السلام عليكم
انا ولد عندي ١٦سنة
وعندي اختين اصغر مني
من اربع سنين او اكتر شوفت ابويا فاتح موقع اباحي على اللاب وماكنتش فاهم ايه ده لكن الموضوع اتكرر وبقى مايجيش معانا التجمعات العائلية ولما مرة رجعتلوا من التجمع العائلي لوحدي لقيت بردو الجهاز مفتوح على الحاجات دي وعلى طول لغاية دلوقتي الاقيه فاتح المواقع دي وببحمل منها حاجات
من تلات سنين ابويا حصلتلوا مشكلة في الشغل وسابوا بعدين لقا شغل تاني وطلعوا بينصبوا في حاجة معينة مش عارف هي ايه فساب الشغل ده من سنتين ولغاية دلوقتي مش عنده وشغل وعلى طول مزنوقين في الفلوس
انا حاسس ان الازمة دي بسبب الذنب ده ومش عارف اعمل ايه واختي الصغيرة لو فتحت اللاب بتلاقي الحاجات دي وتقعد تسأل عليها وبنقولها اعلانات ابقي اقفليها ومرة كنت انا اخر واحد فاتح اللاب واختي فتحته بعدية ولعبت فيه والموقع فتح وراحت قالت لامي اني انا اللي بتفرج وحصلت مشكلة بس عدت وهم فاكرنني انا اللي كنت بتفرج لكن ماقالوش لبابا
هو علاقته بماما كويية جدا بس انا حاسس انه الازمة الفلوس وعدم وجود شغل بسبب الذنب ده مع العلم انه بيصلي كل الصلوات وملتزم وحافظ قرآن
تنصحوني اعمل ايه عشان انا بدعيلوا من زمان ومافيش فايدة
إتكلم معاه وقوله إنك إكتشفت المواقع دي بتتفتح على اللاب وخايف على إخواتك البنات إن المواقع دي تظهرلهم زي ما بتظهرلك وإنك بتسأله إيه الحل وقوله انا الأول مكنتش فاهم دا إيه وبعدها إسأله كإنك بتستفسر منه لأنه والدك وقوله هو الفرجة على الحاجات دي من الكبائر ولا عادي؟ وشوف رده وقالك من الكبائر قوله انا بحثت وظهرلي آية بتقول " قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ " بس مش فاهمها .. يعني إيه يابابا؟ هيبدأ يشرحلك وهيخاف عليك من المعصية دي .. قوله وقريت كمان حديث بيقول (العينُ تَزني والقلبُ يَزني فزِنا العينِ النظَرُ وزِنا القلبِ التمَنِّي والفَرجُ يُصَدِّقُ ما هُنالِكَ أو يُكَذِّبُه) ومش فاهمها ؟ وسيبه يشرحهالك ولو مش عارف ابحث عن شرحها قدامه ولما يخلص او تخلص قراية الشرح بتاعها قوله إنك خدت في المدرسة فعلا إن من أعظم أسباب ضيق الرزق معصيةربنا ، والنبي صلى الله عليه وسلم قال: إن الرجل ليحرم الرزق بالذنب يصيبه. أعتقد إن المحادثه بينكم لو دارت بالشكل دا هتخليه يعيد تفكيره مليون مره وهيخاف عليك وعلى إخواتك من الذنب ومن عواقبه و من ضيق الرزق وهيشوفها رساله من ربنا
تم النشر الأربعاء، ٣ أبريل ٢٠٢٤
واضح انك من أسرة طيبة وإن سلوك والدك هو سبب تدهور أحوالكم بالبيت وانت ممكن تتكلم مع والدك انك دايمآ بتلاقي حجات غير محترمة على الجهاز وانها قد تكون فيروس او هكر وانك خايف على اخواتك البنات وحاول تلاقي معاه حل انه يحذفها قدامك وكل ما تلاقي حاجة بلغة ان الفيروس رجع تاني وربنا يهديه ويبعد عنكم الشر
تم النشر الأربعاء، ٣ أبريل ٢٠٢٤
بص هقولك اللي عامل في أبوك كده هو الفراغ لأنه لو كان شاب ولسه ما اتزوجش فممكن نقول إن شهوته غلبت عليه مع إن الموضوع ده حرام بس ابوك متزوج فيعني اكيد مش محتاج يتفرج على حاجات زي كده لكنه عنده فراغ كبير لأن الرسول صلى الله عليه وسلم بيقول( نعمتان مغبون فيهم كثير من الناس النعمة والفراغ) والحل الأمثل إنه يشغل نفسه طول اليوم يعني مثلا طالما حافظ القرآن ممكن يدي دروس تحفيظ أو ممكن يحاول يشتغل حتى لو اي حاجه المهم طول الوقت يشغل نفسه وتدريجيا كل حاجه هترجع لأصلها بإذن الله وربنا يصلح حاله وحالنا جميعاً يارب العالمين 🙏
تم النشر الأربعاء، ٣ أبريل ٢٠٢٤
لاحول ولا قوة الا بالله شكرا لكم جميعا جزاكم الله خيرا ويارب يهدينا جميعا
تم النشر الجمعة، ١٩ أبريل ٢٠٢٤
واستحمل عصبيته لأن الموضوع شكله كبير وكلمه باحترام مش تبجح
تم النشر الأربعاء، ٣ أبريل ٢٠٢٤
خلاص واجهه وعرفه انك عارف واكيد هيخجل من كده بس اكيد في سبب ورا ادمانه للمشاهده الافلام الاباحيه فانت كلمه وواجهه لأن أنسب حل هو المواجهة
تم النشر الأربعاء، ٣ أبريل ٢٠٢٤
مفيش حل غير انك تصارحه بكده،وهو هيخجل منك لأنك ابنه فتخيل هو القدوة لما يشوف ابنه عرف بحاجة زي دي هيحس بتقصيره،وبجد لو تعرف تقول لمامتك فالسر بعيدا عن اخواتك أو من غير ماتقوله شخصيا هيبقى حل افضل بكتير،هي اكيد هتتصرف وعلى الاقل هتكون عرفت انك مش انت اللي كنت بتتفرج على هذه المواقع،وبجد انا بحييك انك مش العكس وانك مدرك اثر هذه المواقع على الشخص واثر هذا الذنب العظيم على حياته،ربنا يثبتك
تم النشر الأربعاء، ٣ أبريل ٢٠٢٤
في حل حاول تجربه خلي دايما قران شغال وحاول انك تقعد في المكان اللي هو قاعد فيه وتشغل قران او حاول تبوظ اللاب انت بتقول الحاله الماديه مش كويسه فمعتقدش انه هيصلحه
تم النشر الأربعاء، ٣ أبريل ٢٠٢٤
تمام ان شاءالله اعمل كدا
تم النشر الأربعاء، ٣ أبريل ٢٠٢٤
في طرق حجب للمواقع دي ، اكتب علي جوجل طريقة حجب المواقع الإباحية نهائيا انا كنت عاملها قبل كدا
تم النشر الأربعاء، ٣ أبريل ٢٠٢٤
حاول تفتح معاه في موضوع ده بس يبقا هوه الي بينصحك مش العكس عشان يتقبلها منها
تم النشر الأربعاء، ٣ أبريل ٢٠٢٤
واجهه بس مش كأن هو اللي بيعمل كده يعني مثلاً قولوا أنا سمعت أن اللي بيتفرج علي الافلام الاباحيه والحاجات دي حرام وبتاثر علي حياته مع اللي حواليه سواء ولاده وعلاقته مع أي حد وبيخش النار وكده وخليه هو كمان يديك معلومات عن العقوبه ممكن يفوق ويعرف أنه غلطان وواظب علي الدعاء ليه
تم النشر الأربعاء، ٣ أبريل ٢٠٢٤
ومينفعش تنصح ابوك بالإيد يعني أنصحه بكلام مثال- انتو قاعدين في صالة مثلا وتلفزيون شغال وهما فاتحين مسلسل وفي نساء وكده متجيش تقلب القناة عايز تنصحهم انصحهم بكلام مش باليد
تم النشر الأربعاء، ٣ أبريل ٢٠٢٤
خليك ذكي وانت بتنصحه يعني عايز تنصحه متجيش تقوله ذنب ده من كبائر ومش عارف ايه مش هيتقبلها منك عشان ده ابوك مش ابنك ممكن تقوله ممكن يابابا انا حاجات دي بتعبني ومش عارف اغض بصر وكده باحترام هيتقبلها
تم النشر الأربعاء، ٣ أبريل ٢٠٢٤
شغل في البيت دايما الأيات اللي فيها عذاب و الأيات اللي فيها أيضا مغفرة من الله. زي قل يا عبادي الذين أسرفوا علي أنفسهم ، و هكذا
تم النشر الأربعاء، ٣ أبريل ٢٠٢٤
داوم علي قراءة سورة البقرة تطرد الشياطين و بالتدريج اثار وسوسة الشياطين تنتهي مع الوقت بإذن الله في البيت كله ،علق ورقة مكتوب عليها أذكار الصباح و المساء في حتة ظاهرة في البيت ،، تحفظك و أهل بيتك ،بوظ اللاب ،، بحيث مينفعش تاني ،الحاجه اللي ييجي منها الشر لمجرد الشبهه بلاش منها ، انجو بنفسك و نجي والدك خصوصا انه مصدر رزقكم ،، عرف شيخ كويس و أمين علي السر دا بحيث يقدر يساعدك أكيد هيبقي عندك خبره أكبر منك
تم النشر الأربعاء، ٣ أبريل ٢٠٢٤
شكراً
تم النشر الأربعاء، ٣ أبريل ٢٠٢٤
خلاص حاول متخليهوش قاعد لوحدوا وانت تقعد معاه في معظم الوقت وعليك بالدعاء وعلي حسب شخصية مامتك انت ممكن تحيبلها الموضوع من بعيد وهي هتعرف تتعامل معاه لانه هيقبل كلامها
تم النشر الأربعاء، ٣ أبريل ٢٠٢٤
قول لمامتك في وقت باباك مشغل الحاجات دي وهي تخش تشوف أو تصورو من بعيد بس تجيب من وهو ماسك لاب مش من وشه عشان ميشكش فيك ووريه لمامتك
تم النشر الأربعاء، ٣ أبريل ٢٠٢٤
والمشكلة انه عصبي جداً وممكن يقول اني قليل الادب اني اتهمه بحاجة زي دي لو قولت ان المواقع دي على اللابتوب ومش بتتحذف وماما معرفش رد فعلها ممكن يكون عامل ازاي لو لمحتلها حتى
تم النشر الأربعاء، ٣ أبريل ٢٠٢٤
شغلت قصاده حلقة لمصطفى حسني بيتكلم على الاباحية وعقوبتها وكمان اضرارها على حياة الانسان بشكل عام وبعد كدا امي كانت بتتفرج هي كمان وبدات تتكلم في الموضوع و كان رد بابا ان الشيوخ بيخوفوا الناس لكن العقوبة مش معروفة وان ادمان الاباحية احسن من المخدرات واحسن من الزنا واهون وانا كنت ساكت طبعاً وبسمع
تم النشر الأربعاء، ٣ أبريل ٢٠٢٤
مايصحش يفضح والده قدام حد غريب وقد ستره الله
تم النشر الأربعاء، ٣ أبريل ٢٠٢٤
وفعلا بوظت اللاب قبل كداوصلحتوا لكن اللاب ده عليه اغلب حاجات شغله فبيضطر يصلحه وكدا ابقى بزيد الحالة المادية سوء
تم النشر الأربعاء، ٣ أبريل ٢٠٢٤
انا فعلا بشغل قرآن لكن اكيد مش هعرف اشغله طول الوقت
تم النشر الأربعاء، ٣ أبريل ٢٠٢٤
لعرض السؤال في فدني اضغط هنا