كنت بشتري لبس من فتره وانا بطبعي مش بحب الالوان الزاعقه اللي نازله جديد دي ف طبعا ماما كانت معايا وانا بشتري خيا واختي الكبيره دخلوني البس طقم بس لونه لموني اللي نازل جديد دا وانا م بحب واول ما شافوه عليا جميل ومادونيش فرصه اني اقرر حتى واشتروه وانا مش مقتنعه هوا شكله حلو ف الديزاين بس اللون وحش وكلو بيقنعني بيه
اعمل اي البسه ولا لا ع بجد محتاره
بلاش حتى لو شكله حلو لأن اللبس أكتر حاجة بتزود الثقة في النفس فلو حضرتك لبستيه ونزلتي بيه في الشارع ولاقيتي الناس بتبص عليكي حتى لو على حاجة تانية مش الطقم حضرتك هاتفكري إن الناسبتبص عليكي عشان الطقم ملفت وهاتتورتري في الشارع وتبقي عايزة تروحي ثانيا. فكرة اللبس الجديد إنه يغير مودك الأحسن ويخليكي مبسوطة والطقم ده بالعكس خلاكي متضايقة وحاسة إن فيه حاجة غلط وعموما اللبس اذواق كل واحد حر في ذوقه وكل واحد بيختار اللي يناسب شخصيته
تم النشر السبت، ٢٢ يوليو ٢٠٢٣
هو لا يجوز اصلا أنك تلبسي لون (ملفت) أو فاقع ولازم اللبس ده يكون مناسب مع مواصفات الزي الشرعي بأنه يكون واسع وملوش وسط ويكون طويل واصل الأرض أو اطول وفوقه خمار طبعاً عشان تغطية الصدر
تم النشر الثلاثاء، ٢٦ مارس ٢٠٢٤
متلبسيش حاجة انتى مش مرتاحة فيها ولا مش شايفه نفسك فيها
تم النشر السبت، ٢٢ يوليو ٢٠٢٣
متقبليش بحاجه انتي مش عايزاها .. لو مش عاجبك روحي وقولي لهم بهدوء كده وباحترام انه مش عاجبك وانك محتاجه تغيريه. لانك مش هتلبسيه ... لولو اختك مثلا عايزاها ممكن تدهولها هي تللبسه طالما كانوا شايفين انه حلو. ولو محدش هياخده .. خلاص انزلي بدليه.
تم النشر السبت، ٢٢ يوليو ٢٠٢٣
انت لو م عاجبك ترفضي تلبسيه و لو قالولك حاجة تقولي لهم ان مش انت اللي مختراه فانت مش هتلبسيه لان انت ده مش ذوقك وكمان مش اي لون بتلبسيه ومش اي لون بترتاحي فيه فيما بعد كده هتلاقيهم ما بيتدخلوش تاني في هدومك ولا في الوان لبسك ولا في الكلام ده اما لو انت حاسه انك عادي ممكن تلبسيه او ما فيش مشكله بالنسبه لك خلاص البسيه وانزلي بيه احنا اهم حاجه عندنا ان الحاجه دي ما تكونش بتغضب ربنا ولا بتكون ملفته وادام الحاجه مش بتغضب ربنا اكيد مش هتكون ملفته وما لكيش دعوه بالالوان ممكن تلبسي دريس وعليه الخمار وعادي بقى ايا يكن لونه ايه ده كده اي لون تلبسيه مش هيغضب ربنا برده فاهمه قصدي
تم النشر السبت، ٢٢ يوليو ٢٠٢٣
المهم طالما يرضي ربنا البيسه ومفيش مشاكل اما لو ضيق وفيه الكلام دا فياريت لو ترجعيه
تم النشر الجمعة، ٢١ يوليو ٢٠٢٣
اعملى اللى يريحك انتي
تم النشر الأحد، ٢٣ يوليو ٢٠٢٣
لو هيا المناسبة خلاص بكره و مفيش وقت يسمح نغيروا خلاص مش هيضر و هو يوم و هيعدي و بعدها تقولي لاهلك مش عجبني إنما لو فى وقت لتغيير و لسا بدري على المناسبة اتكلمي مع أهلك و هما مش هيقولو لا...بس.
تم النشر السبت، ٢٢ يوليو ٢٠٢٣
لعرض السؤال في فدني اضغط هنا