السلام عليكم
انا في تانيه ثانوي و حاسه بعجز و إن مش قادره أخد قرارات في أي شيء يخص تالته ثانوي سواء مع مدرسين أو هل هاخد دروس ولا لاء و لو هاخد ، هاخد في إيه و مع مين ، كنت في أولى بعمل جداول و بذاكر كويس و بعرف أنظم وقتي ، دخلت تانيه بعد النظام الجديد مبقاش في وقت اتنفس حتى أو حتى وقت ارتاح فيه قبل تالته أو وقت لنفسي كلو امتحانات و شوامل و تقييمات
و نظام المدرسه شديد في مواعيد و في كل حاجه تعبت بجد و حاسه بعجز كبير اوي اوي
انا ناويه إن شاء الله أدخل علمي رياضه ، جربت مدرسين رياضه كتير اوي اوي و ولا واحد فيهم عاجبني نظامو أو شرحو، مفيش غير قناه الي بشوفها على يوتيوب و بفهم من المستر بتاعها و درجاتي دايما عاليه بسببو بس للأسف مبيديش تالته و أنا مش عارفه أعمل ايه و أخد مع مين ، دا مش بس في الرياضه دا في كل المواد سواء كيمياء أو عربي أو اي ماده ، جربت مدرسين كتير ولازم يطلع المستر فيه غلطه يعني الي الاقيه شرحو حلو يطلع مش مهتم ولا بواجب ولا بإمتحانات و الي الاقيه نظامو صعب يطلع بيدي اكتر من يومين في الإسبوع يعني بالأصح بيخليني مذاكرش غير مادتو و كأن معنديش مواد تانيه اذاكرها
بجد مش عارفه أعمل إيه انا مباخدش دروس من أولى بسبب كدا أه درجاتي الحمد لله حلوه بس براكم جامد اوي اوي لدرجه إن مبذاكرش غير قبل الإمتحان ب أيام و في مواد بذاكرها قبل الإمتحان بيوم
بعرف ألمها بس بتعب و بصدع و كمان تالته دروس المواد هتبقا كتيره اكتر من الي بندرسو بكتير ،
غير نظامي الي متعوده عليه و مش عارفه ازاي هطبقوا و هو إن مبعرفش اذاكر درس في ماده ذي كيمياء مثلا و معاه درس من ماده تانيه لازم اقعد على الماده الواحده أسبوع اخلصها كلها و بعدها ادخل في الماده الي بعدها و اخلصها كلها و أفضل أحل عليهم
النظام ده حلو معايا بس مش نافع لو هاخد دروس ، أنا حتى منصات مش عارفه التزم فيها جربت منصه عربي و فشلت جامد أوي راكمت جداً و الإنجليزي بردو حصل معايا كدا
مش لاقيه حل و مش عارفه أخد قرار و فقدت شغف من دلوقتي ، أنا محتاجه وقت لنفسي و مش عارفه اخدو و مش لاقيه وقت أقعد و أفكر ولا وقت أقعد و أنظم جدول محتاجه أرتاح من المدرسه بالذات و من نظامها الشديد و مش عارفه عشان ايام غيابي قربت تخلص
لدرجه ساعات بفكر أعمل ف نفسي حاجه عشان أخد أجازه مرضيه من المدرسه بس طبعاً مش هعمل كدا لإن حرام بس بجد مش لاقيه حلول و تعبت من الدراسه و النظام و تعبت من إني في محافظه مفهاش مدرسين و غير مكان الدروس لازم عشان أوصل أركب مواصلتين و انزل قبل الدرس بساعتين عشان ألحق مكان و ألحق أوصل، بندم ندم شديد أوي إن دخلت علمي و أنا عارفه إن مش هلاقي مدرسين علمي كويسين في محافظتي ، بقا دلوقتي بنات أدبي الي بيجيبوا درجات عاليه عشان في مدرسين شاطرين كتير أدبي عندنا دا غير في المدرسه مدرسينهم متساهلين معاهم في الدرجات على عكسنا تماماً بيتلككوا عشان ينقصونا
بجد عايزه حل أنا تعبت من دلوقتي من قبل حتى مدخل تالته عايزه ارتاح و أجازه اخر السنه في تانيه مستحيل تكفيني في حاجات كتير عايزه أعملها و عايزه اتمرن و أهتم ب هوايتي و امارسها و حتى أوقات التأمل في الطبيعه الي بتريح نفسيتي مبقاش في وقت أعملها عايزه حل أرجو الإفاده
حبيبتي انا تالتة والموضوع مش معقد كدة خالص وبالنسبة لمدرس الرياضيات اللي مش بيدي تالتة فغالبا هو مقهي الرياضيات انا برضو كنت متابعاه من تالتة اعدادي وكان شرحه كويس جدا بس جيتب في تانية ثانوي او اولي مش فاكرة المهم ان المستر نزل فرع واحد من فروع الرياضيات وانا زعلت لاني معرفتش الاقي حد زي شرح المستر لكن بعد كدة لقيت مدرسين واعتمدت عليهم عندك مستر لطفي زهران ومستر احمد عصام ومستر احمد الفواخري وغيرهم ونظام المنصات غير اليوتيوب هو اه نفس لشرح بس الحل بيختلف كتير يعني المدرسين عالمنصات بيهتمو بالحل وتحسي لن الموضوع منظم وكويس وبالنسبة لإنك مش بتنتظمي في المنصات مع انها كويسة انتي ممكن تختاري المنصات اللي عاملة مدة محدودة للفيديو بمعني ان انتي اول ما تفتحي الفيديو لو مخلصتيهوش من شرح وحل الفيديو هيتقفل خلال مدة وفي منصات بتابع مع الطلبة يعني بيرنو عليهم ويسألوهم وعاملين تيم علمي لو واجهتك مشكله في شرح او حل سؤال ما وتيم دعم فني للمنصة متقلقيش كله موجود والاهتمام بتالتة أكبر من تانية من ناحية المدرسين ولو انتي شايفة في مواد من وجهة نظرك حاسة انك هتراكمي بالرغم من المتابعة انتي ممكن في المواد دي تنزليها سنتر قريب منك علشان الوقت وتابعي يوتيوب مع السنتر اللي هتنزلية بمعني انك قبل ما تنزلي حصة السنتر اسمعي يوتيوب للدرس دة كتحضير لية ودة هيفيدك جدا جدا هتحسي انك مربطة المعلومات ببعض ودة هيساعدك واول ما ترجعي حلي وبلاش تسمعي كلام الناس المحبين اللي اكبر منك لأن دة هيأثر عليكي فمتخافيش واهدي كدة لان التوتر الزايد دة هيعقد الموضوع. مش هيزيده وفي جملة مدرس قالها انت مطالب بالسعي وسط هذه المعمعة وجملة تانية اعمل ماعليك ولا عليك وفي حاجات تانية كتير يعني انتي بتعملي عليكي وملكي دعوة بالنتيجة وممكن خوفك الزايد من تالتة دة انك عاوزة كلية معينة كلية قمة مثلا متقلقيش اعملي اللي عليكي وسيبي الباقي علي ربنا في جملة جميلة اوي اسمها (تمادينا في التفكير ونسينا ان اقدارنا مكتوبة )يعني متفكريش في حاجة دوسي وخلاص اعملي اللي عليكي اتمني اكون افدتك
تم النشر الأحد، ٢٣ مارس ٢٠٢٥
وعليكم السلام ورحمة الله وبركاته، أفهم تمامًا ما تشعرين به من ضغط وتشتت بسبب النظام الدراسي الحالي والضغوطات التي تواجهينها. من الضروري أن تعيشي هذه المرحلة بفعالية دون أن تفقدي الشغف والدافع نحو التعلم. إليك بعض النصائح التي قد تساعدك في تجاوز هذه الفترة الصعبة: الأولويات: يمكنك تحديد المواد التي تحتاجين فيها لدروس بشكل أكبر، خاصة تلك التي تجدين صعوبة فيها، كالمواد العلمية مثل الرياضيات والكيمياء. حاولي تقليل عدد الدروس مبدئيًا والتركيز على المواد الأساسية. استغلال الموارد المتاحة: إذا كان لديك معلم مفضل في إحدى المواد، حاولي التحدث إليه بشأن الجدول وخيارات الدروس. يمكنك أيضًا الاعتماد على المنصات التعليمية عبر الإنترنت أو القنوات التي تفضلينها، واستغلالها بشكل مكثف. توزيع الوقت: على الرغم من أن الوقت يبدو ضيقًا، حاولي تخصيص وقت صغير كل يوم لتدوين جدول بسيط لمذاكرتك. يمكنك وضع مدة محددة للمذاكرة في كل مادة وفقًا لما يناسبك دون ضغط. التواصل مع الأهل: تحدثي مع والديك عن مشاعرك وضغوطات الدراسة. قد يتمكنان من مساعدتك في اتخاذ القرار الصحيح أو في تعلم كيفية إدارة وقتك بشكل أفضل. الحفاظ على النشاط: حتى مع ضيق الوقت، حاولي تخصيص بعض الوقت لممارسة الهوايات أو الأنشطة التي تحبينها. هذا يساعد في تجديد الطاقة الذهنية والجسدية. التعامل مع الضغوط: إذا كنت تشعرين بالضغط، حاول أن تعكس هذا الشعور من خلال كتابة ما يشغلك أو ما قد يجعلك تشعرين بتحسن. هذه الخطوة قد تساعدك في تنظيم أفكارك. عدم الاستسلام: تذكري أن هذه المرحلة مؤقتة، وأن الدراسة ليست فقط لتحقيق الدرجات، بل هي أيضًا لاكتساب المعرفة وتطوير الذات. عزيزتي، من المهم أن تعتني بنفسك وتحافظي على توازنك بعيدًا عن الضغط النفسي. تذكري أنه يمكنك تحسين الوضع من خلال استراتيجيات بسيطة ومخطط لها بشكل جيد. وفقك الله في دراستك.
تم النشر الاثنين، ١٧ مارس ٢٠٢٥
لعرض السؤال في فدني اضغط هنا