انا زوجه لثلاث اولاد ودايما حياتي كلها معاهم اكتفيت بيهم عن الصحاب والاصدقاء بس للاسف زوجي له اصحابه وحياته وكل فتره يخرج معاهم لكن انا مش بعمل كده لاني خلاص مليش صحاب ولا اصدقاء نفسيتي تعبانه بسبب الموضوع ده جدا ولما زوجي بيخرج بقعد اعيط بسبب اني مش عارفه اتصرف ازاي ولا اخرج لوحدي ومع مين 🥲
طيب انتي ممكن تعملي كذا نشاط .. زي مثلا تتعلمي حاجه جديدة وممكن بعد ما تتقني الشئ ده يكون رزق ليكي فيما بعد كعمل. ممكن لو مش حابه تشتغلي .. ممكن تتطوعي في مكان وتنزلي مثلا ايام محددة في الاسبوع تملي فراغك، او تشغلي نفسك بحاجه مختلفة. ممكن تروحي الجيم ومنه برضه هتتعرفي على ناس جديدة، وتعملي رياضة ع الاقل الطاقة السلبية ديه تطلع في حاجه كويسة.
تم النشر الخميس، ٩ نوفمبر ٢٠٢٣
حاولى تشغلى وقتك ببعض المعلومات فى تطبيقات كتير بتقدم معلومات مفيدة واستثمرى وقتك فى تعلم ڜي وومكن تدخلى جروبات على الفيس دينية ممكن تعمل صداقات من خلالها
تم النشر السبت، ١١ نوفمبر ٢٠٢٣
انتي مشكلتك موش انك عاوز تعملي حاجه جديده لا انتي نفسك تتكلمي مع حد يسمع لك و تسمعي ليه يشاركك افكارك ، علشان كده انا عاوزك تطلبي من زوج أن هو يقعد معاكي ولو ليله يسهر فيها معاك وانتي اعمل جوا جميل ليك وليه وتكلموا مع بعض...🌸
تم النشر الجمعة، ١٠ نوفمبر ٢٠٢٣
طبعا وظيفة المرأة الأساسية هي أطفالها، لكن أكبر خطأ بيقع فيه الأمهات انها تهمل نفسها مقابل أطفالها. مع إن حب النفس ضروري لحب الآخرين. أول نصيحة ان حضرتك تدوري على حاجه تبني فيها كيانك الشخصي، اتعلمي حاجه جديدة اكتسبي موهبة او مهارة جديدة.
تم النشر الخميس، ٩ نوفمبر ٢٠٢٣
اشغلي نفسك بحاجه مفيدة يعني مثلا اعملي مشروع اونلاين خاص بيكي ، اخرجي لوحدك عادي جدا ابسطي نفسك هاتي لنفسك حاجات بتحبيها ، اعملي شوبنج كل فترة حتي لو هتشتري حاجه واحده بس هيفرق ف نفسيتك جدا ، وزوري اهلك اكتر واعزميهم عندك
تم النشر الجمعة، ١٠ نوفمبر ٢٠٢٣
لو حضرتك تقصد الخروج عموما مع زوجي والاولاد بيحصل بس بحكم فتره الدراسه فبيبقي مش كتير وبيبقي فيروتين صعب هو بيخرج مع اصحابه لكن انا لا ببقي مع اولادي وودلاي كبار للعلم
تم النشر الخميس، ٩ نوفمبر ٢٠٢٣
انا مش فاهمه سؤال حضرتك
تم النشر الخميس، ٩ نوفمبر ٢٠٢٣
خروجك مع جوزك او مع أولادك او مع جوزك وولادك. مش خيار؟
تم النشر الخميس، ٩ نوفمبر ٢٠٢٣
لعرض السؤال في فدني اضغط هنا