه و اخرجي عن الcomfort zone بتاعتك و جربي حاجات مختلفة .. جربي تسيبي التلفون و أي جهاز لمدة ٨ ساعات ورا بعض أو خوديها بالتدريج اقرأي كتب اعملي انجازات بسيطة اخبزي حاجات صغيرة ووزعيها عالناس أو صحابك و قرايبك الخ.. طلعي صدقة بنية فك الضغط اللي عليكي ادي لنفسك مساحة تتنفسي و اطلعي من الخنقة اللي انتي مصورها لنفسك و اهم حاجة تفتكري انك تلجأى لربنا لو مخنوقة و ادعي لنفسك طول الوقت ✨❤️
تم النشر الاثنين، ٨ أبريل ٢٠٢٤
لعرض السؤال في فدني اضغط هنا