دلوقتي اناخايفه ومتوتره اوي، انا بحب واحد لسه مكملناش اسبوع وهو راح جيش واناخايفه خالص يخلف وعده معايا، قدامه سنه ويخلص
طيب هوبيحبني بجد ولا لا مش متاكده بس كل شويه بيطمني بس ازاي حد يكون بيحبك يضرك في نفس وقت ويطلب منك تتكلم وراء اهلك اولا هو مش عاوزني اقول لاهلي حاجه ولا أصحابي واناخايفه مش عارفه ده صح ولا غلط خايفه غلط يكبر وهروح بكره مخصوص لدكتور نفسي بتاعي احمد عبد العزيز هو قليل كلام خايفه ميفهمنيش وبيدلي نفس علاج وخلاص لكن مش بيريحني بالكلام
طيب ليه حبيبتي نكمل في حاجة أصلا حاسين إنها غلط. أنتِ فطرتك سليمة وتربيتك كويسة عشان كده حاسة إن اللي بتعمليه غلط ومش واثقة فيه. أنا مش عارفة عمرك كم بس أخمن إنك لسه صغيرة ومشاعرك ما زالت خضراء ولسه معندكيش خبرة في التعامل مع الشباب. أغلب الشباب حاليا بيتسلوا لما بيطلبوا من البنات يدخلوا في علاقة معهم وكتير منهم بيكون هدفه أكبر من مجرد تسلية وكلام وممكن يجر البنت لزنا وحرام ويدمر سمعتها وحياتها. ليه نروح للشر برجلينا وربنا عززنا وحفظنا من ده؟ لو انتِ مسلمة فحرام العلاقات بين الشباب والبنات خارج إطار الزواج أو الخطبة الشرعية. هو طلب منك متقوليش لأهلك وأصحابك وده معناه إنه عاوز علاقتكم في الضلمة، عاوز يقضي وقت معك ويملى فراغ عنده وميكونش مُلزم بك قُدام أهلك ولا المجتمع. وقت ما يزهق بقى هيقول لك مع السلامة. لو بيحبك مش هيخاطر بسمعتك وهيعرف يوصل لك بالحلال وقُدام أهلك. غير كده حرام عليكِ نفسك ومشاعرك. افتكري ربنا وافتكري أهلك وثقتهم بك. اقطعي علاقتك به وركزي في حياتك وانجحي لنفسك عشان انتِ تستحقي الأفضل... متستحقيش تكوني مجرد واحدة للتسلية. ربنا معك.
تم النشر السبت، ١٨ يناير ٢٠٢٥
"اللي بتعملي مش مجرد غلط بسيط دي بتكون كارثه حرفيا " مينفعش يبنت الناس حد يقولك بحبك كدا وتصدقيه لاي سبب وده اصلا بداية الغلط إن الكارثة إنك ما ينفع تكلمي من وراء أهلك لأن لو أنت مسلمة فدا محرم في الإسلام وحتى لو مخطوبين مش مسموح ليه يكلمك من غير محرم ولا حتي مجرد يلمسك ولا إنه يكلمك في كلام خارج عن الموضوع اللي هو بين العشاق ده عشان هو راجل غريب عنك ولأن مينفعش ربنا يكون حفظك وحماكي وحط الأسباب للوصول ليك وأنت بنفسك تسهلي الوصول ليك وتقللي قيمتك دلوقتي من الأخر كرجل حابب أقولك إنك بالنسبة للي بيكلمك انتي من غير اعتبارات فعادى لو سابك في اي وقت لانه اصلا مش ملتزم بحاجه ببساطة واخدك على سبيل التجربة لو ارتاح معاكي ممكن يخطبك حاجه تانيه ممكن واخدك على سبيل التسليه اصل فترة جيش بقى وصعبه ومحتاج حاجه تخفف عنه وكل ده بينسحب للأسف للأسف من قيمتك كبنت أقولك حاجه أخيرة لو هو أنتي ليك اخ مثلا او قريبك وهو لي اخت أو قريبه فاطلبي منه أن اخوك يتعرف على اخته او قريبك يتعرف على قريبته من خلاله وهل هو موافق ولا لا لو وافق ببساطة بقى الله يكون في عونك على اختيارك لأنك اخترت ديوث ولو رفض وغار على أهل بيته فاعرفي ببساطة إنك عنده أقل من أخته مجرد بنت بيجربها وهو بينافق من جواه لأنه ما بيرضاها على اخته أكيد دلوقتي حضرتك عرفت الصح من الغلط فلازم تتوبي وتطلبي منه يجي لبيتك يخطبك ويفهم أهلك وما توعديه باي شيء خالص اوعي توعدي بحاجه ووقتها بس هتعرفي هو بيلعب ولا لاء
تم النشر السبت، ١٨ يناير ٢٠٢٥
اكيد انتى عارفه انى العلاقه بين الولد والبنت من ورا الأهل حرام و لى حرام علشان ربنا خايف عليكى وعايز يحافظ على قلبك مش عايزه حد يضحك عليكى ويكسر قلبك واكيد انتى بتسمعى عن الحاجات إلى بتحصل زى الفضائح والتهديدات وهكذا والله لو بيحبك بجد كان اتقدم على طول ودخل البيت من بابه كان كلم اهلك واهلوا ف النور بس هو معملش كدا هو مش عايز يعرف حد وعايزك ف السر والضلمه ،هو بيطمنك علشان خايف لحسن تمشى عايزك تفضلى معاه مش علشان بيحبك علشان يتسله ،سبيه ى حبيبتى قوليلوا مش حينفع نتكلم تانى و لو عايزنى بجد اتقدم ،سبيه وربنا حيكرمك وينور حياتك ، ى رب اكون عرفت افهمك
تم النشر الثلاثاء، ٢١ يناير ٢٠٢٥
لا يجوز علاقه مبنيه على الكذب والسريه مش جايزه لو هو راجل فعلا وعاوزك بالحلال مش ح اتكلم معاك وراء اهلك ما تلعبو بدين الله ما بني على حرام فهو حرام انصحك تنصحيه لو عاوزك يتقدم لك او انسي الموضوع لحدي ما اكون جاهز واجي اتقدم لك ابنو حياتكم صح
تم النشر الثلاثاء، ٢١ يناير ٢٠٢٥
طب هو ليه مش عايزك تقولي اصحابك او أهلك؟
تم النشر الأحد، ١٩ يناير ٢٠٢٥
ولا متخذات أخدان
تم النشر السبت، ١٨ يناير ٢٠٢٥
لعرض السؤال في فدني اضغط هنا